BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا پسيحولوگ-مامانداردىڭ جۇمىسى كۇشەيتىلەدى

پاۆلودار. baq.kz ٴتىلشىسى. ەرتىس ٴوڭىرىنىڭ مەكتەپتەرىندە پسيحولوگتاردىڭ جۇمىسىن كۇشەيتۋ شارالارى قولعا الىندى. جولداۋ جۇكتەگەن مىندەتتەر اياسىندا ماماندار ٴۇشىن بىلىكتىلىكتەرىن ارتتىرۋ سەمينارلارى ۇيىمداستىرىلۋدا.

وبلىستىق ٴبىلىم بەرۋ باسقارماسى ماماندارىنىڭ مالىمەتىنشە، بۇگىندە وڭىردەگى ٴبىلىم وشاقتارىندا 568 پسيحولوگ ەڭبەك ەتەدى. ​ ونىڭ ىشىندە مەكتەپتەردە – 370، ارنايى ۇيىمداردا، بالالار ۇيىندە – 17، كوللەدجدەردە – 41 جانە بالاباقشادا 140 پسيحولوگ جۇمىس ىستەيدى.

«ەلباسى جولداۋىندا ايتىلعان تاپسىرمالاردى ورىنداۋ ماقساتىندا پەداگوگتار، پسيحولوگتار، سىنىپ جەتەكشىلەردىڭ كاسىبي قۇزىرەتتىلىك دەڭگەيلەرىن ارتتىرۋ ماقساتىندا ٴبىلىم بەرۋ ۇيىمدارىندا سەمينار-پراكتيكۋمدار، كونفەرەنسيالار وتكىزىلەدى. وبلىستىڭ 100 پەداگوگ-پسيحولوگى ٴۇشىن «دەنساۋلىق جانە ومىرلىك داعدىلاردى قالىپتاستىرۋ، سونداي-اق كامەلەتكە تولماعاندار اراسىندا ٴسۋيسيدتتى الدىن الۋ» باعدارلاماسى اياسىندا وقىتۋ سەمينارى ۇيىمداستىرىلدى. سونىمەن قاتار، ٴبىلىم بەرۋدى دامىتۋدىڭ يننوۆاسيالىق ورتالىعى جانىندا شىعارماشىلىق پسيحولوگتار توبى جۇمىس جاسايدى»، - دەيدى سالا ماماندارى.

بۇل باعىتتاعى جۇمىستار جالعاسىن تابا بەرمەك. پاۆلودار قالاسىنداعى №25 مەكتەپتىڭ پسيحولوگى جانار وردابايەۆانىڭ ايتۋىنشا، بۇگىندە بالالارمەن تىعىز قارىم-قاتىناس ورناتۋ ماقساتىنداعى شارالار جەمىسىن بەرۋدە.

«قازىرگى ۋاقىتتا 10-11 سىنىپ وقۋشىلارىنا باسىمدىق بەرۋدەمىز. سەبەبى، ۇل-قىزدار ۇبت مەن ٴپان وليمپيادالارىنا دايىندالىپ جاتىر. ولار كوبىنەسە سىناق الدىنداعى كۇيزەلىس پەن قورقىنىشتان ارىلا المايدى. مەنىڭ كومەگىمە 5 سىنىپ وقۋشىلارى دا جۇگىنەدى. ول تۇسىنىكتى، سەبەبى، بالالار باستاۋىش سىنىپتان جوعارى بۋىنعا كوشەدى. جاڭا ورتاعا بەيىمدەلۋ ٴۇشىن ۋاقىت كەرەك. ولارعا كەڭەس بەرەمىن. بالالاردىڭ ىشىندە ماسەلەسىن اشىق ايتقىسى كەلمەيتىن وقۋشىلار دا بار. ولار ٴۇشىن مەكتەپ دالىزىندە «سەنىم جاشىكتەرى» ورناتىلعان. وقۋشىلار تولعاندىرعان سۇراقتارىن ٴانونيمدى تۇردە جازىپ كەتە الادى. تەك سىنىپتارىن وتكىزەدى»، - دەيدى جانار وردابايەۆا.

​ ايتا كەتەيىك، وبلىستا 421 مەكتەپكە دەيىنگى ۇيىم بار. بۇل نىسانداردا 40 مىڭعا جۋىق بالا تاربيەلەنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي