بۇگىن وتىرار اۋدانىندا ۇلتتىق ٴبىرىڭعاي تەست تاپسىرۋ ناۋقانى باستالدى، دەپ حابارلايدى baq.kz اقپارات اگەنتتىگى.
14933
0 
استانا: 
2448 
0
بۇگىن وتىرار اۋدانىندا ۇلتتىق ٴبىرىڭعاي تەست تاپسىرۋ ناۋقانى باستالدى، دەپ حابارلايدى baq.kz اقپارات اگەنتتىگى.
وسى ورايدا اۋداننىڭ بولاشاق تىزگىن ۇستارلارىنا اق جول تىلەپ، ارنايى بارعان اۋدان اكىمى ەرلان ايتاحانوۆ وقۋشىلارمەن جۇزدەسىپ، ومىرلىك قادامنىڭ جاۋاپتى ساتىمەن قۇتتىقتادى.
«قۇرمەتتى تۇلەكتەر، سىزدەردىڭ الدارىڭىزدا ۇلكەن بولاشاق، ۇلى ماقسات پەن مىندەت كۇتىپ تۇر. حالقىمىزدا «كىم كوپ ەڭبەكتەنسە، سول جەڭىسكە جەتەدى» دەگەن، قاناتتى ٴسوز بار. مەكتەپتەن العان بىلىمدەرىڭىز بەن ەڭبەكتەرىڭىزدىڭ جەمىسى جوعارى بولادى دەگەن سەنىمدەمىن. بۇگىن – ٴبىلىم بەرگەن ۇستازداردىڭ عانا ەمەس اۋداننىڭ دا سەنىمىن اقتايتىن كۇن، سوندىقتان ۇلتتىق ٴبىرىڭعاي تەستىلەۋدە سابىرلىلىق تانىتىپ العان بىلىمدەرىڭىزدى دالەلدەپ، تىلەۋلەس جاندارىڭىزدى قۋانتىپ، بيىك بەلەستەردەن كورىنىڭىزدەر. سىزدەردەن بۇرىنعى اعا-اپكەلەرىڭىز ٴبىلىم سىناعىنان جاقسى كورسەتكىشتەرگە قول جەتكىزىپ، اۋدانىمىزدىڭ ابىرويىن اسقاقتاتقان ەدى. سىزدەرگە دە سولاردىڭ جولىن بەرۋدى ٴناسىپ ەتىپ، وبلىستاعى الدىڭعى ۇشتىكتەن كورىنۋلەرىڭىزگە تىلەكتەسپىن!» - دەدى اۋدان باسشىسى.
ايتا كەتسەك، بيىل اۋدان بويىنشا 53 وقۋشى «التىن بەلگى» يەگەرى اتانسا، 20 وقۋشى ۇزدىك اتتەستاتتى قورعاپ شىقتى. اۋدان بويىنشا 711 تۇلەك اتتەستات الىپ التىن ۇيا مەكتەپتەرىنەن تۇلەپ ۇشسا، 516 وقۋشى، ونىڭ ىشىندە 509-ى قازاق تىلىندە، 7 وقۋشى ورىس تىلىندە ۇلتتىق ٴبىرىڭعاي تەستىلەۋگە بارۋعا ٴوتىنىش بىلدىرگەن. اعىمداعى جىلى اۋداننىڭ ۇلتتىق ٴبىرىڭعاي تەستىلەۋگە قاتىسۋ پايىزى 72،5 پايىزدى قۇراپ وتىر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
