BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇبت سۇراقتارىنىڭ مازمۇنى وزگەرەدى

استانا، baq.kz ٴتىلشىسى. الداعى ۋاقىتتا ۇبت فورماتى ەمەس، ونداعى سۇراقتاردىڭ مازمۇنى وزگەرەدى. ولار جاتتاۋعا ەمەس، ويلاۋ، تالداۋ قابىلەتىنە باعىتتالادى. بۇل تۋرالى ٴبىلىم جانە عىلىم ۆيسە-مينيسترى اسحات ايماعامبەتوۆ «نۇر وتان» پارتياسىنىڭ باستاۋىش ۇيىمدارىنىڭ رەسپۋبليكالىق فورۋمىندا مالىمدەدى.

«ماڭىزدى ماسەلە – تەستىلەۋدىڭ وزگەرۋى. بۇل ۇبت مەن وجسب-عا قاتىستى. پەداگوگتار بىزگە «جاڭارتىلعان ٴبىلىم مازمۇنىندا جاتتاماۋ كەرەك، فۋنكسيونالدى ساۋاتتىلىقتى، ٴبىلىمدى قولدانۋ مەن ويلاۋ قابىلەتتەرىن ارتتىرۋ قاجەت دەپ ايتاسىزدار. ۇبت، وجسب وتكىزگەن كەزدە سۇراقتارىڭىز كوبىنەسە ەستە ساقتاۋعا، اقپاراتتى جاڭعىرتۋعا ارنالعان» دەگەن ورىندى سقراقتار قويادى. سول سەبەپتى مەملەكەت باسشىسىنىڭ تاپسىرماسىنا ساي تەستىلەۋدىڭ فورماتى ەمەس، سۇراقتار مازمۇنى وزگەرەتىن بولادى. ولار «قاشان؟ قاي جىلى؟» دەگەن سۇراققا ەمەس، «قالاي؟ نە ٴۇشىن؟» دەگەن سۇراقتارعا جاۋاپ بەرۋى ٴتيىس. بىزگە بالالاردىڭ ويلانىپ، ٴبىلىمىن پايدالانىپ، تالداي بىلگەنى قاجەت. سول سەبەپتى فورماتى ەمەس، تەست سۇراقتارىنىڭ مازمۇنى وزگەرەدى»، - دەدى ۆيسە-مينيستر.

وسىعان دەيىن ٴبىلىم جانە عىلىم ۆيسە-مينيسترى اسحات ايماعامبەتوۆ فورۋم بارىسىندا وقۋشىلار مەن مۇعالىمدەردىڭ جۇكتەمەسىن ازايتۋ، سونداي-اق مەكتەپ پسيحولوگتارىنىڭ سانىن كوبەيتۋ تۋرالى ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي