BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىمكەنتتە مىڭ ٴتۇرلى كىلەم توقىلادى

وڭتۇستىك قازاقستان وبلىسىنداعى كىلەم، كىلەم ونىمدەرىن جانە پوليپروپيلەن جىپتەرىن وندىرۋمەن اينالىساتىن ەلىمىزدەگى العاشقى «بال تەكستيل» كىلەم فابريكاسى ەكسپورت كولەمىن 20-30 پايىزعا ارتتىردى. بۇگىندە كومپانيا ونىمدەرىن رەسەي، قىرعىستان، تاجىكستان مەن əزەربايجان قاتارلى ەلدەرگە ەكسپورتتالادى، دەپ حابارلايدى baq.kz ٴتىلشىسى.

جىلىنا 5 ملن. شارشى مەتر كىلەم توقىپ، 4 مىڭ توننا پوليپروپيلەندى كىلەم تۇگى ٴجىبىن وندىرۋگە مۇمكىندىگى بار فابريكا وتكەن جىلى 3 ملن. شارشى مەتر كىلەم شىعاردى. سالىنعان ينۆەستيسيا كولەمى 1،7 ملرد. تەڭگە بولاتىن فابريكادا 240 ادام جۇمىس ىستەيدى.

"فابريكادا وندىرىستىك قۋاتى تاۋلىگىنە 9 مىڭ ش.م دەيىن كىلەم توقيتىن «van de wiele» فيرماسىنىڭ 7 ستانوگى، پوليپروپيلەن جىپتەرىن يىرەتىن سوڭعى ۇلگىدەگى فرانسيا مەملەكەتىندە جاسالعان «superba»، گەرمانيا مەملەكەتىندە جاسالعان «almavolkmann» جانە «oerlikonneumag» ورناتىلعان. كىلەمدەر سينتەتيكالىق پروپيلەن جىپتەرىنەن دايىندالادى. پوليپروپيلەن نەمەسە قىسقارتىپ ايتقاندا bcf ٴجىبى قولدانىسى ەڭ كوپ تارالعان ماتەريال بولىپ تابىلادى. ول ٴجىپتىڭ ەرەكشە قاسيەتتەرىنىڭ ٴبىرى – شيراتىلمايتىندىعى. ياعني، يىرىلمەگەن ٴجىپ كىلەم توقۋداعى شىعىندى مۇمكىندىگىنشە ازايتادى، سونىڭ ارقاسىندا، كىلەم شىعارۋدىڭ جۇمىسىن جەڭىلدەتەدى" - دەيدى كىلەم توقيتىندار.

فابريكادا «بال تەكستيل» برەندىمەن مىڭ ٴتۇرلى كىلەم توقىلىپ، «bcf»، «heat-set»، «frize» ماركالى پوليپروپيلەن جىپتەرى يىرىلەدى.

«وڭتۇستىك» ارنايى ەكونوميكالىق ايماعىندا ورنالاسقان كىلەم فابريكاسى قازاقستاندىق كاسىپكەرلەر مەن كىلەم شىعاراتىن «kartal carpets» اتتى تۇرىك كومپانياسىمەن بىرىگىپ 2013 جىلدىڭ قازان ايىندا ىسكە قوسىلعان.

ناتيجەسىندە، وندىرىلگەن ونىمدەردىڭ جوعارى ساپاسى مەن ٴتيىمدى باعاسى، الۋان ٴتۇرلى ديزايندىق ۇلگى توپتامالارىنىڭ ارقاسىندا فابريكا ۇجىمى 2014 جىلى رەسپۋبليكالىق «التىن ساپا» كونكۋرسىندا «حالىق تۇتىناتىن ەڭ ۇزدىك تاۋار اتالىمى» بويىنشا ەكىنشى دارەجەلى ديپلوممەن ماراپاتتالدى. ال 2016 جىلى جەنەۆادا وتكەن حالىقارالىق bid ساپا كونكۋرسىندا «gold» نوميناسياسىنىڭ يەگەرى اتاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي