مۇعالىمدەر مينيسترلىك بەكىتكەن 5 قۇجاتتان باسقا قۇجات تولتىرسا، شاعىمدانسىن - بعم - ٴبىلىم & عىلىم|22 تامىز 2018، 19:56
كۋرسى ۆاليۋت وبنوۆليايۋتسيا
استانا:

مۇعالىمدەر مينيسترلىك بەكىتكەن 5 قۇجاتتان باسقا قۇجات تولتىرسا، شاعىمدانسىن - بعم

بۇل تۋرالى ۇكىمەتتىڭ ٴباسپاسوز ورتالىعىندا وتكەن ٴباسپاسوز كونفەرەنسياسىندا ٴبىلىم جانە عىلىم ۆيسە-مينيسترى اسحات ايماعامبەتوۆ مالىمدەدى، دەپ حابارلايدى baq.kz اقپارات اگەنتتىگى.

ەسكە سالا كەتەيىك، بۇگىن قر ۇكىمەتىنىڭ وتىرىسىندا ٴبىلىم جانە عىلىم ٴمينيسترى ەرلان ساعاديەۆ قىركۇيەك ايىنان باستاپ جاڭارتىلعان ٴبىلىم بەرۋ مازمۇنىنا كوشەتىن 3، 6، 8 سىنىپتارعا وقۋلىقتار ساتىپ الۋ ٴۇشىن 28،6 ملرد تگ بولىنگەنىن ايتتى. مينيسترلىك وقۋلىقتاردىڭ جەتكىزىلۋىنە كۇن سايىن مونيتورينگ جۇرگىزۋدە.

ٴوز كەزەگىندە ۆيسە-مينيستر اسحات ايماعامبەتوۆ باق وكىلدەرىنىڭ سۇراقتارىنا جاۋاپ بەرە وتىرىپ، ەلىمىزدە بۇگىندە وقۋلىقتاردى جەتكىزۋ بويىنشا بەلسەندى ناۋقان جۇرگىزىلىپ جاتقانىن ايتتى. جالپى، جاڭا وقۋ جىلىنا دايىندىق كەزىندەگى ەڭ باستى ماسەلەلەردىڭ ٴبىرى — مەكتەپتەردى قاجەتتى ماتەريالدارمەن قامتاماسىز ەتۋ. وقۋلىقتاردى جەتكىزۋ قارقىنى جامان ەمەس. بۇگىنگى كۇنى وقۋلىقتاردىڭ 91% جەتكىزىلگەن. وسى اپتانىڭ سوڭىنا دەيىن بۇل كورسەتكىشتى 100%-عا جەتكىزۋ كوزدەلگەن.

سونداي-اق، ا. ايماعامبەتوۆ استانادا وقۋلىقتاردى ۋاقىتىلى جەتكىزبەۋ ماسەلەسى شەشىلگەنىن ايتتى. ٴبىر اپتا ىشىندە مۇندا وقۋلىقتاردىڭ 50% جەتكىزىلدى. وسى اپتانىڭ سوڭىنا دەيىن قالعان بولىگىن جەتكىزۋ جوسپارلانعان.

بۇدان وزگە، ٴبىلىم جانە عىلىم مينيسترلىگىندە مۇعالىمدەر تولتىرۋى ٴتيىستى بەس قۇجات انىقتالعان.

«بيىل مينيسترلىكتە مۇعالىمدەر تولتىرۋى ٴتيىستى تەك بەس قۇجات انىقتالعان بۇيرىق قابىلداندى. بۇل: كۇنتىزبەلىك-تاقىرىپتىق جوسپار، ٴار ساباقتىڭ جوسپارى، كريتەرييلىك باعالاۋ، كۇندەلىك جانە سىنىپ جۋرنالى»، — دەدى ا. ايماعامبەتوۆ.

سونىمەن قاتار، ۆيسە-مينيستر باسقا قۇجاتتاردى تولتىرۋعا قاتاڭ تىيىم سالىنعانىن جانە قر بعم بۇنى قاداعالايتىنىن اتاپ ٴوتتى.

«ەگەر مەكتەپ ديرەكتورى، ٴبىلىم بەرۋ باسقارماسى باسقا قۇجاتتاردى تولتىرۋدى تالاپ ەتسە، ٴبىلىم جانە عىلىم مينيسترلىگىنىڭ باقىلاۋ دەپارتامەنتىنە جۇگىنۋگە بولادى. ٴبىز شارا قابىلدايمىز»، — دەدى ا. ايماعامبەتوۆ.

ەستەرىڭىزدە بولسا، ۆيسە-مينيستر بيىل جىل سوڭىنا دەيىن 72 جاڭا مەكتەپتىڭ پايدالانۋعا بەرىلەتىنى تۋرالى ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي