ۇبت-دا وتىرار اۋدانى العاشقى ورىنعا شىقتى

بيىلعى ۇلتتىق ٴبىرىڭعاي تەستىلەۋ ناتيجەسىندە وتىرار اۋدانىنىڭ ٴبىلىم سالاسى ۇلكەن جەتىستىككە قول جەتكىزىپ، 90،4 پايىزبەن وبلىستا العاشقى ورىنعا شىقتى. بۇل جونىندە اۋدان باسشىسى ايتاحانوۆ ەرلان قۋانىش ۇلى ايماقتىڭ جاس تۇلەكتەرى جانە ۇستازدارىمەن وتكەن كەزدەسۋىندە مالىمدەدى، دەپ حابارلايدى baq.kz اقپارات اگەنتتىگى.

سونداي-اق، مەكتەپتەگى قورىتىندى اتتەستاتتاۋدىڭ ناتيجەسى بويىنشا اۋداندا 49 وقۋشى «التىن بەلگى» يەگەرى اتانىپ، ۇستازدار مەن اتا-انانىڭ ٴۇمىتىن اقتاپ شىققان.

«بۇگىندە جاستارىمىزدىڭ ساپالى ٴبىلىم الۋىنا مەملەكەت تاراپىنان بارىنشا قولايلى جاعداي جاسالىنعان. ۇلت كوشباسشىسى نۇرسۇلتان ٴابىش ۇلى نازاربايەۆتىڭ ساليقالى ساياساتىنىڭ ارقاسىندا بالالىق شاقتان بولاشاققا قادام باسقان جاستار ەلىمىزدەگى جانە شەت ەلدەردەگى بەلدى جوعارى وقۋ ورىندارىندا ٴبىلىم الىپ، عىلىممەن سۋسىنداۋعا مۇمكىندىك تۋىپ وتىر. ٴبىز جىل سايىن اۋدانىمىزدان تۇلەپ شىققان ۇزدىكتەرگە مونيتورينگ جاساپ، ولاردى «التىن كادر» قورىنا تارتۋعا جۇمىس جاساپ وتىرامىز. ەگەمەن ەلدىڭ جالىندى جاستارى رەتىندە ٴبىلىم نارىمەن سۋسىنداپ، العان بىلىمدەرىڭىزدى تۋعان جەرلەرىڭىزدىڭ وسىپ-وركەندەۋىنە جۇمساۋلارىڭىزعا ۇلكەن مۇمكىندىك بار. سوندىقتان وسى مۇمكىندىكتى پايدالانىپ ٴوز ماماندىقتارىنىڭ ۇزدىكتەرى بولۋدى قالايتىن جانداردى تۋعان جەرگە قىزمەت ەتۋگە شاقىرامىن. ەلىمىزدىڭ كەمەل كەلەشەگى ٴۇشىن سىزدەردىڭ بولاشاققا باسقان قادامدارىڭىزعا سەنىم ارتا وتىرىپ، الداعى ىستەرىڭىزگە ساتتىلىك تىلەيمىن»، - دەپ جىلى لەبىزىن بىلدىرگەن اۋدان اكىمى ەرلان ايتاحانوۆ وتىرارلىق تۇلەكتەردى ٴبىلىم سىنىنداعى ۇزدىك جەتىستىكتەرىمەن قۇتتىقتادى.

تۇلەكتەرمەن كەزدەسۋ، بولاشاق جايىندا اۋدان باسشىسىمەن وي ٴبولىسىپ، پىكىر الماسۋ كەلەشەك مامانداردىڭ ارمانىنا قانات بايلاتىپ، تۋعان جەردى تۇلەتىپ، تاريحى مەن قادىر-قاسيەتىن قاستەرلەۋگە زور مىندەتتى ارقالاتقانداي. كەزدەسۋدە تۋعان جەردىڭ تاريحىن تانۋ، رۋحاني تانىمىن ارتتىرۋ ماقساتىندا اۋدان اكىمى ەرلان قۋانىش ۇلىنىڭ قويعان ساۋالدارىنا ويلى كوزبەن، سالماقتى جاۋاپتارىن جولداعان شاكىرتتەر كوپشىلىككە ەرەكشە اسەر قالدىردى.

"ەلىمىزدىڭ قاي تۇكپىرىندە جۇرسەم دە ٴوز تۋعان ولكەمە ەڭ قاجەتتى سالانىڭ مامانى بولىپ ورالامىن"- دەپ، تورتكۇل دۇنيەگە ٴمالىم وتىراردىڭ تاريحىن، ونى وزگەگە ناسيحاتتاۋ جولدارىن تەرەڭ ويمەن جەتكىزگەن وتىرار جالپى ورتا مەكتەبىنىڭ تۇلەگى ايدانا تۇردالى اۋدان اكىمىنىڭ ارنايى سىيلىعىنا يە بولدى.

ٴبىلىم باسەكەسىندە اۋدان اتىن اسقاقتاتقان جاستارعا اۋدان اكىمى ارنايى سىي-سياپاتتار تابىس ەتتى.

تەگي
• تۇركىستان
• وتىرار

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!