«پەداگوگ مارتەبەسى» تۋرالى زاڭدى ازىرلەۋگە مۇعالىمدەر دە قاتىسۋى ٴتيىس – پەداگوگ - ٴبىلىم & عىلىم|06 قازان 2018، 12:35
كۋرسى ۆاليۋت وبنوۆليايۋتسيا
استانا:

«پەداگوگ مارتەبەسى» تۋرالى زاڭدى ازىرلەۋگە مۇعالىمدەر دە قاتىسۋى ٴتيىس – پەداگوگ

فوتو: Автор

«ايماقتارداعى ٴبىلىم باسقارمالارىن جەرگىلىكتى اكىمدىكتەن قر ٴبىلىم جانە عىلىم مينيسترلىگىنىڭ قۇزىرەتىن وتكىزۋ كەرەك». «زياتكەر-ۇستاز» قوعامدىق بىرلەستىگىنىڭ ٴتوراعاسى، جوعارى ساناتتى ۇستاز ٴومىر شىنىبەك ۇلى ەلباسىنىڭ قازاقستان حالقىنا جولداۋىن تىڭداپ، سونداعى «پەداگوگ مارتەبەسى تۋرالى» زاڭدى ازىرلەۋ تاپسىرماسىنا قاتىستى وسىنداي پىكىر ٴبىلدىردى. ول ايماقتاعى baq.kz تىلشىسىنە بەرگەن سۇقباتىندا «پەداگوگ مارتەبەسى» تۋرالى زاڭعا ەنگىزىلۋى ٴتيىس باپتاردى دا ۇسىندى.

«پەداگوگتىڭ مارتەبەسىن ايقىندايتىن زاڭعا مىناداي باپتار ەنگىزىلۋى ٴتيىس:

1. ٴبىلىم باسقارمالارىن جەرگىلىكتى اكىمشىلىكتەن قر ٴبىلىم جانە عىلىم مينيسترلىگىنىڭ قۇزىرەتىنە وتكىزىپ الۋى كەرەك. مەكتەپ مۇعالىمدەرىن ٴوز مىندەتىنە جاتپايتىن جۇمىستاردان وسى قادام عانا قۇتقارا الادى. زاڭ بابىنا قوسىمشا رەتىندە، «ٴمۇعالىمدى مىندەتىنە جاتپايتىن جۇمىسقا جەككەن شەنەۋنىك «ادامدى قۇلدىقتا ۇستاعان قىلمىسكەرمەن" تەڭەستىرىلىپ، قىلمىستىق جاۋاپقا تارتىلۋى ٴتيىس» دەپ كورسەتۋ كەرەك.

2. ٴمۇعالىم ٴقاۋىپتى ماماندىق بولىپ قالدى. سوندىقتان، مۇعالىمگە قول جۇمساعان ادامعا قۇقىق قورعاۋ ورگانى قىزمەتكەرىنە قول كوتەرگەن ادامعا تاعايىندالاتىنداي جازا قولدانىلۋى ٴتيىس.

3. بيۋدجەتتەن مەكتەپتەردى جوندەۋگە بولىنگەن قاراجات باق بەتىندە جاريالانۋى ٴتيىس. سوندا، مۇعالىمدەر مەن اتا-انالاردان مەكتەپتى جوندەۋگە اقشا جيناۋ قيىنعا سوعادى» دەگەن بەلسەندى ۇستاز ٴوز سوزىندە «زاڭ جوباسىن ازىرلەۋگە قاتارداعى مۇعالىمدەر دە تارتىلۋى ٴتيىس» دەي كەلە، ۇسىنىس بولسا «تاريح جانە قوعامتانۋ ٴپانىنىڭ ٴمۇعالىمى» رەتىندە جۇمىسشى توپقا كىرۋگە دايىن ەكەنىن مالىمدەدى.

ول سونداي-اق، زاڭ جوباسىن باق بەتتەرىندە جاريالاپ، اشىق تالقىعا سالۋدى ۇسىندى.

ٴومىر شىنىبەك ۇلى بۇگىندە ا.س.ماكارەنكو اتىنداعى №41 مەكتەپ-ليسەيىندە تاريح پانىنەن ساباق بەرەدى. ٴوز ۇستانىمىن، مەكتەپتەگى ٴبىلىم سالاسى مەن پەداگوگتاردىڭ ماسەلەسىنە قاتىستى ويلارىن اشىق بىلدىرەتىن ۇستاز بيىلعى جولداۋدىڭ فورماتى بۇرناعى جولداۋلاردان وزگەشە بولعانىن ايتادى.

«بيىلعى جولداۋدىڭ فورماتى وزگەشە بولىپ، اتقارۋشى بيلىك وكىلدەرى الدىندا ايتىلدى. مەنىڭشە، بۇرىنعى جولداۋلاردىڭ ورىندالۋ بارىسىن قاداعالاۋ پرەزيدەنت ٴۇشىن قيىن بولعان سەكىلدى. الىسقا بارماي-اق وتكەن جىلى جاريالانعان «رۋحاني جاڭعىرۋ» باعدارلاماسى تۋرالى ايتساق...

جاقىندا تۇركىستان وبلىستىق ىشكى ساياسات باسقارماسى قوعام بەلسەندىلەرى مەن ولكەتانۋشى، تاريحشىلاردىڭ قاتىسۋىمەن ارنايى جيىن وتكىزىپ، «رۋحاني جاڭعىرۋ» وبلىستىق كەڭسەسى باسشىسى ب. اشىربەكوۆتىڭ ەسەبىن تىڭدادى. كەڭسە باسشىسى جاقسىلاپ دايىندالىپ-اق كەلىپتى. اتقارىلعان جۇمىستارىن سلايدتارمەن ۋاجدەپ ٴتۇسىندىرىپ بەردى. ٴبىرشاما سلايدتا مەنىڭ فوتوسۋرەتتەرىم ٴجۇر ەكەن. ب.اشىربەكوۆ ٴوز ٴسوزىن اياقتاعان سوڭ «ٴسىز ٴوز ٴسوزىڭىزدى وبلىستا «رۋحاني جاڭعىرۋ» باعدارلاماسىن ىسكە اسىرۋعا قانشا قاراجات ٴبولىندى جانە ول قالاي يگەرىلدى؟» دەگەن سۇراقتان باستاۋىڭىز كەرەك ەدى. نەگە ول ايتىلمادى؟ سلايدتارعا قاراعاندا مەن دە ٴبىراز شارۋا اتقارىپپىن. نەگە مەن ٴبىر تيىن العان جوقپىن؟» دەگەن سۇراق قويدىم.

ٴبىراق سۇراعىما جاۋاپ الا المادىم. جيىن سوڭىنان كەيىن كۋلۋاردا «باعدارلامانى ىسكە اسىرۋعا ارنايى قاراجات بولىنبەدى» دەگەن اڭگىمە ەستىدىم. جالاڭ ەنتۋزيازممەن الىسقا بارۋىمىز قيىن ەكەنى جاس بالاعا دا تۇسىنىكتى بولسا كەرەك. اتقارۋشى بيلىك وكىلدەرىن قاتىستىرا وتىرىپ، پرەزيدەنت جولداۋدىڭ ورىندالۋىنا ولاردىڭ جاۋاپكەرشىلىگىن كورسەتكىسى كەلگەن سەكىلدى. ٴمۇعالىم بولعاندىقتان، ەڭ الدىمەن جولداۋدىڭ ٴبىلىم سالاسىنا قاتىستى تۇستارىنا نازار اۋداردىم»، - دەيدى ول.

جولداۋدا «ٴبىلىم مەن عىلىمعا 100 ملرد بولىنەدى» دەدى. 2016 جىلى ناۋرىز ايىندا «2016-2019 جىلعى ٴبىلىم مەن عىلىمدى دامىتۋعا بولىنەدى» دەگەن 1،5 ترلن اقشانىڭ تاعدىرى نە بولدى ەكەن؟ قر ٴبىلىم جانە عىلىم مينيسترلىگىنىڭ ٴمينيسترى ە.ساعاديەۆتەن وسى سۇراقتاردىڭ جاۋابىن كۇتەمىز» دەگەن ۇستاز ٴوز وي-پىكىرىن سۇراۋلى سيپاتتا اياقتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي