قازاقستاننىڭ وڭتۇستىك وڭىرىندە ۇبت تاپسىرعان ٴبىر وقۋشىنىڭ جاۋابى جويىلدى. بۇل تۋرالى وكق-دا وتكەن ٴباسپاسوز كونفەرەنسياسىندا قر بعم «ۇلتتىق تەستىلەۋ ورتالىعى» رمكق ديرەكتورى رامازان ٴالىمقۇلوۆ مالىمدەدى، دەپ حابارلايدى baq.kz ٴتىلشىسى.
استانا: 
2514 
0
قازاقستاننىڭ وڭتۇستىك وڭىرىندە ۇبت تاپسىرعان ٴبىر وقۋشىنىڭ جاۋابى جويىلدى. بۇل تۋرالى وكق-دا وتكەن ٴباسپاسوز كونفەرەنسياسىندا قر بعم «ۇلتتىق تەستىلەۋ ورتالىعى» رمكق ديرەكتورى رامازان ٴالىمقۇلوۆ مالىمدەدى، دەپ حابارلايدى baq.kz ٴتىلشىسى.
«قازاقستاننىڭ قاي ايماعىندا ەكەنىن اتاپ كورسەتپەي-اق قويايىن، الايدا وڭتۇستىك وڭىردەگى ٴبىر وقۋشىنىڭ جاۋابى جويىلدى. جالپى، وقۋشىنىڭ جاۋابى ٴبىر عانا جاعدايدا جوققا شىعارىلادى، ەگەر ول ۇبت تاپسىرۋ ەرەجەسىن بۇزسا، ونىڭ جاۋابى قابىلدانبايدى»، - دەدى رامازان ٴالىمقۇلوۆ.
سونىمەن قاتار، ۇلتتىق تەستىلەۋ ورتالىعىنىڭ ديرەكتورى تەستىلىك سۇراقتاردىڭ الەۋمىتتىك جەلىدە جاريالانۋىنا بايلانىستى تۇسىنىكتەمە بەردى.
«وكىنىشكە قاراي، تەستىلىك سۇراقتار سۋرەتكە ٴتۇسىرىلىپ، جاريالاندى. الايدا، وسى رەتتە، ٴبىر ماسەلەنى باسا ايتقىم كەلەدى. تەستىلەۋ بارىسىندا قانداي وقۋشى بولسىن ول تەستىلەۋ سۇراقتارىن جاريالاي المايدى. الايدا تەست تاپسىرىپ شىققان وقۋشىلاردىڭ الەۋمەتتىك جەلىلەردە ٴوز تاپسىرمالارىن جاريالاپ جاتقان جاعدايلار تىركەلىپ جاتقانى راس. ولاردىڭ بەرىلگەن تاپسىرمانى قاشان جانە قالاي سۇرەتكە ٴتۇسىرىپ ۇلگەرگەنىن بىلمەيمىز»، - دەدى ول .
ونىڭ ايتۋىنشا، تەستىلەۋدىڭ ونلاين-كورسەتىلىمىن 15 داتا-ورتالىعى جانە 3 ملن بەينە كامەراسى بار حالىقارالىق كومپانيا قامتاماسىز ەتۋدە.
«بۇگىندە حالىقارالىق كومپانيا ونلاين كورسەتىلىمدى قامتاماسىز ەتۋدە. راس، كەي جەرلەردە كەشە بۇل ونلاين-كورسەتىلىم لايىقتى تۇردە جۇرگىزىلمەدى. سوندىقتان، بۇگىن ٴبىز وسى ولقىلىقتار قايتالانعان جاعدايدا ونلاين كورسەتىلىمدى ٴوزىمىز جالعاستىراتىنداي ەتىپ جاعداي جاساپ قويدىق»، - دەدى رامازان ٴالىمقۇلوۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
14933
0