ۇلتتىق ٴبىرىڭعاي تەستىلەۋدىڭ العاشقى كۇنىندە قازاقستان بويىنشا ەكى ادام مەديسينالىق كومەككە جۇگىندى. قر بعم «ۇلتتىق تەستىلەۋ ورتالىعى» رمكق ديرەكتورى رامازان ٴالىمقۇلوۆ مالىمدەدى، دەپ حابارلايدى baq.kz ٴتىلشىسى.
استانا: 
2473 
0
ۇلتتىق ٴبىرىڭعاي تەستىلەۋدىڭ العاشقى كۇنىندە قازاقستان بويىنشا ەكى ادام مەديسينالىق كومەككە جۇگىندى. قر بعم «ۇلتتىق تەستىلەۋ ورتالىعى» رمكق ديرەكتورى رامازان ٴالىمقۇلوۆ مالىمدەدى، دەپ حابارلايدى baq.kz ٴتىلشىسى.
«ٴبىزدىڭ مالىمەتتەرگە سايكەس قازاقستان بويىنشا 2 ادام مەديسينالىق كومەككە جۇگىنگەن. ٴبىرىنشى جاعداي ٴالفارابي اتاندىعا قۇۋ-دا ورىن العان. جىلقىباي ارىستان ەسىمدى تۇلەك ەسىنەن تانىپ قالعان. جەدەل جاردەم كەلگەنگە دەيىن مەديسينالىق پۋنكتىڭ ماماندارى وعان العاشقى كومەك كورسەتكەن، سودان سوڭ جەدەل جاردەم ونى الىپ كەتكەن. ال، مەملەكەتتىك كوميسسيانىڭ شەشىمىمەن وعان كەلەسى توپپەن ۇبت تاپسىرۋعا رۇقسات بەرىلدى. ەكىنشى جاعداي وڭتۇستىك قازاقستانداعى سارىاعاش قالاسىندا بولدى. مەكتەپ ٴبىتىرۋشى تاستان ەربولات ەسىنەن تانىپ قالعان. مەديسينالىق پۋنكتىڭ ماماندارى جەدەل جاردەم كەلگەنشە وعان العاشقى كومەك كورسەتكەن. جارتى ساعاتتىڭ ىشىندە ەسىن جيناعان تۇلەك تەست تاپسىرۋعا بەل بايلايدى. وسى رەتتە، ونىڭ جوعالتقان ۋاقىتى شەگەرىلمەي، قوسىلىپ بەرىلەدى. ناتيجەسىندە ول ويداعىداي تەست تاپسىرىپ شىقتى»، - دەدى رامازان ٴالىمقۇلوۆ.
ەستەرىڭىزگە سالا كەتەيىك، ۇبت-نىڭ العاشقى كۇنى 13 897 تۇلەك تەست تاپسىردى. ولاردىڭ 15،5% نەمەسە 2 102 ادام شەكتى ۇپايدى جيناي المادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
14933
0