BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆەنگريا قازاقستاندىق ستۋدەنتتەر ٴۇشىن گرانت سانىن كوبەيتەدى

استانا، baq.kz. ۆەنگريا قازاقستاندىق ستۋدەنتتەرگە بولىنەتىن گرانت سانىن كوبەيتپەك. بۇل تۋرالى بۋداپەشتتە وتكەن ەكىنشى قازاقستاندىق-ۆەنگريالىق ىسكەرلىك كەڭەسىنىڭ وتىرىسى كەزىندە ايتىلدى.

24.kz ارناسىنىڭ مالىمەتىنە قاراعاندا، رەسمي شارادا استانا تمد ەلدەرى اراسىنداعى بۋداپەشتتىڭ ەڭ باستى سەرىكتەسى ەكەنى ايتىلعان.

بۇل شاراعا ەلىمىزدەن ۇلتتىق ەكونوميكا ٴمينيسترى تيمۋر سۇلەيمەنوۆ باردى. ول ۆەنگريا رەسپۋبليكاسى ۇكىمەتىنىڭ وكىلدەرىمەن جانە ەلدەگى ٴىرى كومپانيا باسشىلارىمەن كەزدەسۋلەر وتكىزدى. دوڭگەلەك ۇستەلدە قوس تاراپتىڭ وكىلدەرى بىرلەسە قول جەتكىزگەن جەتىستىكتەردى ايتىپ، بولاشاققا جوسپار قۇردى. 2019 جىلى ۆەنگريا كاسىپكەرلەرى تاجىريبە الماسۋ ماقساتىندا قازاقستانعا كەلەدى.

"ۆەنگريا ٴۇشىن سالىق جانە كەدەن ماسەلەلەرى وزەكتى سانالادى. ٴبىز كولىكتىڭ كولەمىن انىقتايتىن جانە سونىمەن جۇكتىڭ قاۋىپسىزدىگىن قامتاماسىز ەتەتىن ٴارى كەدەندىك تولەمدى قاداعالايتىن سيفرلىق جۇيەنى قولدانىسقا ەنگىزدىك. ول كولەڭكەلى ەكونوميكامەن كۇرەستە ۇلكەن سەپتىگىن تيگىزەدى. ارينە، بۇل تاجىريبەمىزبەن قازاقستاندىق ارىپتەستەرىمىزبەن بولىسۋگە دايىنبىز" - دەيدى ۆەنگريانىڭ ۆيسە-پرەمەر ٴمينيسترى ميحاي ۆارگا.

وتىرىستا اتاپ وتىلگەندەي، قازاقستان تمد ەلدەرى اراسىندا ۆەنگريانىڭ ەڭ ماڭىزدى سەرىكتەسى سانالادى. مىسالى، استانا-بۋداپەشت باعىتىنداعى تىكەلەي رەيستىڭ ارقاسىندا 40 مىڭنان استام جولاۋشى قاتىناي الادى. ال ۆەنگريا ٴىرى مۇناي-گاز كومپانيالارىنىڭ قازاقستاندا جۇمىس ىستەپ كەلە جاتقانىنا 10 جىلدان اسقان.

"ۆەنگريا تاراپى ەلىمىزدىڭ ەگىن شارۋاشىلىعى ٴۇشىن وسىمدىك تۇقىمىن اكەلىپ، مال شارۋاشىلىعى سالاسىندا بىرلەسە جۇمىس اتقارۋعا دايىن ەكەنىن جاسىرمادى. جاقىن ارادا ۆەتەرينارلىق سەرتيفيكاتتار بەكىتىلگەننەن كەيىن، ىسكە كىرىسەتىن بولامىز" - دەيدى قر ۇلتتىق ەكونوميكا ٴمينيسترى تيمۋر سۇلەيمەنوۆ.

ۇلتتىق ەكونوميكا ٴمينيسترى تيمۋر سۇلەيمەنوۆ ۆەنگريانىڭ جوعارعى تەحنولوگيالىق جانە اۋىل شارۋاشىلىعى كومپانيالارىن قازاقستانعا ينۆەستيسيا قۇيۋعا شاقىردى. ونىڭ ۇستىنە رەسمي بۋداپەشت ەلىمىزدىڭ ترانزيتتىك الەۋەتىنە قىزىعۋشىلىق تانىتىپ وتىر.

كەزدەسۋ بارىسىندا ۆەنگريا تاراپى قازاقستاندىق ستۋدەنتتەرگە بولىنەتىن گرانت سانىن 200-دەن 250-گە كوتەرەتىن بولىپ شەشتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي