BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىل سوڭىنا دەيىن 72 مەكتەپتى پايدالانۋعا بەرەمىز - ۆيسە-مينيستر

قر ۇكىمەتىنىڭ ٴباسپاسوز ورتالىعىندا وتكەن بريفينگتە ٴبىلىم جانە عىلىم ۆيسە-مينيسترى اسحات ايماعامبەتوۆ اپاتتى جانە ٴۇش اۋىسىمدا وقىتاتىن مەكتەپتەر ماسەلەسى قالاي شەشىلىپ جاتقانىن ايتتى، دەپ حابارلايدى baq.kz اقپارات اگەنتتىگى.

ۆيسە-مينيستر اتاپ وتكەندەي، اتالعان ماسەلە ٴبىر ساتتە شەشىلە سالمايتىن ماسەلەلەردىڭ ٴبىرى. ەلىمىزدەگى كەيبىر مەكتەپتەردە ورىن بولماۋىنىڭ سەبەپتەرى دەموگرافيالىق جانە ميگراسيالىق جاعدايلار بولىپ وتىر. جىل سايىن ەلىمىزدىڭ مەگاپوليستەرىنە حالىقتىق كوپتەپ اعىلۋى بايقالۋدا. مىسالى، 2017 جىلى استاناعا تەك 17 مىڭنان استام بالا كەلگەن. ياعني، بۇل استانادا وتكەن جىل ٴۇشىن كەمىندە قوسىمشا 15 مەكتەپ سالۋ كەرەك دەگەندى بىلدىرەدى.

«ٴبىز مەكتەپتەر سالىپ جاتىرمىز. تەك بيىلدىڭ وزىندە رەسپۋبليكالىق بيۋدجەت ەسەبىنەن 110 مەكتەپ سالىنىپ جاتىر. جىل سوڭىنا دەيىن 72 جاڭا مەكتەپتى پايدالانۋعا بەرەمىز دەپ كوزدەپ وتىرمىز»، — دەدى ا. ايماعامبەتوۆ.

جىل سايىن ەلىمىزدە رەسپۋبليكالىق بيۋدجەت ەسەبىنەن 100-200 مەكتەپتىڭ سالىناتىنىنا قاراماستان، ماسەلە تولىققاندى شەشىلمەي وتىر. قازاقستاندا ٴالى كۇنگە دەيىن 127 ٴۇش اۋىسىمدىق، 44 اپاتتى مەكتەپ بار. وسىعان بايلانىستى جان باسىنا قارجىلاندىرۋ ەنگىزىلەتىن بولادى.

«جان باسىنا شاققاندا قارجىلاندىرۋ جەكە سەكتوردى جاڭا مەكتەپتەر سالىپ، اشۋعا ىنتالاندىراتىن بولادى. بۇگىندە پيلوت باستالىپ جاتىر. ٴبىز جەكەمەنشىك مەكتەپتەردىڭ اشىلىپ جاتقانىن كورىپ وتىرمىز»، — دەدى ۆيسە-مينيستر.

ونىڭ نەگىزىنە قازاقستاندا مەكتەپكە دەيىنگى مەكەمەلەردى سالۋدىڭ وڭ تاجىريبەسىنە الىندى.

«بىرنەشە جىل بۇرىن مەكتەپكە دەيىنگى بىلىممەن قامتۋ ەلىمىزدە نەبارى 60% ەدى، ٴقازىر – 93%. بۇعان جەكە سەكتوردى تارتۋ ەسەبىنەن قول جەتكىزىلدى. مەملەكەت باسشىسى "بالاپان" باعدارلاماسىنا باستاما ٴبىلدىردى. مجا-مەن جۇمىس جانداندى. وسى 7 اي ىشىندە ەنگىزىلگەن 40 مىڭ ورىننىڭ 30 مىڭى جەكە كومپانيالاردىكى»، — دەدى ۆيسە-مينيستر.

سونىمەن قاتار ا. ايماعامبەتوۆ جەكەمەنشىك مەكتەپتەردە مەملەكەت مەملەكەتتىك تاپسىرىستى ورنالاستىراتىنىن ايتتى. ۆيسە-مينيستردىڭ ايتۋىنشا، اتا-انالار ايىرماسىن بايقامايدى. سەبەبى تەگىن ورتا ٴبىلىم الۋ قامتاماسىز ەتىلەتىن بولادى.

ا. ايماعامبەتوۆ بۇگىنگى تاڭدا ەلىمىز بويىنشا مۇعالىمدەر سانىنىڭ جەتكىلىكتى ەكەنىن ايتىپ ٴوتتى. پەداگوگتاردى دايارلاۋ ساپاسىنا ەرەكشە كوڭىل ٴبولىنىپ وتىر. ٴقازىر ەلىمىزدەگى ۇستازدار سانى – 285 مىڭ ادام. جىل سايىن ۋنيۆەرسيتەتتەردە 35 مىڭ ادام پەداگوگ ماماندىعىن الىپ شىعادى. 2018 ج. مەملەكەتتىك گرانتپەن وقىتىلعان 6 مىڭ بولاشاق مۇعالىمدەر ٴبىتىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي