استانا: 
2308 
0
21 ماۋسىمدا استانا قالاسىنداعى «نازاربايەۆ ورتالىعىندا» 10 جاستان 21 جاس ارالىعىنداعى جاسوسپىرىمدەر kazroboproject-2018 ٴبىلىم بەرۋ روبوت تەحنيكاسى بويىنشا عىلىمي-زەرتتەۋ جانە شىعارماشىلىق جوبالار كونكۋرسىنىڭ فينالى ٴوتتى. جوباعا قازاقستاننىڭ 16 ايماعىنان ەكى جۇزگە تارتا قاتىسۋشى ٴوز جۇمىستارىن ۇسىندى، دەپ حابارلايدى ۆaq.kz ٴتىلشىسى.
كونكۋرستىڭ قورىتىندى كەزەڭىنىڭ رەسمي سەرىكتەسى - «ينفوكوممۋنيكاسيالىق تەحنولوگيالار دامۋ قورى» كورپوراتيۆتىك قورى. وڭىرلىك ىرىكتەۋ كەزەڭدەرىن وتكىزۋ كەزەڭىندە كونكۋرسقا «نۇر وتان» پارتياسىنىڭ «جاس وتان» جاستار قاناتى، «قازپوشتا» اق ، «استانا ەكسپو-2017 «ۇك» اق ، «زەردە» ۇلتتىق ينفوكوممۋنيكاسيالىق حولدينگى» اق قولداۋ كورسەتتى.
فوتو: اۆتور
فەدەراسيا پرەزيدەنتى ايجان جاكەەۆا ەل ىشىندە ىرىكتەلگەن 200-گە تارتا قاتىسۋشى بولعانىمەن، ايماقتاردىڭ وزىندە ۇمىتكەرلەردىڭ سانى ٴتورت جۇزگە جەتكەنىن ايتتى.
«بۇگىنگى وتكىزىلىپ جاتقان سايىستاعى جوبالاردىڭ بارلىعى كوڭىلىمنەن شىقتى. ٴار جوبانى جان-جاقتان الىپ قاراعاندا ٴبىرى سىرت ٴپىشىنى جاعىنىنان ادەمى، ٴبىرى كۇردەلى، تاعى ٴبىرى مازمۇنى جاعىنان ٴماندى بولىپ كەلدى. سايىستاعى جوبالاردىڭ ىشىنەن ماعان ورال قالاسىنان كەلگەن قاتىسۋشىلارىمىز بايسوۆا مەدينا مەن ماۋلەن تەمىرلاننىڭ روبوت «gid» اتتى جوباسىن اتاپ ايتقىم كەلەدى. اتالعان روبوتتىڭ ەرەكشەلىگى قازاقستاننىڭ ونەرىن كورەم دەۋشىلەرگە جول سىلتەپ، باعىت كورسەتەدى. سايىسقا قازاقستاننىڭ تۇكپىر-تۇكپىرىنەن جاس تا بولسا تالانتتى جاسوسپىرىمدەر جينالدى. اتاپ ايتقاندا، قاراعاندى وبلىسىنان ٴتورت جۇزگە تارتا، پاۆلودار وبلىسىنان ٴۇش ٴجۇز ەلۋ جاس قاتىستى. قاتىسۋشىلارعا ساتتىلىك تىلەپ، اركەز جالىقپاي-تالماي ىزدەنىستە بولۋلارىن تىلەيمىن»،- دەدى فەدەراسيا پرەزيدەنتى ايجان جەكەەۆا احمەتجانقىزى.
ۇزدىكتەردىڭ قاتارىنان كورىنگەن مەدينا بايسوۆانىڭ ايتۋىنشا، ول ٴوزىنىڭ روبوتىن ارنايى باعدارلامانىڭ كومەگى ارقىلى جاساعان.
«روبوت «gid» جوباسىن دايىنداۋعا ٴبىر اپتا ۋاقىت كەتتى. ىشكى-سىرتقى قۇرىلىمى قولدان جاسالدى. ارنايى باعدارلامانىڭ كومەگى ارقىلى روبوت جۇمىس اتقارادى»،- دەدى سايىسقا قاتىسۋشى مەدينا بايسوۆا.
ٴسابيت ىبىراي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
14933
0