توعجانوۆ: «پەداگوگ ستاتۋسى تۋرالى» زاڭ قابىلداۋ تۋرالى ۇسىنىستى ۇستازدار زور ىقىلاسپەن قابىلدادى - ٴبىلىم & عىلىم|07 قازان 2018، 10:39
كۋرسى ۆاليۋت وبنوۆليايۋتسيا
استانا:

توعجانوۆ: «پەداگوگ ستاتۋسى تۋرالى» زاڭ قابىلداۋ تۋرالى ۇسىنىستى ۇستازدار زور ىقىلاسپەن قابىلدادى

اقتاۋدا وبلىس اكىمى ەرالى توعجانوۆتىڭ قاتىسۋىمەن ۇستازدار كۇنىنە ارنالعان سالتاناتتى جينالىس ٴوتتى، دەپ حابارلايدى baq.kz اقپارات اگەنتتىگى.

شارا بارىسىندا ٴوڭىر باسشىسى 2 ٴمۇعالىمدى «ىبىرايالتىنسارين»، 5 ٴمۇعالىمدى «ٴبىلىم بەرۋ ٴىسىنىڭ قۇرمەتتى قىزمەتكەرى» توسبەلگىلەرىمەن ماراپاتتادى، تاعى 7 ۇستاز وبلىس اكىمىنىڭ العىس حاتتارىن الدى.

سونداي-اق، ماڭعىستاۋدا ەكىنشى رەەت وتكىزىلىپ وتىرعان «ٴبىلىم ۇزدىگى-2018» كونكۋرسىنىڭ ماراپاتتاۋ ٴراسىمى ٴوتتى.

18 نوميناسيا بويىنشا 142 ٴمۇعالىم، 20 ٴبىلىم ۇيىمى قاتىستى. 12 نوميناسياعا 500 مىڭ تەڭگە، «جىل ٴمۇعالىمى» نوميناسياسىنا جانە 5 ٴبىلىم ۇيىمىنا 1 ميلليون تەڭگە سىيلىقاقى تابىستالدى. ال "جىل ٴمۇعالىمى" فيناليستىنە ٴوڭىر باسشىسى توسىنسىي رەتىندە قوسىمشا 500 مىڭ تەڭگە سىياقى تاعايىندادى. بيىلعى جىلدىڭ ۇزدىك ۇستازى جاڭاوزەندىك رامەتۋللا زليحا اتانسا، اقتىق سىنعا دەيىن جەتكەن ەسىم تىلەكتەس سەرىكبايقىزى بولدى.

وبلىس اكىمى ماڭعىستاۋ حالقىنىڭ بىرنەشە ۇرپاعىن تاربيەلەۋگە قوسقان زور ۇلەسى ٴۇشىن ٴبىلىم قىزمەتكەرلەرى مەن ارداگەرلەرىنە العىسىن ٴبىلدىردى.

ەرالى توعجانوۆ كۇنى كەشە پرەزيدەنت نۇرسۇلتان ٴابىش ۇلى نازاربايەۆ ەلىمىزدىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ٴال-اۋقاتىن ودان ٴارى جاقسارتۋ ماسەلەلەرىن قامتىعان جاڭا جولداۋىن حالىققا جاريالاعانىن اتاپ ٴوتتى.

«كەلەسى جىلى «پەداگوگ ستاتۋسى تۋرالى» زاڭ قابىلداۋ جونىندە تاپسىرما بەرگەنىن بارشا ۇستازدار قاۋىمى زور ىقىلاسپەن قابىلدادى. بۇل – پەداگوگتار ٴۇشىن ەرەكشە قامقورلىق پەن قولداۋ دەپ بىلەمىز. ٴبىلىم سالاسىنا، سونىڭ ىشىندە مەكتەپكە دەيىنگى تاربيە مەن وقىتۋعا ەرەكشە كوڭىل ٴبولۋ جونىندە ناقتى تاپسىرمالار بەرىلدى. ٴۇش اۋىسىمدى جانە اپاتتى مەكتەپتەردى جويۋ، وقۋشى ورنىنىڭ تاپشىلىعىن ازايتۋ ماقساتىندا رەسپۋبليكالىق بيۋدجەتتەن 2019-2021 جىلدارعا 50 ملرد قارجى ٴبولۋ جونىندە ايتىلدى»، - دەدى ٴوڭىر باسشىسى.

بيىل وبلىستىق ٴبىلىم سالاسىندااۋقىمدى شارالار اتقارىلدى. ٴبىر جىلدىڭ وزىندە وبلىستا 9 مەكتەپ ىسكە قوسىلىپ، حالىقتىڭ يگىلىگىنە بەرىلدى. اقتاۋ قالاسىنداعى №29 جاڭا ٴبىلىم ورداسى سمارت-مەكتەپ بولىپ اشىلدى. وندا stem-لابوراتوريا، سمارت-جىلىجاي، گالوگرافيكالىق اقپاراتتاندىرۋ بۇرىشتارى، چيپ ارقىلى وقۋشىلاردىڭ مەكتەپكە كەلىپ-كەتۋىن قاداعالاۋ جوبالارى ەنگىزىلىپ، وبلىس مەكتەپتەرىندە 17 ٴىت سىنىبى، 25 جىلىجاي اشىلدى.

بۇل باعىتتاعى جۇمىستار جالعاسىن تابا بەرمەك. جاڭا وقۋ جىلىنان باستاپ جاڭارتىلعان ٴبىلىم مازمۇنى بويىنشا ساباق بەرەتىن پەداگوگتاردىڭ 75 پايىزى بىلىكتىلىگىن ارتتىرۋعا، وبلىس مۇعالىمدەرىنىڭ 80 پايىزىنىڭ جالاقىلارىنا ۇستەم اقى قوسىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي