BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«مۇعالىمدەر قينالىپ ٴجۇر». ٴبىلىم ٴمينيسترىنىڭ اسەت يسەكەشەۆكە ايتارى بار

فوتو: ашық дереккөзден

ٴبىلىم جانە عىلىم ٴمينيسترى ەرلان ساعاديەۆ استانا قالاسىنىڭ اكىمى اسەت يسەكەشەۆپەن بىرلەسىپ، مۇعالىمدەردىڭ باسپانا ماسەلەسىن شەشپەك، دەپ حابارلايدى baq.kz ٴتىلشىسى.

بۇگىن قر ٴبىلىم جانە عىلىم ٴمينيسترى ەرلان ساعاديەۆ «نۇر وتان» پارتياسىنىڭ رەسپۋبليكالىق قوعامدىق قابىلداۋ بولمەسىندە ازاماتتاردى قابىلدادى. قابىلداۋعا استانا قالاسىنداعى №71 ورتا مەكتەپتىڭ ۇستازدارى گۇلشات سوۆەتوۆا مەن ساۋلە سايتيەۆا كەلدى. ولار مينيسترگە پاتەر جالداپ، قينالىپ جۇرگەنىن ايتا كەلە، ەلوردالىق ۇستازدار ٴۇشىن باسپانا ماسەلەسى قاشان شەشىلەتىنىن سۇرادى.

«تۇرعىن ٴۇي ماسەلەسىنە توقتالايىن. قاتەلەسپەسەم، الماتىدا ۆەدومستۆو قىزمەتكەرلەرىن تۇرعىن ۇيمەن قامتاماسىز ەتۋگە ارنالعان باعدارلاما بار. ٴبىراق نەگە ٴبىزدىڭ قالادا وسىنداي باعدارلاما جوق؟ استاناعا مۇعالىمدەر كەرەك قوي. مەن اي سايىن پاتەرگە 100 مىڭ تەڭگە تولەيمىن. بۇل ماعان وتە اۋىر ٴتيىپ ٴجۇر»، - دەدى مۇعالىمدەردىڭ ٴبىرى.

وسى ورايدا ەرلان ساعاديەۆ بۇل ماسەلە بويىنشا استانا قالاسىنىڭ اكىمىمەن الداعى ۋاقىتتا سويلەسەتىنىن حابارلادى.

«ٴسىز كوتەرىپ وتىرعان ماسەلە وتە ورىندى. بۇل ماسەلەنى اسەت ورەنتاي ۇلىنا ايتامىن. قازىرگى تاڭدا ول «پرەزيدەنتتىڭ 5 الەۋمەتتىك باستاماسى» اياسىندا ستۋدەنتتەردى قوناق ۇيگە ورنالاستىرۋ باستاماسىن كوتەردى. ەگەر وسى جەردە ۇستازدار تۇراتىن بولسا، جاقسى بولار ەدى. الايدا بۇل ماسەلەنى ٴبىز الداعى ۋاقىتتا كوتەرەمىز»، - دەدى ول.

ازاماتتاردى قابىلداپ بولعان سوڭ، ەرلان ساعاديەۆ استانالىق ۇستازداردى باسپانامەن قامتاماسىز ەتۋ ماسەلەسىنە قاتىستى جۋرناليستەرگە تۇسىنىكتەمە بەردى.

«استانا دامىپ جاتىر. شاھارعا جىل سايىن 10-12 مىڭ بالا وقۋعا كەلەدى. سوندىقتان مۇعالىمدەر قاجەت. بيىلدىڭ وزىندە قالادا 11 جاڭا مەكتەپ سالىنادى. ۇستازدار استاناعا شەت-شەتتەن كەلىپ جاتىر. ولاردىڭ جاعدايىن ويلاپ، كومەكتەسۋ كەرەك. اسىرەسە، استانا، الماتى، شىمكەنت قالالارىندا مۇعالىمدەر باسپانا قيىنشىلىعىن كورىپ ٴجۇر. ولارعا كومەكتەسۋ قاجەت. ٴبىراق ٴتيىستى قاراجات اكىمشىلىك تاراپىنان ٴبولىنۋى كەرەك. بۇل ماسەلە الداعى ۋاقىتتا تالقىعا سالىنادى»، - دەپ تۇيىندەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي