تۇركىستاندا ٴبىلىم سالاسىنا «sitcen» جوباسى ەنگىزىلگەن - ٴبىلىم & عىلىم|02 قاراشا 2018، 20:28
كۋرسى ۆاليۋت وبنوۆليايۋتسيا
استانا:

تۇركىستاندا ٴبىلىم سالاسىنا «sitcen» جوباسى ەنگىزىلگەن

استانا، baq.kz. تۇركىستان وبلىسىنىڭ بارلىق مەكتەپتەرىنە jumys.sitcen.kz پورتالى ارقىلى قاتارداعى قىزمەتكەرلەر مەن پەداگوگتاردى جۇمىسقا قابىلداۋدىڭ اۆتوماتتاندىرىلعان جۇيەسى ەندىرىلگەن.

اتالعان جۇيە جالپى ورتا ٴبىلىم بەرۋ ۇيىمدارى پەداگوگتارىن جۇمىسقا قابىلداۋدى جانە مەكتەپ دي⁠رەكتورلارىن كونكۋرستىق تاعايىنداۋ بارىسىن اۆتوماتتاندىرادى. سونداي-اق، ٴبىلىم ۇيىمدارىنداعى تەحنيكالىق قىزمەتكەرلەردىڭ بوس ورىندارى جايلى حابارلامالار ورنالاستىرىلعان. بۇگىن بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە ٴبىلىم باسقارماسى باسشىسىنىڭ ورىنباسارى ارداق سادىقوۆا مالىمدەدى.

ونىڭ ايتۋىنشا، بۇگىنگى كۇنگە دەيىن اتالعان ەلەكتروندى جۇيەدە 1571 پەداگوگ پەن تەحنيكالىق قىزمەتكەردىڭ بوس جۇمىس ورىندارى تۋرالى حابارلاما جاريالانعان.

«قازىرگى تاڭدا jumys.sitcen.kz پورتالى ارقىلى 837 ادام جۇمىسقا ورنالاسقان. جۇيەگە جالپى جۇمىس ىزدەۋشىلەر تاراپىنان قىزىعۋشىلىق تانىتىپ، بۇگىنگى كۇنى 62 778 قولدانۋشى تىركەلىپ وتىر. سونداي-اق، 4632 جۇمىسقا قابىلداۋ تۋرالى ٴوتىنىش كەلىپ تۇسكەن. سونىمەن قاتار، 2019 جىلدان باستاپ دارىندى بالالارعا ارنالعان مامانداندىرىلعان مەكتەپ-ينتەرناتتارىنا قابىلداۋ mektep.sitcen.kz پورتالى ارقىلى جۇزەگە اسىرىلاتىن بولادى. اتالعان جۇيەدە مەكتەپكە قابىلداۋ كونكۋرسىن وتكىزۋ تولىق اۆتوماتتاندىرىلعان»، - دەدى ارداق ٴمادىحانقىزى.

ايتا كەتەرلىگى، اتا-انا ٴوزىنىڭ بالاسىن پورتال ارقىلى كەز-كەلگەن دارىندى بالالارعا ارنالعان مەكتەپكە كونكۋرسقا قاتىستىرا الادى جانە پورتالداعى ونلاين تەستىلەۋدەن جوعارى بالل العان بالا مەكتەپكە قابىلدانادى.

سونىمەن قاتار، وبلىستاعى مەكتەپتەر «bilimland» سيفرلىق ٴبىلىم بەرۋ رەسۋرستارىمەن 100 پايىز قامتاماسىز ەتىلگەن. اعىمداعى جىلداپ باستاپ كۇنى بۇگىنگە دەيىن 594 000 ساباق قارالىمى بولدى. وبلىستىق بيۋدجەتتەن سيفرلىق ٴبىلىم بەرۋ رەسۋرستارىمەن قامتاماسىز ەتۋ ماقساتىندا 1500 دانا «bilim book» كومپيۋتەر-پلانشەت شالعاي اۋىلداعى 195 مەكتەپكە تاراتىلىپ، سيفرلىق ٴبىلىم بەرۋ رەسۋرستارىنا ينتەرنەتسىز قول جەتكىزۋدە.

سونداي-اق، الداعى جىلى تۇركىستان وبلىسىنىڭ ٴبىلىم سالاسىندا پەداگوگتاردىڭ اتتەستاسياسىن جانە ولاردىڭ ٴبىلىم جەتىلدىرۋ كۋرستارىنان ٴوتۋىن اۆتوماتتاندىرۋ، ٴبىلىم ۇيىمدارىنداعى كىتاپ قورىن پايدالانۋدى جانە وقۋشىلاردىڭ ىستىق تاماقپەن قامتىلۋىن اۆتوماتتاندىرۋ جۇيەلەرى جۇزەگە اسادى دەپ جوسپارلانۋدا.

اتالعان جوبا ٴبىلىم سالاسىنداعى سىبايلاستىق زاڭبۇزۋشىلىقتى توقتاتاتۋعا ۇلكەن سەرپىن بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي