BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقۋ جىلى باستالعانشا اتىراۋدا ەكى مەكتەپ، ٴۇش بالاباقشا پايدالانۋعا بەرىلەدى

بۇل تۋرالى بۇگىن اتىراۋ قالاسىندا وتكەن تامىز كەڭەسىندە ايتىلدى، دەپ حابارلايدى baq.kz اقپارات اگەنتتىگى.

جيىندا ٴبىلىم باسقارماسىنىڭ باسشىسى قايىرعالي كەنجەعاليەۆ وقۋ ورىندارىنىڭ جاڭا وقۋ جىلىنا دايىندىقتارى تۋرالى ايتتى.

– جاڭا وقۋ جىلىن مەكتەپتەر 118 مىڭ 100 باستاعالى وتىر. ونىڭ ىشىندە ٴبىرىنشى سىنىپتا 15 مىڭ 275 بالا بارادى. ٴبىلىم بەرۋ مەكەمەلەرىنە مەكتەپ وقۋلىقتارى مەن وقۋ قۇرالدارىن بەرۋ ٴۇشىن جەرگىلىكتى بيۋدجەتتەن 2 ملرد 540 ملن تەڭگە ٴبولىندى، – دەدى قايىرعالي كەنجەعاليەۆ.

بيىلعى جىلى 186 مەكتەپتى جوندەۋگە 328،2 ملن تەڭگە ٴبولىندى جانە كاپيتالدى جوندەۋگە 2 ملرد تەڭگەدەن استام قارجى ٴبولىندى. 18 ٴبىلىم بەرۋ مەكەمەسىندە جوندەۋ جۇمىستارى جۇرگىزىلدى.

– بيىل 23 ٴبىلىم بەرۋ مەكەمەسىندە قۇرىلىس جۇرگىزىلۋدە. 1 قىركۇيەككە دەيىن ەكى مەكتەپ پەن ٴۇش بالاباقشا اشىلادى دەپ كۇتىلۋدە. قالعاندارىن جىلدىڭ اياعىنا دەيىن پايدالانۋعا بەرەمىز دەپ جوسپارلانىپ وتىر، – دەدى قايىرعالي كەنجەعاليەۆ.

ايتا كەتەيىك، مەكتەپكە دەيىنگى 3 جاستان 6 جاسقا دەيىنگى بالالار 94،2% قۇرايدى. جاڭا مەكەمەلەردىڭ پايدالانۋعا بەرىلۋى – كەلەسى جىلى بالالاردى بالاباقشالارمەن 100% قامتاماسىز ەتۋگە مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي