BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەكتەپ ديرەكتورلارىنىڭ جالاقىسىن كوتەرۋگە تىرىسامىز – مينيستر

فوتو: Abai.kz

قر ٴبىلىم جانە عىلىم ٴمينيسترى ەرلان ساعاديەۆ مەكتەپ ديرەكتورلارى مەن مەڭگەرۋشىلەردىڭ جالاقىسىن 30% وسىرۋگە ۋادە ەتتى، دەپ حابارلايدى baq.kz ٴتىلشىسى.

«مەكتەپ ديرەكتورلارى مەن مەڭگەرۋشىلەرى «ٴبىز شەتتە قالىپ قويدىق» دەپ جاتىر. ولارمەن بىرگە ادىستەمەشىلەر دە... الدىن الا ەسەپ بويىنشا بارلىعى قامتىلدى، دەگەنمەن بىزدە كاتەگوريالار وتە كوپ. ۋاقىت تىعىز بولعاندىقتان قارجى مينيسترلىگىمەن بىرگە «الدىمەن مۇعالىمدەردىڭ ايلىعىن وسىرسەك» دەگەن شەشىمگە كەلدىك. سەبەبى بۇل ماسەلە قيىنداپ كەتكەن بولاتىن. ٴبىز ەندى مەكتەپ ديرەكتورلارى مەن مەڭگەرۋشىلەردىڭ جالاقىسىن كوتەرۋگە تىرىسامىز»، - دەدى ەرلان ساعاديەۆ.

ەگەر بۇل مۇمكىن بولماسا مينيستر اكىمدەرگە شىعاتىنىن ايتتى.

«بۇل - جاڭا باستاما. نەگىزگى سوما رەسپۋبليكالىق بيۋدجەتتەن ٴبولىنىپ كەلدى. ال جەرگىلىكتى اكىمدەر ٴۇشىن بۇل سونداي كوپ اقشا ەمەس. ەلىمىزدە 7 مىڭ ديرەكتور مەن مەڭگەرۋشى بار بولسا، ٴار وبلىستا 500-600 ادامنان. مەن اكىمدەرگە «ولاردىڭ دا جالاقىسىن 30% كوبەيتۋگە تىرىسىڭىزدار» دەپ ايتامىن. مۇنىمەن ٴوزىم اينالىسامىن. ال ادىستەمەشىلەرگە قاتىستى بۇل ماسەلەنى جايلاپ شەشەتىن بولامىز»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي