تاپقىر وقۋشى ۇبت-عا ەرەكشە شپارگالكامەن كىرگەن

وكق-دە وتكەن بريفينگتە قر بعم ۇلتتىق تەستىلەۋ ورتالىعىنىڭ ديرەكتورى رامازان ٴالىمقۇلوۆ ۇبت-داعى ەرەكشە شپارگالكا جايىندا ايتتى، دەپ حابارلايدى baq.kz ٴتىلشىسى.

بريفينگتە رامازان ٴالىمقۇلوۆ ۇلتتىق ٴبىرىڭعاي تەستىلەۋدىڭ ۇشكۇندىك ناتيجەسىن بايانداي كەلە، قازاقستاندىق تۇلەكتىڭ تاپقىرلىعىنا ٴتانتى بولدى.

«جىل سايىن ٴبىز ۇلتتىق تەستىلەۋ ورتالىعىندا ەرەكشە شپارگالكالارعا باعا بەرەمىز. وسى جىلى ٴبىرىنشى ورىندى ەرەكشە شپارگالكاعا بەرەمىز. وقۋشى ۇبت-عا پلاستيكالىق بوتەلكەنىڭ ەتيكەتكاسىنا وزىنە قاجەتتى حيميانىڭ فورمۋلاسىن جازىپ كىرگەن. ياعني مينەرالدى سۋدىڭ قۇرامى مەن كومپانيانىڭ مەكەن-جايى كورسەتىلگەن جەردە وسى فورمۋلا بولعان. ۇبت-تىڭ ەرەجەسىنە سايكەس ەمتيحانعا سۋدى الىپ كىرۋگە بولادى»، - دەدى ول.

ونىڭ ايتۋىنشا، قازاقستاندىق وقۋشىلاردىڭ فۋنكسيونالدىق ساۋاتتىلىعى ارتىپ كەلەدى ەكەن.

«ارينە، بىزگە وقۋشىلاردىڭ تاپقىرلىعى قۋانتادى. بۇل فۋنكسيونالدىق ساۋاتتىلىقتىڭ دەڭگەيىنىڭ ارتىپ كەلە جاتقانىن كورسەتەدى. سىزدەر جىلدان-جىلعا ۇبت-دا تۇلەكتەردىڭ فۋنكسيونالدىق ساۋاتتىلىعىن ارتتىرۋعا باعىتتالعان سۇراقتاردىڭ سانى ارتىپ كەلە جاتقانىن بىلەسىزدەر. وسى ورايدا جوعارى اتالعان فاكت ٴبىزدىڭ بەيرەسمي رەيتينگىمىزدە ٴبىرىنشى ورىنعا يە بولدى»، - دەدى ديرەكتور.

ٴسوز سوڭىندا ول ەرەكشە شپارگالكا جاساعان وقۋشىعا ٴوز كەڭەسىن بەردى.

«ٴبىز وسى شپارگالكانىڭ اۆتورىنا تەحنيكالىق باعىتتا ٴبىلىم الۋعا كەڭەس بەرەمىز. ٴبىزدىڭ ويىمىزشا، ول ٴوز ەلىنە ۇلكەن پايداسىن تيگىزە الادى»، - دەپ تۇيىندەدى ٴسوزىن رامازان ٴالىمقۇلوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!