جامبىل وبلىسىندا «kundelik.kz» جۇيەسىنە تىركەلگەن مەكتەپتەر سانى ارتتى

تاراز، baq.kz ٴتىلشىسى. جامبىل وبلىسىندا «kundelik.kz» جۇيەسىنە تىركەلگەن مەكتەپتەر سانى 500 جۋىقتادى. بۇل جونىندە جامبىل وبلىسىنىڭ ينسۆەستورلارعا قىزمەت كورسەتۋ، جوبالىق باسقارۋ جانە سيفرلاندىرۋ ورتالىعىنىڭ ٴباسپاسوز قىزمەتى حابارلادى.

«مەملەكەتتىك مەكەمە وبلىستىق ٴبىلىم بەرۋ باسقارماسىمەن بىرلەسە جۇمىس ىستەۋدە. بۇگىنگى تاڭدا اعىمداعى جىلعا جوسپارلانعان مەجە 100 پايىز جۇزەگە اسىرىلىپ وتىر. ماسەلەن، «bilimland» سيفرلىق ٴبىلىم بەرۋ رەسۋرستارى پورتالىنا 446 مەكتەپ قوسىلعان. بۇل 100% قۇرايدى. ونىڭ ىشىندە 427 مەكتەپ ونلاين جانە 19 مەكتەپ وفلاين تاسىلىندە ٴبىلىم بەرۋ رەسۋرستارى پورتالىنا قوسىلدى. ال ونداعى اككاۋنت سانى 19 173 بولسا، ونىڭ 18 928، ياعني 98،35% بەلسەندى بولىپ تابىلادى. ەلەكتروندىق رەسۋرستاردىڭ قارالىم سانى 509 486 قۇرايدى»، - دەدى ٴباسپاسوز قىزمەتىندە.

ۇسىنىلعان اقپاراتقا سايكەس، «bilimland» پورتالىنداعى 8 044 ساباق پايدالانىلعان بولسا، «twig» پورتالىنداعى 244 ۆيدەو قارالدى. ال «itest» پورتالىندا 10 359 تەست، «imektep» پورتالىندا 11 083 باستاۋىش سىنىپتارعا ارنالعان ساباقتار قولدانىلىپ وتىر.

«وتكەن جىلى وڭىرىمىزدە 150 مەكتەپ «كۇندەلىك» جۇيەسىنە قوسىلسا، بيىل بۇل كورسەتكىش 437 جەتىپ وتىر. جۇيەگە جالپى 3 959 461 پايدالانۋشى تىركەلگەن. قالا مەن اۋىل مەكتەپتەرى اراسىنداعى ٴبىلىم دەڭگەيىنىڭ الشاقتىعىن جويۋ جانە مۇعالىمدەردىڭ ەلەكتروندىق رەسۋرستاردى، «كۇندەلىك» جۇيەسىن پايدالانۋىنا جاعداي جاساۋ ماقساتىندا مەكتەپتەردى جوعارعى جىلدامدىقتاعى ينتەرنەت، ىشكى سىمسىز wi-fi جەلىسىمەن جانە وقۋ كابينەتتەرىن كومپيۋتەرلىك تەحنيكالارمەن قامتاماسىز ەتۋ جۇمىستارى جۇرگىزىلۋدە»، - دەپ جازىلعان حابارلامادا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!