BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقۋ جىلى قارساڭىندا سارىاعاشتا ەكى مەكتەپ پايدالانۋعا بەرىلدى

تۇركىستان وبلىسىنىڭ اكىمى جۇمىس ساپارىمەن سارىاعاش اۋدانىندا بولدى. ٴوڭىر باسشىسى سارىاعاش اۋدانى، اقجار اۋىلدىق وكرۋگىندە ورنالاسقان 600 ورىندىق ورتا مەكتەپتىڭ سالتاناتتى اشىلۋ راسىمىنە قاتىستى، دەپ حابارلايدى baq.kz اقپارات اگەنتتىگى.

وبلىس اكىمى مەملەكەت تاراپىنان ٴبىلىم سالاسىنا كوڭىل ٴبولىنىپ جاتقانىن، ٴبىلىم ۇيالارىنىڭ سانى ارتقانىن ايتا كەلە جاڭا مەكتەپتىڭ ۇستازدارى مەن وقۋشىلارىنا ساتتىلىك تىلەدى.

زامان تالابىنا ساي جابدىقتالعان مەكتەپ قۇرىلىسى 2017 جىلدىڭ مامىر ايىندا باستالىپ، بيىلعى تامىزدا اياقتالىپ وتىر. نىساندى سارىاعاش اۋدانىنىڭ قۇرىلىس ٴبولىمىنىڭ تاپسىرىسىمەن مەردىگەر «ارت قۇرىلىس» جشس-گى سالىپ، ەل يگىلىگىنە تاپسىردى. قۇرىلىستىڭ سمەتالىق قۇنى —1 414،7 ملن. تەڭگە. وعان رەسپۋبليكالىق بيۋدجەتتەن قارجى بولىنگەن.

وسى كۇنى سارىاعاش قالاسىندا ورنالاسقان №71 مەكتەپتىڭ قوسىمشا 300 ورىندىق وقۋ عيماراتىنىڭ دا اشىلۋ سالتاناتى ٴوتتى. سمەتالىق قۇنى 846،34 ملن. تەڭگەنى قۇراعان ىساننىڭ قۇرىلىسى 2017 جىلدىڭ ماۋسىم ايىندا باستالىپ، 2018 جىلدىڭ تامىز ايىندا تاپسىرىلدى. قارجىلاندىرۋ كوزى — رەسپۋبليكالىق بيۋدجەت. قۇرىلىس جۇمىسىن «ليدەر نك» جشس-گى جۇرگىزگەن. بۇگىندە سارىاعاش اۋدانىنداعى ٴبىلىم ۇيالارىندا 47634 وقۋشى بار. ونىڭ ٴ4831-ى مەكتەپالدى دايارلىق توبىنىڭ تاربيەلەنۋشىلەرى. اۋدانداعى 65 ٴبىلىم بەرۋ مەكەمەسىنىڭ ٴ57-ى تيپتىك ۇلگىدە سالىنعان. جالپى اۋداندا 11 مەكتەپتىڭ جاڭا جانە قوسىمشا عيماراتتارى سالىنعان. ناتيجەسىندە اپاتتى جاعدايداعى 4 مەكتەپ پەن ٴۇش اۋىسىمدا وقيتىن 4 مەكتەپتىڭ ماسەلەسى تولىق شەشىلدى.

وبلىس اكىمى سارىعاش قالاسىنىڭ كىرە بەرىسىندە ورنالاسقان «سايالى سارىاعاش» اللەياسىندا سارىاعاش قالاسىنىڭ ينفراقۇرىلىمىن دامىتۋ جونىندەگى جوبالارمەن تانىستى. اۋدان اكىمىنە سارىاعاشتى دامىتۋ شارالارىن جانداندىرۋ جونىندە تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي