BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2020 جىلى شەتەلدىك ينۆەستورلارعا مەملەكەتتىك قىزمەتتەردى تەك اعىلشىن تىلىندە ۇسىنامىز – ساعىنتايەۆ

فوتو: Бауыржан Жуасбаев

استانادا ٴوتىپ جاتقان «kazakhstan global investment roundtable» فورۋمىندا ۇكىمەت باسشىسى باقىتجان ساعىنتايەۆ 2020 جىلدان باستاپ شەتەلدىك ينۆەستورلارعا مەملەكەتتىك قىزمەتتەر تەك اعىلشىن تىلىندە ۇسىنىلاتىنىن مالىمدەدى، دەپ حابارلايدى baq.kz ٴتىلشىسى.

«قازاقستان ۇكىمەتى ينۆەستورلارمەن جۇمىستىڭ حالىقارالىق ۇستانىمدارى مەن ستاندارتتارىن ٴار ۋاقىتتا دا ۇستانىپ كەلدى جانە ۇستانا بەرەدى. ٴبىزدىڭ جۇمىسىمىزدىڭ باستى باعدارى – زاڭنىڭ تۇراقتىلىعى مەن ۇستەمدىگىن قامتاماسىز ەتۋ. قازاقستان اشىق مەملەكەت جانە سولاي قالا بەرەدى. ٴبىز ەىدۇ-نىڭ ينۆەستيسيالار جونىندەگى كوميتەتىنە كىردىك. وسىعان بايلانىستى مەن ۇكىمەتتىڭ بيزنەس ٴۇشىن بارىنشا ۇزدىك جاعداي جاساۋعا بەل بايلاعاندىعىن اتاپ وتكىم كەلەدى»، - دەدى ۇكىمەت باسشىسى.

وسى ورايدا باقىتجان ساعىنتايەۆ 2020 جىلى شەتەلدىك ينۆەستورلارعا مەملەكەتتىك قىزمەتتەر تەك اعىلشىن تىلىندە كورسەتىلە باستايتىنىن جەتكىزدى.

«سىزدەردىڭ مەملەكەتتىك ورگانعا نەمەسە جەرگىلىكتى اتقارۋشى ورگانعا جىبەرگەن ٴاربىر ساۋالعا 10 جۇمىس كۇننىڭ ىشىندە اعىلشىن تىلىندە جاۋاپ بەرىلەتىن بولادى. ەگەر ٴسىز سۇراقتى قازاق نەمەسە ورىس تىلىندە جىبەرەتىن بولساڭىز وندا ٴبىز سول تىلدەردە دە جاۋاپ بەرەمىز. الايدا، ٴبىز اعىلشىن تىلىندە 10 كۇننىڭ ىشىندە جاۋاپ بەرۋگە نيەتتىمىز. ەكىنشىدەن، ٴبىز كەزەڭ-كەزەڭىمەن 2020 جىلدان باستاپ شەتەلدىك ينۆەستورلارعا مەملەكەتتىك قىزمەتتەردى تەك قانا اعىلشىن تىلىنە ۇسىنۋعا كوشەمىز. حقكو-لاردا، مەملەكەتتىك ەمحانالاردا، مەكتەپتەردە، مەكتەپكە دەيىنگى ٴبىلىم بەرۋ ۇيىمدارىندا، كوشى-قون، سالىق قىزمەتتەرىندە اعىلشىن ٴتىلىن بىلەتىن ارنايى ماماندار ىرىكتەپ الىنادى»، - دەدى ول.

سونىمەن قاتار پرەمەر-مينيستر شەتەلدىك ينۆەستورلار ٴۇشىن ٴتيىستى زاڭدار قابىلدانعانىن اتاپ ٴوتتى.

«ۇشىنشىدەن، ينۆەستورلار ٴۇشىن بارلىق نەگىزگى نورماتيۆتىك-قۇقىقتىق اكتىلەر ٴسىم، يدم جانە «kazakh invest» ۇلتتىق اگەنتتىگىنىڭ سايتىندا اعىلشىن تىلىندە جاريالاناتىن بولادى. تورتىنشىدەن، ٴبىز، ەلەكتروندى ۆيزا، شەكارادان ٴوتۋ، كوشى-قون ەسەبىنە الۋ جانە قاۋىپسىزدىك ماسەلەلەرىندە شەتەلدىك ينۆەستورلاردىڭ ەلگە كەلۋ شارتتارىن ودان ٴارى جاقسارتامىز. بارلىق وسى ٴتورت باعىت بويىنشا ٴاربىر وكىلەتتى ورگان قاجەتتى جۇمىستاردى تۇزەدى»، - دەدى باقىتجان ساعىنتايەۆ.

ٴسوز سوڭىندا ول «kazakhstan global investment roundtable» فورۋمى شەتەلدىك ينۆەستورلار مەن قازاقستان مەملەكەتى اراسىندا تىعىز بايلانىس ورناتۋعا جول اشاتىنىن تىلگە تيەك ەتتى.

«بۇگىنگى شارا ىسكەر توپتارمەن تىعىز بايلانىس ورناتىپ، جاڭا مۇمكىندىكتەرگە جول اشادى دەگەن ۇمىتتەمىن. ٴبىز ينۆەستورلارمەن پروبلەمالىق سۇراقتاردى شەشۋ ٴۇشىن شۇعىل ديالوگ ورناتۋعا دايىنبىز. ستراتەگيالىق سۇراقتاردى شەشۋ ماقساتىندا جوعارى دەڭگەيدە شەتەلدىك ينۆەستورلار كەڭەسى جۇمىس ىستەيدى. ۇكىمەت دەڭگەيىندە ينۆەست كليماتتى جاقسارتۋ ٴۇشىن اتالعان كەڭەسپەن ٴارى قازاقستاننىڭ ەۋروپالىق بيزنەس قوعامداستىعىمەن ۇنەمى ديالوگ جۇرگىزىلەدى. سونىمەن قاتار سىزدەر ٴۇشىن ياعني شەتەلدىك ينۆەستورلاردىڭ قۇقىعىن قورعاۋ ماقساتىندا ينۆەستيسيا ومبۋدسمەنى جۇمىس ىستەيدى. قازاقستان ينۆەستورلار اراسىندا ٴوز بەدەلىن قورعاپ، سەنىمدى سەرىكتەس ەكەنىن دالەلدەي ٴبىلدى»، - دەدى ۇكىمەت باسشىسى.

ونىڭ ايتۋىنشا، سوڭعى 10 جىلدا ەلىمىزدىڭ ٴارتۇرلى سالاسىنا 250 ملرد دوللاردان استام قارجى كولەمىندە شەتەلدىك ينۆەستيسيا تارتىلعان ەكەن.

ايتا كەتەيىك، «kazakhstan global investment roundtable» فورۋمىنا 100-دەن استام كومپانيا قاتىسۋدا. اتالعان فورۋم اياسىندا شەتەلىك ينۆەستورلارمەن قۇنى 3،5 ملرد دوللاردى قۇرايتىن 13 كەلىسىمگە قول قويىلادى دەپ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي