BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقساي كەن ورنى پايدالانۋعا بەرىلدى (فوتو)

 استانا. 12 جەلتوقسان. baq.kz – بۇگىن اقساي كەن ورنى سالتاناتتى تۇردە پايدالانۋعا بەرىلدى.

شاراعا «قازمۇنايگاز» ٴبو» اق باس ديرەكتورى ابات نۇرسەيىتوۆ، «قازگەرمۇناي» بك» جشس باس ديرەكتورى مەدەت كارىم قاتىستى.
اقساي مۇناي-گاز كەنىشى 1988 جىلى انىقتالدى. 2011 جىلى كەن ورنىن وڭدەۋ قۇجاتتارى ازىرلەندى. وسىدان كەيىن، قاجەتتى قۇرىلىس جۇمىستارى جۇرگىزىلدى. قازىرگى تاڭدا بارلىعى تالاپقا ساي اياقتالىپ وتىر. كەن ورنىندا مۇناي جانە گاز كوندەنساتىن شىعارۋ جۇمىستارىنان بولەك، 2015 جىلدان باستاپ مۇندا تابيعي گازدى دا وندىرىلمەك. ناتيجەسىندە وبلىس تۇرعىندارىن ۇزاق مەرزىمگە قۇرعاق تاۋار گازىمەن قامتاماسىز ەتۋگە مۇمكىندىك تۋادى.
مۇناي قورلارى بويىنشا اقساي كەن ورنىنىڭ اقشابۇلاق پەن نۇرالى كەن ورىندارىنا قاراعاندا ەداۋىر كىشى ەكەنىن اتاپ ٴوتۋ كەرەك. ٴبىراق اقساي گاز كەن ورنىنا باي جانە ونى يگەرۋ بويىنشا جوبانى ىسكە اسىرۋ جىلىنا 550 ملن. م3 دەڭگەيىندە كومپانيا بويىنشا گازدى ٴوندىرۋدى ورناتۋعا جانە 2020 جىلعا دەيىن قىزىلوردا قالاسىن گازبەن تۇراقتى قامتاماسىز ەتۋگە مۇمكىندىك بەرەدى.
جالپى، «قازگەرمۇناي» بك جشس بىرىككەن كاسىپورىن تەڭگەرىمىندە مۇناي جانە گازدىڭ بەس كەنىشى وشاعى بار. ولار: ورتالىق اقشابۇلاق، وڭتۇستىك اقشابۇلاق، شىعىس اقشابۇلاق، نۇرالى جانە اقساي.
كومپانيا جىل سايىن كەن ورىندارىنىڭ ينفراقۇرىلىمىنا قولداۋ كورسەتۋ جانە ونى دامىتۋ ٴۇشىن قوماقتى قاراجاتتارىن ينۆەستيسيالاۋدا. كەن ورىندارىندا قولدانىلاتىن بارلىق ٴوندىرىس وشاقتارى مۇناي سالاسىنداعى تەحنيكانىڭ جانە تەحنولوگيانىڭ زاماناۋي ۇلگىلەرىمەن جاراقتاندىرىلىپ، بۇگىنگى تاڭداعى ٴوندىرۋ تولىعىمەن اۆتوماتتاندىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي