BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەتىساي اۋدانىندا جاڭا مەكتەپ پايدالانۋعا بەرىلدى

جەتىساي اۋدانىندا 300 ورىندىق جاڭا مەكتەپ پايدالانۋعا بەرىلدى. قۇزىلقۇم اۋىلدىق وكرۋگىنە قاراستى اقتوبە ەلدى مەكەنىندەگى ٴبىلىم ۇياسىنىڭ اشىلۋ سالتاناتىنا تۇركىستان وبلىسىنىڭ اكىمى جانسەيىت تۇيمەبايەۆ قاتىستى، دەپ حابارلايدى baq.kz اقپارات اگەنتتىگى.

اتا-انالار مەن وقۋشىلاردىڭ قۋانىشىمەن بولىسكەن وبلىس باسشىسى الداعى جىلى وڭىردە 40-قا جۋىق ٴبىلىم ۇياسىنىڭ قۇرىلىسى باستالاتىنىن ايتتى.

«مۇنداي مەكتەپتەردىڭ قاتارى جىل ساناپ ارتا تۇسەتىن بولادى. بۇل ەلباسىنىڭ تۇركىستان وبلىسىنىڭ حالقىنا دەگەن ەرەكشە قولداۋىنىڭ ارقاسىندا ىسكە اسىپ جاتقانىن ۇمىتپاۋىمىز كەرەك. سوندىقتان وسىنداي زاماناۋي مەكتەپتەردەگى ٴبىلىم ساپاسى دا جوعارى بولۋى ٴتيىس»، - دەدى جانسەيىت قانسەيىت ۇلى.

قۇرىلىسى 2017 جىلدىڭ تامىز ايىندا باستالعان ٴبىلىم ۇياسىنىڭ جالپى سمەتالىق قۇنى – 819 ملن 541 مىڭ تەڭگەنى قۇرايدى. ونىڭ 737 ملن تەڭگەسى رەسپۋبليكالىق، ال 81 ملن تەڭگەسى وبلىستىق بيۋدجەت ەسەبىنەن بولىنگەن.

قۇرىلىس جۇمىستارىن جەرگىلىكتى «نۇرلى-ل-جەتىساي» جشس-گى جۇرگىزىپ، 9 ايدا ساپالى ٴارى ٴساندى ەتىپ اياقتاپ وتىر. عيماراتتىڭ جالپى اۋدانى 6936،39 تەكشە مەتر. زامان تالابىنا ساي سالىنعان عيماراتتا وقۋشىلار اسحاناسى، 150 ورىندىق ٴماجىلىس جانە سپورت زالدارى بار. وقۋ بولمەلەرى دە جابدىقتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي