تۇركىستاندا مەملەكەتتىك قىزمەت مەكتەبى اشىلدى - ٴبىلىم & عىلىم|29 قازان 2018، 15:59
كۋرسى ۆاليۋت وبنوۆليايۋتسيا
استانا:

تۇركىستاندا مەملەكەتتىك قىزمەت مەكتەبى اشىلدى

تۇركىستان، baq.kz. قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ باستاماسىمەن تۇركىستان قالاسىندا ورنالاسقان ق.ا.ياساۋي اتىنداعى حقتۋ-دا مەملەكەتتىك قىزمەت مەكتەبى اشىلدى. بۇل تۋرالى تۇركىستان وبلىسى اكىمىنىڭ ٴباسپاسوز قىزمەتى جازدى.

جيىنعا قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ باسشىسى ع.تۇرسىنبايەۆ، ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ پرەزيدەنتى ب.ابدراسيلوۆ، «سىرداريا» ۋنيۆەرسيتەتىنىڭ رەكتورى س.دايىربەكوۆ، سونداي-اق دەپارتامەنت قىزمەتكەرلەرى، ۋنيۆەرسيتەت ۇجىمى مەن ستۋدەنتتەر قاتىستى.

مەملەكەتتىك قىزمەت مەكتەبىنىڭ ماقساتى – مەملەكەتتىك قىزمەتكە ەڭ مىقتى، ٴبىلىمدى، بىلىكتى، پاتريوتتىق سەزىمى جوعارى جاستاردى تارتا وتىرىپ، اگەنتتىكتىڭ تاراپىنان زاڭ اياسىندا قولداۋ كورسەتىپ، ولاردى مەملەكەتتىك قىزمەتكە ورنالاستىرۋعا ىقپال جاساۋ.

ۋنيۆەرسيتەت پرەزيدەنتى بولاتبەك سەرىكباي ۇلى اگەنتتىك تاراپىنان ستۋدەنتتەردى قولداۋ باعىتىندا جۇرگىزىلىپ جاتقان جۇمىستارعا ريزاشىلىعىن ٴبىلدىرىپ، وقۋ ورنى تاراپىنان اتالعان مەكتەپكە ەڭ لايىقتى ستۋدەنتتەر ىرىكتەلگەنىن اتاپ ٴوتتى.

مەملەكەتتىك قىزمەتشىلەر مەكتەبىنىڭ اشىلۋ راسىمىنەن كەيىن ۋنيۆەرسيتەت پرەزيدەنتى مەن دەپارتامەنت باسشىسى ٴوزارا ىنتىماقتاستىق تۋرالى مەموراندۋمعا قول قويدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي