BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆيسە-مينيستر جۇمىستان قۋىلعان شەتەلدىك ٴمۇعالىم تۋرالى پىكىر ٴبىلدىردى

استانا، baq.kz ٴتىلشىسى. قر ٴبىلىم جانە عىلىم ۆيسە-مينيسترى ەلميرا سۋحانبەرديەۆا استاناداعى حالىقارالىق مەكتەپتەگى جۇمىسىنان قۋىلعان شەتەلدىك مۇعالىمگە قاتىستى پىكىر ٴبىلدىردى.

"ٴبىز حالىقارالىق مەكتەپتەن رەسمي جاۋاپ الدىق. دجەكسون مىرزا عىلىم دوكتورى ەكەن. ول مەكتەپتە ىرىكتەۋ مەن تەكسەرىس قاتاڭ جۇرگىزىلەدى. سونىمەن قاتار، شەتەلدىك ۇستاز ٴبىزدىڭ ەلگە كەلىپ، وقۋشىلارعا ساباق بەرگەندە، ٴبىزدىڭ ەڭبەك زاڭىمىزعا باعىنادى، سول بويىنشا تەكسەرىلەدى. ەڭبەك زاڭناماسىنا سايكەس، شەتەلدىك ٴمۇعالىمنىڭ جۇمىسىنا قاتىستى بىردە-بىر ەسكەرتۋ بولمادى"، - دەدى ۆيسە-مينيستر.

ونىڭ ايتۋىنشا، ول ٴمۇعالىم ٴقازىر حالىقارالىق مەكتەپتە جۇمىس ىستەمەيدى.

"ٴبىز ٴتيىستى حاتتى ىشكى ىستەر مينيسترلىگىنە جولدادىق، قۇزىرلى ورگاندار بۇل ماسەلەمەن اينالىسادى دەگەن ۇمىتتەمىن. ٴمۇعالىمنىڭ كىناسى ازىرگە دالەلدەنبەگەندىكتەن، ونى ايىپتاي المايمىن. كىناسى دالەلدەنگەن كەزدە، ەگەر دە شىنىمەن، وسىنداي فاكتى بولعان بولسا، ٴبىز بۇل تۋرالى بۇقارالىق اقپارات قۇرالدارىنا قوسىمشا حابارلايمىز"، - دەدى سۋحانبەرديەۆا.

ۆيسە-مينيستر قازاقستانداعى حالىقارالىق مەكتەپتەر ۇستازداردى وزدەرى ىرىكتەپ، جۇمىسقا قابىلدايتىنىن ايتا كەتتى. سونداي-اق ٴمۇعالىم وسىندا كەلىپ، بالالارعا ساباق بەرگەننەن كەيىن مينيسترلىك تە جاۋاپتى بولاتىنىن ايتتى.

ايتا كەتسەك، وسىعان دەيىن ٴبىرقاتار باق-تا ەلورداداعى حالىقارالىق مەكتەپتە شەتەلدىك ٴمۇعالىمنىڭ وقۋشىلارعا ەبەدەيسىز قىلىق كورسەتكەنى انىقتالعانى حابارلانعان ەدى. qsi (quality schools international) حالىقارالىق مەكتەبىنىڭ ٴمۇعالىمى وقۋشىعا قاتىستى "ورىنسىز ٴارى كاسىبيلىگىنە جات ارەكەت" جاساعانى ٴۇشىن جۇمىستان قۋىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي