ۇستازداردىڭ جالاقىسىن ٴوسىرۋ مəسەلەسىن شەشىپ جاتىرمىز - مينيستر - ٴبىلىم & عىلىم|17 تامىز 2018، 18:08
كۋرسى ۆاليۋت وبنوۆليايۋتسيا
استانا:

ۇستازداردىڭ جالاقىسىن ٴوسىرۋ مəسەلەسىن شەشىپ جاتىرمىز - مينيستر

فوتو: Нұржас Жақсыбай

بۇگىن قازاقستان رەسپۋبليكاسى پەداگوگيكا قىزمەتكەرلەرىنىڭ رەسپۋبليكالىق تامىز كونفەرەنسياسى ٴوتتى. قر ٴبىلىم جəنە عىلىم ٴمينيسترى ەرلان ساعاديەۆ جيىندا مۇعالىمدەردى ىنتالاندىرۋ جۇمىستارى جايلى ايتتى، دەپ حابارلايدى baq.kz ٴتىلشىسى.

"جاڭارتىلعان ٴبىلىم بەرۋ مازمۇنى بويىنشا ساباق بەرەتىن 205 مىڭ، ياعني 67 پايىز ٴمۇعالىمنىڭ جالاقىسى 30 پايىزعا كوبەيدى. ۇستەماقىنىڭ تەك قانا 18 ساعاتقا تولەتەنىنىن بىلەمىز. ٴقازىر وسى مəسەلەنى شەشىپ جاتىرمىز"، - دەدى ساعاديەۆ.

بۇدان بولەك، مينيستر بيىل پەداگوگتاردى اتتەستاتتاۋدىڭ جاڭا جۇيەسى ەنگىزىلگەنىن ايتتى. ول بىلىكتىلىك ساناتتارى ٴۇشىن لاۋازىمدىق جالاقىعا 30-دان 50 پايىزعا دەيىن قوسىمشا ۇستەماقىنى قاراستىرادى.

"اتتەستاتتاۋعا مامىر ايىندا 60 مىڭعا جۋىق ٴمۇعالىم قاتىسىپ، ولاردىڭ 36 مىڭنان استامى اتتەستاسيادان ٴوتتى. ولار 63 پايىزدى قۇرادى. وسى جىلدىڭ قىركۇيەك ايىنان باستاپ جاڭا اتتەستاسيا تəرتىبىنەن وتكەن مۇعالىمدەرگە كاتەگوريالارىنا سايكەس قوسىمشا اقى تولەنەدى"، - دەدى ەرلان ساعاديەۆ.

ٴمينيستردىڭ ايتۋىنشا، اتتەستاتتاۋدان وتپەگەن مۇعالىمدەر ونى بيىلعى جىلعى قاراشادا قايتا تاپسىرا الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي