شىعىس قازاقستاندا ۇبت قورىتىندىسى شىقتى

فوتو: newtimes.kz

وبلىس بويىنشا ورتاق ەسەپ 83،8 ۇپايدى كورسەتىپ تۇر، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

بيىل 781 وقۋشى شەكتىك ۇپايدى جيناي الماعان. سولاي ەكەن دەپ مۇلدە كۇدەر ٴۇزىپ كەتۋگە بولمايدى، ويتكەنى ولارعا ەكىنشى مۇمكىندىك بەرىلەدى. تامىزدىڭ ٴ19-24-ى كۇندەرى ولارعا قايتادان باق سىناپ كورۋلەرىنە بولادى.

جالپى بيىل وبلىس كولەمىندە 9740 وقۋشى مەكتەپ بىتىرگەن ەكەن. سونىڭ 70،5%-ى ٴبىرىڭعاي تەستىلەۋگە قاتىسقان. اۋداندار اراسىندا ابايلىقتار كوش باستاپ تۇر. ولار جيناعان ۇپايدىڭ ورتا ەسەبى – 104،6 بالل. سودان كەيىن اياگوز اۋدانى (94،2 بالل)، كۇرشىم اۋدانى (92،9 بالل) جانە زايسان اۋدانى (92،4 بالل) ورىن تەپكەن. ال وسكەمەندىكتەر 87،4 بالل جيناپتى. وبلىس بويىنشا ورتاق ەسەپ – 83،8 ۇپايدى كورسەتىپ تۇر.

ەڭ قىزىعىن ايتايىق، وڭىردە ەڭ كوپ ۇپاي العان ٴتورت وقۋشى بار ەكەن. تورتەۋىنىڭ دە ۇپاي سانى 137-دەن. ولار: اياگوزدىك س.تۇرسىنعاليەۆ پەن م. احمەتجان، ابايلىق ە. سەرعاليەۆ جانە وبلىستىق دارىندى بالالارعا ارنالعان مەكتەپ-ليسەي-ينتەرناتىنىڭ وقۋشىسى ت. كاتيەۆا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!