BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پەداگوگيكالىق عىلىمدار اكادەمياسىنىڭ جاڭا مۇشەلەرى سايلاندى   

استانا، baq.kz. قازاقستان پەداگوگيكالىق عىلىمدار اكادەمياسىنىڭ جاڭا مۇشەلەرى سايلاندى. ولاردىڭ اراسىندا ەۋرازيا ۇلتتىق ۋنيۆەرسيتەتى جۋرناليستيكا جانە ساياساتتانۋ فاكۋلتەتىنىڭ 3 بىردەي عالىمى بار.

بۇل عىلىمي اتاق اكادەميانىڭ جالپى جينالىسىندا كوپشىلىك داۋىسقا سالۋ ارقىلى بەرىلىپ وتىر. جۋرناليستيكا جانە ساياساتتانۋ فاكۋلتەتىنىڭ دەكانى، پروفەسسور قايرات ساق اكادەميانىڭ تولىق مۇشەسى-اكادەميگى، وسى فاكۋلتەتتىڭ وقىتۋشىلارى باۋىرجان يمانعاليەۆ پەن اۋەسبايدىڭ قاناتى كوررەسپوندەنت-مۇشەسى بوپ سايلاندى. ولارعا مۇشەلىك ديپلوم مەن كۋالىكتى سالتاناتتى جاعدايدا فاكۋلتەتتىڭ عىلىمي كەڭەسىندە اكادەميا پرەزيدەنتى، پەداگوگيكا عىلىمدارىنىڭ دوكتورى، پروفەسسور اسقاربەك قابىكەن ۇلى تابىس ەتتى.

اكادەميانىڭ تولىق مۇشەسى-اكادەميگى نەمەسە كوررەسپوندەنت-مۇشەسى اتاعى عىلىم كانديداتى نەمەسە دوكتورى عىلىمي دارەجەسى بار ٴبىلىم، عىلىم مەن مادەنيەت سالاسىنىڭ كورنەكتى وكىلدەرىنە بەرىلەدى.

قايرات ساق، ەلىمىزگە تانىمال الاشتانۋشى عالىم، پروفەسسور. 2011 جىلدان بەرى ل.ن. گۋميلەۆ اتىنداعى ەۇۋ جۋرناليستيكا جانە ساياساتتانۋ فاكۋلتەتىنىڭ دەكانى. الاش ٴباسپاسوزى مەن كوسەمسوزىنە قاتىستى 2 وقۋ قۇرالى، 2 مونوگرافيا 10 حريستوماتيالىق وقۋ قۇرالى اۆتورى، كوپتەگەن عىلىمي جوبا اۆتورى، ٴارى جەتەكشىسى. جۋرناليستيكا سالاسىندا عىلىمي مەكتەپ قالىپتاستىرعان كورنەكتى عالىم. قر مادەنيەت قايراتكەرى، قازاقستان جۋرناليستەر وداعى سىيلىعىنىڭ لاۋرەاتى، «جىلدىڭ ۇزدىك وقىتۋشىسى» مەملەكەتتىك گرانتىنىڭ يەگەرى.

باۋىرجان يمانعاليەۆ، حالىق اعارتۋ كوميسسارى تەمىربەك جۇرگەنوۆتىڭ ادەبي مۇراسىن العاش عىلىمي اينالىمعا ەنگىزىپ، زەرتتەگەن پەداگوگ-عالىم، فيلولوگيا عىلىمدارىنىڭ كانديداتى، ەۋرازيا ۇلتتىق ۋنيۆەرسيتەتىنىڭ دوسەنتى. «جۇرگەنوۆتانۋدى» ەلەكتيۆتى ٴپان رەتىندە ەۋرازيا ۇلتتىق ۋنيۆەرسيتەتى مەن تەمىربەك جۇرگەنوۆ ونەر اكادەمياسىنىڭ وقۋ باعدارلاماسىنا ەنگىزگەن. قازاقستان جۋرناليستەر وداعىنىڭ مۇشەسى، حالىقارالىق اقپاراتتاندىرۋ اكادەمياسىنىڭ اكادەميگى.

قانات اۋەسباي، فيلولوگيا عىلىمدارىنىڭ كانديداتى، قر پرەزيدەنتى جانىنداعى جاستار ساياساتى جونىندەگى كەڭەس مۇشەسى، باق وكىلدەرى اراسىنان قر پرەزيدەنتىنىڭ حالىقارالىق «بولاشاق» ستيپەندياسىمەن وقىعان تۇڭعىش جۋرناليست. قازاقستان جۋرناليستەر وداعى سىيلىعىنىڭ لاۋرەاتى، قازاقستان جاستار وداعى «سەرپەر» سىيلىعىنىڭ يەگەرى، باق وكىلدەرىنىڭ رەسپۋبليكالىق «نۇر سۇڭقار» بايقاۋىنىڭ جەڭىمپازى. قازاق-اعىلشىن تىلىندە ۇلىبريتانيادا جارىق كورگەن «باتىس كورگەن. ۇلىبريتانيا قازاقتىڭ كوزىمەن» كىتابىنىڭ اۆتورى. قر اقپارات سالاسىنىڭ ۇزدىگى توسبەلگىسىمەن ماراپاتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي