تارازدا زاماناۋي ٴبىلىم تۋراسىندا حالىقارالىق كونفەرەنسيا وتۋدە - ٴبىلىم & عىلىم|27 قازان 2018، 11:23
كۋرسى ۆاليۋت وبنوۆليايۋتسيا
استانا:

تارازدا زاماناۋي ٴبىلىم تۋراسىندا حالىقارالىق كونفەرەنسيا وتۋدە

تاراز، baq.kz. تاراز مەملەكەتتىك پەداگوگيكالىق ۋنيۆەرسيتەتىندە شەتەلدىك عالىمداردىڭ قاتىسۋىمەن «زاماناۋي ٴبىلىم: ٴادىسناما، تەوريا مەن تاجىريبيە» اتتى كونفەرەنسيا ٴوتىپ جاتىر.

ۇيىمداستىرۋشىلاردىڭ ايتۋىنشا، اتالعان شارادا ٴبىلىم سالاسىنىڭ باسىم باعىتتارى سارالانىپ، شەتەلدىك جانە وتاندىق مامانداردىڭ تاجىريبيە الماسۋى كوزدەگەن.

ەكى كۇنگە جوسپارلانعان شاراعا اقش، رەسەي، بەلارۋس، لاتۆيا، انگليا، چەحيا، گەرمانيا جانە وزگە دە مەملەكەتتىڭ پروفەسسورلارى مەن وقىتۋشىلارى قاتىسۋدا.

كونفەرەنسيانى تارمپۋ-دىڭ وقۋ ادىستەمەلىك جۇمىستار جونىندەگى پرورەكتورى ساۋلە الىمبايەۆا ٴوزىنىڭ قۇتتىقتاۋ سوزىمەن اشىپ، قاتىسۋشىلارعا ساتتىلىك تىلەدى.

جاڭا ٴداۋىردىڭ وقۋ باعىتىن سارالاعان جىيىندا ٴبىلىم باعدارلاماسىن قايتا قۇرىپ، تىڭ ادىستەردىڭ ەنۋىن قامتاماسىز ەتۋ، سونداي-اق، زامان تالابىنا ساي پەداگوگ مامانداردى وقىتىپ، تاربيەلەپ شىعارۋدىڭ ماڭىدىلىعى تالقىلاندى.

گەرمانيادان كەلگەن phd دوكتور گوتفريك توماس «ەۋروپاداعى clil-ساباقتارىنىڭ تاريحى، مىنەزدەمەسى جانە پروبلەمالارى - تەوريا جانە تاجىريبە تۋرالى كەيبىر نەگىزگى يدەيالار» تاقىرىبىندا بايانداما جاسادى. ول «clil - تەك «جاڭا بوتەلكەدەگى ەسكى شاراپ» دەگەن پىكىرىن ٴبىلدىردى.

ونىڭ ايتۋىنشا، ەلىمىزدە ٴقازىر قۇراستىلىپ جاتقان تىڭ وقۋ باعدارلاماسى باتىس مەملەكەتتەرىندە قابىلدانىپ، ىسكە اسىرىلىپ جاتقان ٴبىلىم جۇيەسىنىڭ وڭدەۋدەن وتكەن جاڭا نۇسقاسى. بۇدان بولەك سپيكەرلەر قاتارىندا ۆيلداۋ قولدانبالى عىلىمدار ۋنيۆەرسيتەتىنىڭ پروفەسسورى پيتەر ەندەرس، اقش-تاعى ەۆەرگرين مەملەكەتتىك كوللەدجىنىڭ phd دوكتورى نەنسي كوپپەلمان جانە وزگە دە عالىمدار بايانداما وقىدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي