BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلىبريتانيالىق عالىمدار قازاقستاندىق ٴبىلىم بەرۋ سالاسىنداعى وزگەرىستەرگە جوعارى باعا بەردى

ۇلىبريتانيادا «كەمبريدج ۋنيۆەرسيتەتىندەگى نازاربايەۆ زياتكەرلىك مەكتەپتەرىنىڭ كۇندەرى» اياقتالدى، دەپ حابارلايدى baq.kz ٴتىلشىسى

حالىقارالىق فورۋم زياتكەرلىك مەكتەپتەرىنىڭ ستراتەگيالىق سەرىكتەسى - كەمبريدج ۋنيۆەرسيتەتىنىڭ باستاماسىمەن وتكىزىلدى.

الەمدەگى بەدەلدى وقۋ ورىندارىنىڭ ٴبىرى سانالاتىن كەمبريدج ۋنيۆەرسيتەتى قابىرعاسىندا تۇڭعىش رەت قازاقستاندىق مەكتەپتەردىڭ تاجىريبەسى كورسەتىلدى. جيىن بارىسىندا ۇلىبريتانيالىق عالىمدار وتاندىق ٴبىلىم بەرۋ سالاسىنداعى وزگەرىستەرگە جوعارى باعا بەردى.

«نازاربايەۆ زياتكەرلىك مەكتەپتەرى» دببۇ باسقارما ٴتورايىمى كۇلاش ٴشامشيدينوۆانىڭ «time for change: 10 years of nazarbayev intellectual schools» – «وزگەرىس ۋاقىتى: نازاربايەۆ زياتكەرلىك مەكتەپتەرىنە 10 جىل» تاقىرىبىندا وقىعان ٴدارىسى ٴبىلىم سالاسىنداعى بەدەلدى عالىمدار مەن ساراپشىلاردىڭ، جوعارى وقۋ ورىندارى وكىلدەرىنىڭ، ٴارى ديپلوماتتار مەن جۋرناليستەردىڭ، ستۋدەنتتەردىڭ قىزىعۋشىلىعىن تۋدىردى.

كەمبريدج ۋنيۆەرسيتەتى جانىنداعى حالىقارالىق باعالاۋ جانە ٴبىلىم بەرۋ كەڭەسىنىڭ (caie) حالىقارالىق ٴبىلىم بەرۋ ديرەكتورى تريستان ستوبي ەلىمىزدە زياتكەرلىك مەكتەپتەرىنىڭ قۇرىلۋى قازاقستاندىق ٴبىلىم بەرۋ سالاسىنداعى ۇلكەن جەتىستىكتەردىڭ ٴبىرى ەكەنىن اتاپ ٴوتتى.

پەداگوگيكا سالاسىنداعى بەدەلدى ساراپشىسى، پروفەسسور كولين ماكلافلين زياتكەرلىك مەكتەپتەردە ساپالى ٴبىلىم بەرىلەتىنىن ايتا كەلە، ونىڭ ٴبىلىم بەرۋ سالاسىندا ۇزدىكتەردىڭ قاتارىندا ەكەنىن ٴمالىم ەتتى.

«نازاربايەۆ زياتكەرلىك مەكتەپتەرى 10 جىل ىشىندە الەمدىك ٴبىلىم بەرۋ كوشباسشىلارىنىڭ قاتارىنا قوسىلدى. ٴبىز وسى بىرەگەي ترانسۇلتتىق جوبانىڭ دامۋىنا ات سالىسقانىمىزدى ماقتان ەتەمىز»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي