استانا: 
جاعدايى تومەن وتباسىنان شىققان ستۋدەنتتەردى قولداۋ ماقساتىندا 180 ميلليون تەڭگە قارجى ٴبولىندى. بۇل تۋرالى الماتىدا وتكەن بريفينگتە ٴال-فارابي اتىنداعى ۇلتتىق ۋنيۆەرسيتەتتىڭ رەكتورى عالىمقايىر مۋتانوۆ ايتتى، دەپ حابارلايدى baq.kz اقپارات اگەنتتىگى.
ونىڭ ايتۋىنشا، پرەزيدەنتتىڭ قايىرىمدىلىقپەن اينالىسۋ ۇندەۋىنە وراي، ۋنيۆەرسيتەتتىڭ قالتالى تۇلەكتەرى جانە باسقا دا ٴبىزدىڭ سەرىكتەستەر قاتارىنان دەمەۋشىلەر تابىلۋدا. جىل سايىن جاعدايى تومەن وتباسىنان شىققان تالانتتى ستۋدەنتتەردى قولداۋ ماقساتىندا ۋنيۆەرسيتەت تاراپىنان 180 ميلليون تەڭگەگە دەيىن قارجى بولىنۋدە.
«رەكتور رەتىندە 20 مىڭ قوسىمشا گرانتتى ٴبولۋ جانە ستۋدەنتتىك باسپانا قۇرىلىسى شەشىمى كەزىندەگى ۇلكەن قۋانىشتى جانە ٴوپتيميزمدى ايتقىم كەلەدى. ٴال-فارابي اتىنداعى قازۇۋ ەلىمىزدەگى جوعارى وقۋ ورىندارى اراسىندا مەملەكەتتىك ٴبىلىم گرانتى سانى بويىنشا كوشباسشى بولىپ، اتالمىش باستامانى قولداۋ ماقساتىندا حالىقارالىق ٴال-فارابي وليمپياداسىنىڭ جەڭىمپازدارىنا ارناپ ٴوزىنىڭ گرانتىن 3 ەسە ۇلعايتتى»، - دەدى رەكتور.
سونىمەن قاتار ول، سوڭعى 5 جىلدا ٴال-فارابي اتىنداعى قازاق ۇلتتىق ۋنيۆەرسيتەتىندەگى ايماقتىڭ جالپى اۋماعى 40%-عا وسكەنىن ايتىپ ٴوتتى.
«ونىڭ باسىم بولىگى مەملەكەتتىك-جەكە مەنشىك سەرىكتەستىك قاعيداسىنداعى الەۋمەتتىك نىساندارعا ٴبولىندى، ونىڭ ىشىندە ماگيسترانتتار مەن دوكتورانتتارعا ارنالعان 500 ورىندىق جاڭا جاتاقحانا بار. مۇنداي تاجىريبە بىزگە وسى جىلى مەملەكەتتىك-جەكە مەنشىك سەرىكتەستىك نەگىزىندە جالپى اۋماعى 31 مىڭ شارشىنى قۇرايتىن 1287 ورىندىق ستۋدەنتتىك جاتاقحانانى سالۋعا كىرىسۋىمىزگە جول اشتى»، - دەدى ول.
بيىل ٴال-فارابي اتىنداعى قازۇۋ ەلىمىزدەگى بولىنگەن وقۋ گرانتتارىنىڭ سانى بويىنشا ٴابساليۋتتى كوشباسشى اتانعان. 6،6 مىڭنان استام مەكتەپتىڭ ۇزدىك تۇلەكتەرى قازۇۋ-دى تاڭداپ مەملەكەتتىك ٴبىلىم گرانتىنا يە بولعان، ولاردىڭ ەداۋىر بولىگى «التىن بەلگى» يەگەرلەرى، حالىقارالىق جانە رەسپۋبليكالىق وليمپيادالاردىڭ جەڭىمپازدارى ەكەن.
«بۇل قازاقستاندىق جوعارى ٴبىلىم بەرۋ تاريحىنداعى رەكوردتىق كورسەتكىش. سانالى ٴارى ۇلكەن ماقساتقا تولى تالاپكەردىڭ ساپالى ٴبىلىم الۋى ٴۇشىن ەلىمىزدەگى جەتەكشى وقۋ ورنىن تاڭداۋى ٴبىزدىڭ ۋنيۆەرسيتەتكە دەگەن جوعارى سەنىمدى بىلدىرەدى. مەملەكەت باسشىسىنىڭ قوعامدىق سانانى جانە قوعامنىڭ وزگە سالاسىن جاڭعىرتۋعا ارنالعان كولەمدى باعدارلامالارى ىس-ارەكەتكە جەتەكشىلىك تانىتادى جانە ەلىمىزدىڭ بولاشاعىنا ىقپال ەتۋدەگى ٴبىزدىڭ ناقتى قادامدارىمىزدى انىقتايدى. مۇنداي جاھاندىق جانە كولەمدى تاپسىرمالار جاڭا زامان رەالىندا ٴوزىن سەنىمدى سەزىنەتىن مەملەكەتتەردە عانا قويىلادى. الەمدىك ەكونوميكانىڭ تۋربۋلەنتتىلىگىنە جانە جاھاندىق شاقىرتۋلاردىڭ كۇشەييۋىنە قاراماستان تاپسىرمالاردىڭ جۇزەگە اسۋى قازاقستاندى الەمنىڭ دامىعان 30 ەلىنىڭ قاتارىنا قوسۋعا مۇمكىندىك بەرەتىندىگىنە سەنىمدىمىن»، - دەدى ع.مۋتانوۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3445 
0
15170
0