BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پرەزيدەنت كۇنى قارساڭىندا ماقتارال اۋدانىندا ٴۇش ٴىت سىنىپ اشىلدى

تۇركىستان وبلىسى، baq،kz. تۇڭعىش پرەزيدەنت كۇنى قارساڭىندا ماقتاارال اۋدانىندا 3 مەكتەپتە it سىنىپ اشىلدى. «سيفرلىق قازاقستان» مەملەكەتتىك باعدارلاماسىن جەرگىلىكتى جەردە ورىنداۋ ماقساتىندا اشىلىپ وتىرعان سىنىپتار ماقتاارالدىق وقۋشىلاردىڭ قازىرگى زامان تالابىنا ساي ٴبىلىم الۋىنا مۇمكىندىك بەرىپ وتىر.

ەڭ الدىمەن اۋدان اكىمى باقىت اسانوۆ اۋدان ورتالىعىنداعى №120 جالپى ورتا مەكتەبى مەن «مىرزاكەنت» مەكتەپ-گيمنازياسىنا بارىپ، جاڭادان اشىلعان it سىنىپتاردىڭ لەنتاسىن قيدى. ٴوڭىر باسشىسى اۋىل بالالارىنىڭ عىلىمي-تەحنيكالىق ٴبىلىمدى شىنايى ومىردە قولدانۋىنا، زاماناۋي تەحنولوگيالاردى جەتىك بىلۋىنە جول اشىپ وتىرعان جوبانى بارلىق مەكتەپكە ەندىرۋ كەرەكتىگىن باسا ايتتى.

«it سىنىپتاردا 8-16 جاس ارالىعىنداعى بالالار باعدارلامالاۋ جانە روبوت تەحنيكاسىنىڭ نەگىزدەرى تۋرالى ەۋروپالىق ٴبىلىم بەرۋ ستاندارتى بويىنشا تەرەڭدەتىلگەن ٴبىلىم الادى. بۇل باستاما مەكتەپتەرگە فاكۋلتاتيۆتى ٴپان رەتىندە ەنگىزىلىپ، ەلەكتيۆتى كۋرس رەتىندە جۇرگىزىلەدى» - دەدى باقىت ٴناسىرحان ۇلى.

اۋدان ورتالىعىنداعى №120 جالپى ورتا مەكتەبى مەن «مىرزاكەنت» مەكتەپ-گيمنازياسىنان بولەك، اتاكەنت كەنتىندەگى «ماقتاارال» مەكتەپ-گيمنازياسىندا دا it سىنىپ اشىلدى. جالپى «سيفرلىق قازاقستان» مەملەكەتتىك باعدارلاماسىن ورىنداۋ ماقساتىندا 2018 جىلى اۋدان مەكتەپتەرىنە 50 ميلليون تەڭگەدەن اسا قارجىعا 358 كومپيۋتەر، 105 ميلليون تەڭگەدەن اسا قارجىعا 212 مۋلتيمەديالىق جابدىقتار الىنعان.

ايتا كەتەيىك، ماقتاارال اۋدانىندا «سيفرلىق قازاقستان» مەملەكەتتىك باعدارلاماسىن ىسكە اسىرۋ ٴۇشىن اۋدان اكىمىمەن جۇمىس جوسپارى بەكىتىلىپ، ونداعان جوبالار ىسكە اسپاقشى.

«smart maktaaral» دەپ اتالاتىن جوبا نەگىزىندە اۋدانداعى بازارلار مەن ساۋدا نۇكتەلەرىنىڭ، قىزمەت كورسەتۋ ورىندارىنىڭ جۇمىسىن اۆتوماتتاندىرۋ، ٴبىلىم بەرۋ ۇيىمدارىندا it سىنىپتارىن اشۋ، اۋدان بويىنشا تەگىن wi-fi جەلىلەرىن قۇرۋ، كوممۋنالدىق تولەمدەردى تەرمينالدار مەن سمارتفون ارقىلى ونلاين تولەۋ، ەلەكتروندى اقشا اينالىمىنا جاعداي تۋعىزۋ، اۋداننىڭ ماڭىزدى جولدارىندا اقىلدى جارىقتاندىرۋ جۇيەلەرىن ورناتۋ، بەينەباقىلاۋ جۇيەلەرىن دامىتۋ، اۋىل شارۋاشىلىعىنا ارنالعان اقىلدى سۋارۋ جۇيەلەرىن ەنگىزۋ سياقتى ت.ب. جوبالار جۇزەگە اساتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي