BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقش ەلشىسى قازاقستاندىق ايەلدەرگە قورىقپاي كاسىپ اشۋعا كەڭەس بەردى ەكسكليۋزيۆ

فوتو: Нұржас Жақсыбай

بۇگىن – حالىقارالىق ايەلدەر كاسىپكەرلىگى كۇنى. وسى ورايدا استاناداعى st. regis قوناق ۇيىندە wed talks&workshops «كوبەلەكتىڭ اسەرى» اتتى كونفەرەنسيا ۇيىمداستىرىلدى، دەپ حابارلايدى baq.kz ٴتىلشىسى.

كونفەرەنسيانى ۇيىداستىرۋشىلاردىڭ ايتۋىنشا، شارادا ايەل كاسىپكەرلەر، بيزنەس-جاتتىقتىرۋشىلار جانە حالىقارالىق قوعامدىق ۇيىمداردىڭ وكىلدەرى تابىستى كاسىپ اشۋدىڭ قۇپيالارىمەن بولىسەدى.
سونداي-اق كونفەرەنسيا بارىسىندا قاتىسۋشىلارعا ماركەتينگ، جوبالاردى باسقارۋ جانە بيزنەس داعدىلارىن جەتىلدىرۋدىڭ قازىرگى ۇردىستەرى تۋرالى بىلۋگە مۇمكىندىك بەرىلەدى.

«ٴبىز بۇل شارانى ەكىنشى جىل قاتارىنان وتكىزىپ جاتىرمىز. ايەلدەر كاسىپكەرلىگى كۇنىنە ارنالعان وتكەن جىلعى كونفەرەنسياعا ٴتۇرلى قالادان 300-دەن استام ادام قاتىستى. بيىلعى كونفەرەنسيانىڭ باعدارلاماسى ەكى كۇنگە جوسپارلانعان. شارا talks&workshops فورماتىنداعى موتيۆاسيالىق پرەزەنتاسيالار مەن پراكتيكالىق سەمينارلاردان تۇرادى»، - دەيدى ورتالىق ازيا مەن تمد ەلدەرىنىڭ رەسمي وكىلى جانە pipl networking bureau باسشىسى مەرەي مۇستافينا.


وسى ورايدا شارانى ۇيىمداستىرۋشى بيىلعى كونفەرەنسياعا 300-دەن ازامات قاتىسۋعا ٴوتىنىش بىلدىرگەنىن اتاپ ٴوتتى.

«شاراعا 300 ادام كەلدى. بۇگىن وتەتىن شارا ايەلدەرگە ٴوز كاسىبىن اشۋعا مۇمكىندىك بەرەدى. ال كەلەسى كۇنى ٴبىز ولارعا تابىستى بيزنەس جۇرگىزۋدىڭ تاسىلدەرىن تۇسىندىرەمىز. ياعني كەيىن ولار وسى كونفەرەنسيادا العان بىلىمدەرىن ٴوز جوبالارىندا پايدالانا الادى. جالپى ٴبىزدىڭ ماقساتىمىز - قازاقستاندىق ايەلدەرگە ٴوز كاسىبىن اشۋعا كومەك بەرۋ. وسى شاراعا قاتىسقان 1-2 ايەل ٴوز كاسىبىن اشسا، ماقساتىمىزدىڭ ورىندالعانى. سەبەبى، بۇل قازاقستان ەكونوميكاسىنىڭ العا جىلجۋىنا سەرپىن بەرەدى. جالپى ستاتيستيكا مالىمەتتەرىنە جۇگىنسەك، قازاقستانداعى شاعىن جانە ورتا بيزنەستە ايەلدەردىڭ ۇلەسى – 70%»، - دەيدى ورتالىق ازيا مەن تمد ەلدەرىنىڭ رەسمي وكىلى جانە pipl networking bureau باسشىسى.


قازاقستانداعى اقش-تىڭ توتەنشە جانە وكىلەتتى ەلشىسى دجوردج كرولل كاسىبىن اشقىسى كەلەتىن ايەلدەرگە ٴوز كەڭەسىن بەردى.


«مەنى شاراعا ۇيىمداستىرۋشىلار شاقىردى. بيزنەس اشۋدا پروبلەمالار بار. العاشقى ۋاقىتتا كاپيتالدى قايدان الۋ كەرەك، بيزنەستى العا قالاي جىلجىتۋ قاجەت جانە ت.ب. سۇراقتار بولادى. ايەلدەر مەن قىزدارعا بەرەر كەڭەسىم: ٴوز كاسىپتەرىڭىزدى اشۋعا مۇمكىندىكتەرىڭىز بولسا، قورىقپاڭىزدار، ۇيالماڭىزدار. باتىل قيمالداۋعا ارەكەت جاساڭىزدار. بۇل ەل ەكونوميكاسىنىڭ دامىتۋعا مۇمكىندىك بەرەدى»، - دەپ تۇيىندەدى ٴسوزىن ەلشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي