پاۆلودار وبلىسىندا اكىمدىكتىڭ 200 گرانتىنا 300-گە جۋىق تالاپكەر تالاستى - ٴبىلىم & عىلىم|15 تامىز 2018، 09:19
كۋرسى ۆاليۋت وبنوۆليايۋتسيا
استانا:

پاۆلودار وبلىسىندا اكىمدىكتىڭ 200 گرانتىنا 300-گە جۋىق تالاپكەر تالاستى

فوتو: автор

پاۆلودار وبلىسىندا مەكتەپ تۇلەكتەرى اراسىندا اكىمدىك گرانتتارى تاعايىندالدى، دەپ حابارلايدى baq.kz ايماقتاعى ٴتىلشىسى.

وبلىستىق ٴبىلىم بەرۋ باسقارماسىنىڭ مالىمەتىنشە، بيىلعى جىلى وبلىس اكىمدىگى جەرگىلىكتى بيۋدجەت ەسەبىنەن 200 گرانت ٴبولدى. پەداگوگيكالىق ماماندىقتارعا - 65 گرانت، تەحنيكالىق ماماندىقتارعا – 35 گرانت، جوعارى ٴبىلىمدى مەديسينا مامانداردى دايارلاۋعا – 50 گرانت جانە جوعارى مەديسينالىق وقۋ ورنىنان كەيىنگى مامانداردى دايارلاۋعا 50 گرانت ٴبولىندى. ٴبىلىم گرانتتارىنىڭ بايقاۋىنا وتىنىشتەردى قابىلداۋ شارالارىن جوعارى وقۋ ورىندارىنىڭ قابىلداۋ كوميسسيالارى جۇرگىزدى.

«كونكۋرسقا قاتىسۋ ٴۇشىن 284 ٴوتىنىش قابىلداندى. وتىنىشتەردىڭ ٴ211-ى – مەملەكەتتىك تىلدە ٴبىلىم الۋعا نيەت ەتكەندەرگە تيەسىلى. 201 ٴوتىنىش پاۆلودار وبلىسى مەكتەپتەرىنىڭ تۇلەكتەرى تاراپىنان ٴتۇستى. وزگە وبلىستاردان دا قابىلداندى. ماسەلەن، شىعىس قازاقستان وبلىسىنان – 38، قاراعاندى وبلىسىنان – 21، سونىمەن قاتار، الماتى، اقمولا، تۇركىستان، قىزىلوردا، جامبىل وبلىستارىنان 5 وتىنىشتەن قابىلداندى. تالاپكەرلەردىڭ ٴ245-سى ورتا مەكتەپتى بيىل ٴتامامداعان»، - دەيدى وبلىستىق ٴبىلىم بەرۋ باسقارماسىنىڭ باسشىسى ٴدىنيسلام بولاتحان ۇلى.

ايتا كەتەيىك، تەگىن ٴبىلىم الۋ مۇمكىندىگىنە يە بولعان جاستار جەرگىلىكتى ٴۇش جوعارى وقۋ ورنىندا وقيدى. اتاپ ايتقاندا، س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى، يننوۆاسيالىق ەۋرازيا ۋنيۆەرسيتەتى جانە پاۆلودار مەملەكەتتىك پەداگوگيكالىق ۋنيۆەرسيتەتىندە ٴبىلىم الادى. ال مەديسينالىق ماماندىقتار بويىنشا وقۋ ٴۇردىسى سەمەي جانە قاراعاندى قالالارىنىڭ جوو-دا جۇزەگە اسىرىلادى.

گرانتتارعا يە بولعان ازاماتتار اتقارۋشى بيلىك، ستۋدەنت جانە جوعارى وقۋ ورنى اراسىندا جاسالعان كەلىسىمشارت نەگىزىندە وقىپ، كەيىن ٴۇش جىل بويى ەڭبەك ەتۋى كەرەك.

بيىلعى كونكۋرستىق شارا بارىسىندا تالاپكەرلەر اراسىندا «جالپى مەديسينا» ماماندىعى جوعارى سۇرانىسقا يە ەكەنى انىقتالدى. باس-اياعى 136 ٴوتىنىش قابىلدانعان. ولاردىڭ بەسەۋى «ٴتىس دارىگەرى» ماماندىعىنا تيەسىلى بولىپ شىقتى.

وبلىستىق دەنساۋلىق ساقتاۋ باسقارماسىنىڭ باسشىسى وراز مۇقاشەۆتىڭ مالىمەتىنشە، «جالپى مەديسينا» ماماندىعىنا 55 گرانت بولىنگەن.

«دەنساۋلىق» مەملەكەتتىك باعدارلاماسى شەڭبەرىندە كادرلىق رەسۋرستاردى دامىتۋ كوزدەلگەن. سەبەبى، حالىققا مەديسينالىق قىزمەت كورسەتۋ سالا ماماندارىنىڭ تاجىريبەسىنە، بىلىمىنە تىكەلەي بايلانىستى. مامانداردى دايارلاۋ ٴىسى دە اسا ماڭىزدى. وڭىردە كادر تاپشىلىعىن جويۋ ماقساتىندا جەرگىلىكتى بيۋدجەت ەسەبىنەن گرانتتار ٴبولىندى.

قازىرگى ۋاقىتتا وقۋ ورىندارى اكىمدىك گرانتتارىنا يە بولعانداردى جاتىن ورىنمەن قامتۋ ماسەلەسىن شەشۋدە. بيىل وبلىستا «پرەزيدەنتتىڭ بەس الەۋمەتتىك باستاماسى» اياسىندا ٴتورت مىڭنان استام بالاعا شاقتالعان 9 جاتاقحانا سالىنادى دەپ جوسپارلانۋدا.

ەسكە سالا كەتسەك، 200 گرانتقا وبلىس بيۋدجەتىنەن 65 ملن. تەڭگە ٴبولىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي