BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اقساي نان» ونىمدەرى 1 تەڭگە مەن 5 تەڭگە ارالىعىندا قىمباتتادى

استانا. 21 شىلدە. baq kz- الماتىداعى ەڭ ٴىرى نان ونىمدەرىن شىعاراتىن زاۋىت ٴوز تاۋارىنىڭ باعاسىنا ىرىق بەردى. «اقساي نان» كومپانياسى تاماق ونىمدەرىن 1 تەڭگە مەن 5 تەڭگە ارالىعىندا قىمباتتاتتى، دەپ حابارلايدى «استانا» تەلەارناسى.

كاسىپورىن وكىلدەرى الەۋمەتتىك نان، ياعني كۇندەلىكتى حالىق تۇتىناتىن بولكەگە باعانىڭ كوتەرىلمەگەنىن ايتىپ وتىر. تەك توقاش، كرۋاسسان، باتون سىندى ونىمدەرگە ٴتاريفتىڭ ارتقانىن راستادى.

تاعام ٴوندىرۋشى كومپانيا باعا ساياساتىنداعى وزگەرىستى ينفلياسيانىڭ ارتۋىمەن جانە كوممۋنالدىق تولەمدەردىڭ قىمباتتاۋىمەن بايلانىستىرادى. وسى جىلدىڭ باسىندا گاز، سۋ جانە ەلەكتر جارىعىنا تاريف كوتەرىلگەن بولاتىن. الايدا، تۇتىنۋشىلار قۇقىعىن قورعايتىن بىرلەستىكتەر باعانىڭ اياق استىنان كوتەرىلۋىن نەگىزسىز دەيدى. سەبەبى، قالادا حالىقتىڭ ەڭ كوپ تۇتانىناتىن ازىق-تۇلىكتەر ونسىز دا قىمبات.

«باعانىڭ وسۋىنە، ارينە، ولار ىلعي جانارمايدىڭ، جارىقتىڭ، سۋدىق قىمباتتاۋىن سىلتاۋ ەتەدى. ونداي بولسا، ونى قۇجات جۇزىندە كورسەتىپ، ەلگە ٴتۇسىندىرسىن. دالەلدەي الماسا، باعا ٴوز قالپىنا كەلۋى كەرەك. كوبى ويلايدى، 5 تەڭگە دەگەن نە دەپ. كوپتەگەن وتباسى، كوپ بالالارى سول انامەن عانا ٴومىر سۇرەدى. ولار ٴۇشىن 5 تەڭگە دە اقشا»،-دەيدى «ادال» تۇتىنۋشىلار قۇقىعىن قورعاۋ بىرلەستىگىنىڭ ٴتورايىمى ارتىق سەيىتقاليەۆا.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي