پاۆلودار مەكتەپتەرىنە جاڭا فورماتتاعى كىتاپتار اكەلىندى - ٴبىلىم & عىلىم|17 تامىز 2018، 18:56
كۋرسى ۆاليۋت وبنوۆليايۋتسيا
استانا:

پاۆلودار مەكتەپتەرىنە جاڭا فورماتتاعى كىتاپتار اكەلىندى

فوتو: автордан

پاۆلودار قالاسىنداعى 42 مەكتەپتىڭ بارلىعى جاڭا فورماتتاعى وقۋلىقتارمەن قامتىلدى، دەپ حابارلايدى baq.kz ايماقتاعى ٴتىلشىسى.

قازاق، ورىس جانە اعىلشىن تىلدەرىندەگى وقۋلىقتاردىڭ ەلەكتروندى نۇسقالارى الۋعا دا مۇمكىندىك ٴبىر. پاۆلودار قالالىق ٴبىلىم بەرۋ ٴبولىمىنىڭ مالىمەتىنشە 428 مىڭ دانا كىتاپتى ساتىپ الۋعا 515 ملن. تەڭگە ٴبولىندى.

«جاڭا فورماتتاعى وقۋلىقتار، ٴۇشىنشى، التىنشى، سەگىزىنشى سىنىپتارعا ارنالعان ادىستەمەلىك وقۋ قۇرالدارى، سونىمەن قاتار، جۇمىس داپتەرلەرىنىڭ ەلەكتروندى فورماتتاعى نۇسقالارىن بەرە الامىز. وقۋلىقتاردىڭ بارلىعى كۋار-كودتارمەن قامتىلعان. ولاردىڭ بارلىعى جاڭارتىلعان مازمۇنداعى ٴبىلىم بەرۋ باعدارلامالارىنا سايكەس»، - دەيدى ۆەدومستۆونىڭ باس مامانى اللا دەرەۆينا.

مەكەمە ماماندارىنىڭ حابارلاۋىنشا، وقۋلىقتار بالالاردىڭ جاس ەرەكشەلىكتەرىنە بايلانىستى ازىرلەنگەن. ماسەلەن، مەكتەپالدى توپتار، شاعىن ورتالىقتار مەن بالاباقشا تاربيەلەنۋشىلەرىنە ارنالعان قۇرالدار جەتكىزىلدى.

«بۇگىنگى تاڭدا وبلىس ورتالىعىندا ٴۇش تىلدە ٴبىلىم بەرۋ جوباسى بەلسەندى جۇزەگە اسىرىلۋدا. مەكتەپ وقۋشىلارى ٴۇشىن فيزيكا، حيميا، اقپاراتتانۋ، بيولوگيا پاندەرىن اعىلشىن تىلىندە وقۋعا مۇمكىندىك جاسالۋدا. شاھارعا جەتكىزىلگەن وقۋ قۇرالدارىنىڭ جالپى سانى – 4440 دانا»، - دەپ حابارلادى مەكەمەدەن.

وقۋلىقتاردى تاسىمالداۋ بويىنشا 12 وتاندىق باسپا ۇيىمەن كەلىسمىشارتتار جاسالعان. بۇگىندە كىتاپتاردىڭ بارلىعى تولىق كولەمدە جەتكىزىلىپ، مەكتەپتەرگە تاراتىلدى.

ايتا كەتەيىك، بيىلعى وقۋ جىلىندا وقۋشىلار سانى 3 مىڭعا كوبەيىپ، 102 مىڭعا جەتەدى. 1-سىنىپقا شامامەن 12 مىڭ ٴبۇلدىرشىن قابىلدانادى دەپ كۇتىلۋدە. مەكتەپ وقۋشىلارىن وقۋ قۇرالدارىمەن قامتۋ ٴۇشىن 1 ملرد. 116 ملن. تەڭگە قاراستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي