BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقمولا وبلىسىنداعى قۇس فابريكاسى جىلدىق ٴونىمدى 90 ملنعا جەتكىزبەك

 استانا.18 قاڭتار. baq.kz –استانا قالاسىنىڭ ازىق-تۇلىك بەلدەۋىن قالىپتاستىرۋدا اقمولا وبلىسىنىڭ ۇلەسى باسىم. بۇگىندە ٴوڭىر كاسىپورىندارى ەلوردانى ەت جانە ٴسۇت ونىمدەرىمەن 50%، كارتوپ جانە جۇمىرتقامەن 100% قامتاماسىز ەتىپ وتىر. بۇل ايماقتاعى اۋىلشارۋاشىلىعى كاسىپورىندارى قاتارىنىڭ ارتا تۇسكەنىن اڭعارتادى. سونداي نىسانداردىڭ ٴبىرى – استانادان 100 شاقىرىم جەردەگى اقكول اۋدانىندا ورنالاسقان قۇس فابريكاسى. وتكەن جىلدىڭ اياعىندا ىسكە قوسىلعان كاسىپورىن ٴقازىر ٴتاپ-تاۋىر قارقىن الىپ كەلەدى.

 

قۇس فابريكاسىنىڭ اشىلعانىنا قۋانعانداردىڭ ٴبىرى – اقمارال شىنىبايەۆا. ٴۇش بالانىڭ اناسى بۇگىندە جولداسى ەكەۋى وسىندا جۇمىس ىستەپ ٴجۇر. ولاردىڭ ەكى قولعا ٴبىر كۇرەك تابۋىنا «جۇمىسپەن قامتۋدىڭ جول كارتاسى-2020» باعدارلاماسى سەبەپ بولعان. ٴبىر جارىم جىل قۇس باپتاۋدىڭ قىر-سىرىن ۇيرەنىپ، ٴقازىر سونىڭ جەمىسىن كورىپ وتىر.

اقمارال شىنىبايەۆا، فابريكا جۇمىسشىسى:

– اۋىلدا وسى ۋاقىتقا دەيىن جۇمىس بولمادى. جولداسىم بار. ول دا جۇمىسسىز وتىردى. فابريكا اشىلعالى بەرى وسىندا جۇمىس ىستەپ جاتىرمىز. تاۋىققا قارايمىز. بالاپان كۇيىندە قابىلدادىم. ٴقازىر جۇمىرتقا الىپ جاتىرمىز. اۋىلدا ٴقازىر ەشكىم جۇمىسسىز وتىرعان جوق.

مەملەكەت تاراپىنان مۇندا «بيزنەستىڭ جول كارتاسى-2020» باعدارلاماسى بويىنشا 120 ملن تەڭگەگە جول سالىنىپ، سۋ، كارىز جۇيەسى مەن ەلەكتر قۋاتى تارتىلىپتى. نەمىس تاۋىقتارىن رەسەيدەن الدىرعان كاسىپورىن مۇنداعى تەحنولوگيانىڭ 70%-ى وتاندىق ٴونىم ەكەنىن ايتادى.

ساپارعالي ٴابدىرايىموۆ، باس تەحنولوگ: 

– جەم قوسپالارىنىڭ بارلىعى وتاندىق ٴونىم. قۇستار وتىرعان توردىڭ ٴوزى قازاقستاندا، شىمكەنت قالاسىندا شىعارىلعان. ياعني بىزدە تەك وتاندىق ونىمدەر قولدانىلادى. بۇگىندە 50-دەن استام جەرگىلىكتى تۇرعىندى جۇمىسپەن قامتىپ وتىرعان كاسىپورىن جىل اياعىنا قاراي جۇمىسشىلاردىڭ سانىن 100-گە جەتكىزۋدى كوزدەيدى. قۇس فابريكاسى ٴقازىر كۇنىنە 130 مىڭ دانا جۇمىرتقا شىعارىپ وتىر. بۇل ازىرگە جوبالىق قۋاتتىلىقتىڭ تەك 60%-ى عانا.

دياس يسپانوۆ، قۇس فابريكاسىنىڭ اتقارۋشى ديرەكتورى:

 – جۇمىرتقانىڭ نەگىزگى ساتىپ الۋشىلارى – ششۋچينسك، استانا جانە قاراعاندى قالالارى. بۇگىنگى تاڭدا كوكشەتاۋعا دا ساتىپ جاتىرمىز. تولىق وندىرىستىك قۋاتتىلىققا 2015 جىلدىڭ ماۋسىم ايىندا شىعاتىن بولامىز. جىلىنا 90 ملن جۇمىرتقا وندىرەمىز. ايتا كەتۋ كەرەك، قۇس فابريكاسى – ۇدەمەلى يندۋستريالدى-يننوۆاسيالىق دامۋ مەملەكەتتىك باعدارلاماسىنىڭ العاشقى 5 جىلدىعىنداعى جەمىستەرىنىڭ ٴبىرى. 

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي