BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇبت-دا قانداي وزگەرىستەر بولادى جانە گرانت قالاي تاعايىندالادى

استانا، baq.kz. جوعارى وقۋ ورىندارىنىڭ اكادەميالىق جانە باسقارۋ دەربەستىگىن كەڭەيتۋ شەڭبەرىندە 2019 جىلدان باستاپ مەملەكەتتىك ٴبىلىم بەرۋ گرانتتارى ٴبىلىم بەرۋ باعدارلامالارىنىڭ توپتارى بويىنشا تاعايىندالاتىن بولادى. سونداي-اق، مامانداردى دايارلاۋ باعىتتارىنىڭ جاڭا سىنىپتاۋىشى (كلاسسيفيكاتور) ەنگىزىلىپ وتىر، دەپ جازدى ٴبىلىم جانە عىلىم مينيسترلىگىنىڭ ٴباسپاسوز قىزمەتى.

بۇگىنگى كۇنگە دەيىن ەلىمىزدىڭ جوعارى وقۋ ورىندارىندا ماماندىقتار ٴتىزىمى ناقتى كورسەتىلگەن كلاسسيفيكاتور پايدالانىلدى. 2019 جىلدان باستاپ جاڭا كلاسسيفيكاتور ەنگىزىلەدى. وندا ماماندىقتاردىڭ ناقتى ٴتىزىمى ەمەس، مامانداردى دايارلاۋ باعىتى كورسەتىلەتىن بولادى. سايكەسىنشە، ەلىمىزدىڭ جوعارى وقۋ ورىندارى دەربەس ٴبىلىم باعدارلامالارىن جاساپ الادى.

«وسىعان وراي، مەملەكەتتىك ٴبىلىم گرانتتارى ٴبىلىم باعدارلامالارىنىڭ توپتارى بويىنشا تاعايىندالادى. ماسەلەن، «ماتەماتيكا ٴپانى مۇعالىمدەرىن دايارلاۋ» توبىنا «ماتەماتيكا»، قوسارلانعان «ماتەماتيكا-فيزيكا»، «ماتەماتيكا-ينفورماتيكا» ماماندىقتارى كىرەدى. ال، «اقپاراتتىق تەحنولوگيالار» توبىنا - «ينفورماتيكا»، «اقپاراتتىق جۇيەلەر» جانە تاعى باسقالارى ەنەدى. ياعني، ٴبىلىم گرانتتارىنىڭ تاعايىندالۋى بۇرىنعىداي ماماندىق بويىنشا ەمەس، ٴبىلىم باعدارلامالارىنىڭ توپتارى بويىنشا جۇزەگە اسىرىلماق. گرانت ۇتىپ العان سوڭ تالاپكەر جوو-عا تاڭداعان ٴبىلىم باعدارلاماسى بويىنشا تىركەلىپ، جوو-عا قۇجاتتارىن تاپسىرۋ كەزىندە ٴوزى تاڭداعان ماماندىق بويىنشا ٴبىلىم الادى»، - دەلىنگەن حابارلامادا.

بعم ٴباسپاسوز قىزمەتىنىڭ مالىمەتىنشە، 2019 جىلى ۇبت فورماتى ەش وزگەرىسسىز قالادى. وقۋعا ٴتۇسۋشى ٴداستۇرلى تۇردە 3 مىندەتتى ٴپان (قازاقستان تاريحى، ماتەماتيكالىق ساۋاتتىلىق، وقۋ ساۋاتتىلىعى) جانە 2 بەيىندىك ٴپان بويىنشا تەستىلەۋدەن وتەدى.

«ٴبىراق، بيىلدان باستاپ ۇبت جىلىنا 4 رەت - قاڭتار، ناۋرىز، ماۋسىم، تامىز ايلارىندا وتكىزىلمەك. قاڭتار، ناۋرىز، تامىزدا وتەتىن تەستىلەۋدى تاپسىرۋ ارقىلى تالاپكەر جوو-نىڭ تەك اقىلى بولىمىنە تۇسۋگە مۇمكىندىك الادى. ال، مەملەكەتتىك ٴبىلىم گرانت كونكۋرسىنا قاتىسۋ ٴۇشىن مىندەتتى تۇردە ماۋسىم ايىندا وتەتىن ۇلتتىق ٴبىرىڭعاي تەستىلەۋگە قاتىسۋى ٴتيىس. جوو-نىڭ اقىلى بولىمىنە وقۋعا ٴتۇسۋ ٴۇشىن تالاپكەرگە جىلىنا 4 رەت وتكىزىلەتىن ۇبت-نىڭ كەز كەلگەنىنە قاتىسىپ، شەكتى بالل جيناۋ جەتكىلىكتى» دەپ ٴمالىم ەتتى مينيسترلىكتەن.

قاڭتار، ناۋرىز ايلارىندا وتەتىن تەستىلەۋدى تالاپكەر ۇبت وتكىزىلەتىن وزىنە ىڭعايلى كەز كەلگەن پۋنكتىدە تاپسىرا الادى. تەك تەستىلەۋگە قاتىسۋ ٴۇشىن ۇبت وتكىزۋ پۋنكتىنە كورسەتىلگەن مەرزىمدە ٴوتىنىش بەرۋ قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي