2688 
0
قر قورعانىس مينيسترلىگىنىڭ كادەت كورپۋسى كاسىبي سەرجانتتار كورپۋسىنىڭ قاتارىنا كانديداتتاردى ىرىكتەۋدى باستاعاندىعى تۋرالى مالىمدەدى، دەپ حابارلايدى baq.kz اقپارات اگەنتتىگى.
14869
0 
استانا: 
قر قورعانىس مينيسترلىگىنىڭ كادەت كورپۋسى كاسىبي سەرجانتتار كورپۋسىنىڭ قاتارىنا كانديداتتاردى ىرىكتەۋدى باستاعاندىعى تۋرالى مالىمدەدى، دەپ حابارلايدى baq.kz اقپارات اگەنتتىگى.
"بيىلعى جىلى وقۋ ورنى موتواتقىش اسكەرلەرى ماماندىعى بويىنشا وقىتۋ ٴۇشىن كادەتتەردى قابىلداۋعا دايىن. كادەت كورپۋسىنا وقۋعا تۇسۋگە نيەت بىلدىرگەندەر تۇرعىلىقتى جەرى بويىنشا جەرگىلىكتى اسكەري باسقارۋ ورگاندارىندا مەديسينالىق كۋالاندىرۋدان وتەدى. ٴارى قارايعى كەزەڭدەردى تىكەلەي كادەت كورپۋسىندا وتەدى" - دەلىنگەن مينيسترلىكتىڭ حابارلاماسىندا.
اتاپ ايتقاندا، ول تۇبەگەيلى مەديسينالىق كۋالاندىرۋ جانە كاسىبي پسيحولوگيالىق ىرىكتەۋ، دەنە دايىندىعىن تەكسەرۋ، كونكۋرستىق ىرىكتەۋ. قابىلداۋدىڭ ٴار كەزەڭىنەن وتۋگە ٴبىر-اق رەت رۇقسات بەرىلەدى. العاشقى كەزەڭنەن وتپەگەن ۇمىتكەر كەلەسى كەزەڭگە جىبەرىلمەيدى. ىرىكتەۋدىڭ بارلىق كەزەڭدەرى 2018 جىلعى تامىزدىڭ ٴ1-ى مەن 20-ى ارالىعىندا وتكىزىلەدى.
قابىلداۋ كەزەڭىندە وقۋعا تۇسۋشىلەر كورپۋستىڭ اۋماعىندا ورنالاستىرىلادى جانە تاماقپەن قامتاماسىز ەتىلەدى. كادەت كورپۋسىنا 17 جاستان اسقان جانە 25-تەن اسپاعان ازاماتتار قابىلدانادى. اتتەستاتتىڭ ورتاشا ۇپايى 3،5 كەم ەمەس نەمەس gpa 2-دەن كەم ەمەس بولۋى ٴتيىس. ۇبت سەرتيفيكاتى جانە كەشەندى تەستىلەۋ (كت) ناتيجەلەرى قاجەت ەتىلمەيدى.
وقىتۋدىڭ جالپى مەرزىمى 1 جىل 10 ايدى قۇرايدى. كادەت كورپۋسىن اياقتاعان سوڭ كادەتتەرمەن ونىڭ ىشىندە، شەتەل اسكەري وقۋ ورىندارىندا بىلىكتىلىكتى مىندەتتى تۇردە ارتتىرا وتىرىپ، كەلەشەكتە ٴارى قاراي مانساپتىق وسۋمەن 10 جىل مەرزىمىنە قارۋلى كۇشتەردىڭ سەرجانتتار قۇرامىنىڭ لاۋازىمدارىندا اسكەري قىزمەت اتقارۋ تۋرالى كەلىسىمشارت جاسالادى.
كەپىلدى الەۋمەتتىك پاكەت، ونىڭ ىشىندە، بولىمشە كومانديرىنەن قارۋلى كۇشتەردىڭ باس سەرجانتىنا دەيىن مانساپتىق ٴوسۋ مۇمكىندىگى، قىزمەتتىك باسپانامەن قامتاماسىز ەتىلۋ نەمەسە تۇرعىن ٴۇي تولەمدەرى، تەگىن مەديسينالىق قىزمەت، ونىڭ ىشىندە، وتباسى مۇشەلەرىنە دە، بالالاردى مەكتەپكە دەيىنگى مەكەمەلەردە كەزەكتەن تىس ورىندارمەن قامتاماسىز ەتۋ جانە ت.ب. قاراستىرىلعان.
كادەت كورپۋسىنىڭ تۇلەكتەرىنە تەحنيكالىق كاسىبي ٴبىلىم تۋرالى مەملەكەتتىك ۇلگىدەگى ديپلوم، «ۆ»، «س» ساناتىنداعى جۇرگىزۋشى كۋالىگى بەرىلەدى جانە 3-سىنىپتى «ٴجاجم مەحانيك-جۇرگىزۋشىسى» بىلىكتىلىگى بەرىلەدى.
تولىق اقپارات الۋ ٴۇشىن قورعانىس ىستەرى جونىندەگى دەپارتامەنتكە حابارلاسۋعا نەمەسە 8 (71636) 4-15-20 تەلەفونىنا قوڭىراۋ شالۋعا بولادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
