جەتىمىن جىلاتپاعان اكىم - ٴبىلىم & عىلىم|23 تامىز 2018، 13:43
كۋرسى ۆاليۋت وبنوۆليايۋتسيا
استانا:

جەتىمىن جىلاتپاعان اكىم

تۇركىستان وبلىسىنىڭ اكىمى جانسەيىت تۇيمەبايەۆ جەتىم جانە اتا-اناسىنىڭ قامقورلىعىنسىز قالعان 39 مەكتەپ ٴبىتىرۋشى تۇلەككە جوعارى وقۋ ورىندارىنا جولداما بەردى، دەپ حابارلايدى baq.kz اقپارات اگەنتتىگى.

ولارعا وقۋدا وزات بولۋدى، ساپالى ٴبىلىم الىپ، ەلگە قىزمەت ەتۋگە شاقىردى.

«ەلباسىمىز نۇرسۇلتان ٴابىش ۇلى ەلدىڭ بولاشاعى ٴبىلىمدى جاستاردىڭ قولىندا ەكەنىن ۇنەمى ايتىپ كەلەدى. سونداي-اق، مەملەكەتىمىز وسكەلەڭ ۇرپاقتىڭ ساپالى ٴبىلىم، سانالى تاربيە الۋىنا بارىنشا جاعداي جاساۋدا. مىنە، بۇگىنگى كورىنىس سونىڭ ايعاعى. بارلىعىڭ ٴبىلىم سىناعىنان سۇرىنبەي ٴوتىپ، جوعارى وقۋ ورنىنا جولداما الىپ وتىرسىڭدار. ەندى بىلىمدەرىڭدى شىڭداپ، بولاشاقتا ٴوڭىرىمىزدىڭ وسىپ-وركەندەۋىنە ۇلەس قوساسىڭدار دەپ سەنەمىن. ال، شەكتىك دەڭگەيدەن وتپەگەن 104 تۇلەك قالاعان ماماندىقتارى بويىنشا تەحنيكالىق جانە كاسىپتىك ٴبىلىم بەرۋ ۇيىمدارىنا اقىسىز ٴبىلىم الۋ مۇمكىندىگىنە يە بولادى. وسى رەتتە بالالارىمىزدىڭ اقىسىز نەگىزدە وقۋىنا دەمەۋشىلىك تانىتىپ وتىرعان جوعارى وقۋ ورىندارىنىڭ باسشىلارىنا العىس ايتقىم كەلەدى»، – دەدى جانسەيىت قانسەيىت ۇلى.

2017-2018 وقۋ جىلىندا جەتىم جانە اتا-اناسىنىڭ قامقورلىعىنسىز قالعان 197 بالا 11-سىنىپتى بىتىرسە، ٴ35-ى بالالار ۇيلەرىنىڭ تۇلەكتەرى. ونىڭ 190-ى ۇبت-عا قاتىسىپ، 86 وقۋشى شەكتىك دەڭگەيدەن وتسە، 7 تۇلەك جۇمىس ىستەۋگە نيەت بىلدىرگەن. سىناقتان سۇرىنبەي وتكەن 3 وقۋشى ەلىمىزدىڭ باسقا وڭىرلەرىندە ٴبىلىم الۋعا شەشىم قابىلداسا، ٴ44-ى مەملەكەتتىك تاپسىرىس ارقىلى، قالعان 39 مەكتەپ ٴبىتىرۋشى وبلىس اۋماعىندا ورنالاسقان جوعارى وقۋ ورىندارىندا ٴبىلىم الاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي