BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوپبالالى وتباسىنان شىققان قىزىلوردالىق بالالار ٴبىلىم گرانتتارىنا يە بولۋدا

قىزىلوردا، baq.kz ٴتىلشىسى. قىزىلوردا وبىلسىندا جىل سايىن كوپبالالى وتباسىلاردان شىققان تالاپتى اۋىل جاستارى ٴۇشىن وبلىس اكىمىنىڭ ٴبىلىم بەرۋ گرانتتارى ٴبولىنىپ كەلەدى. بيىل ٴبىلىم گرانتتارىنىڭ سانى ەكى ەسەگە كوبەيىپ، 200-گە جەتىپ وتىر.

قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى التىنگۇل ەسقارايەۆانىڭ مالىمەتىنشە، ٴبىلىم گرانتتارى وبلىس اكىمىنىڭ باستاماسىمەن 2013 جىلدان بەرى بەرىلىپ كەلەدى. وسىنىڭ نەگىزىندە ايماقتىڭ الەۋمەتتىك-ەكونوميكالىق دامۋىنا قاجەتتى ماماندار دايىندالادى.

«وبلىس اكىمىنىڭ گرانتى – جەرگىلىكتى بيۋدجەت قاراجاتى ەسەبىنەن الەۋمەتتىك تۇرعىدان حالىقتىڭ وسال توپتارىنان، اتاپ ايتساق، جەتىم بالالار، مۇگەدەك بالالار، اتا-اناسىنىڭ قامقورلىعىنسىز قالعان، اتا-اناسىنىڭ ەكەۋى دە زەينەتكەر بولىپ تابىلاتىن، اتا-اناسىنىڭ بىرەۋى نەمەسە ەكەۋى دە مۇگەدەك، كوپ بالالى، از قامتىلعان، اسىراۋشىسىنان ايىرىلعان وتباسىلاردان شىققان ستۋدەنتتەرگە بەرىلەدى. ياعني جىلىنا ٴبىر رەت وقۋ ورنىنىڭ ٴبىلىم بەرۋ قىزمەتىنىڭ قۇنى شەگىندەگى تولەمدەردى جانە ٴىشىنارا تاماقتانۋ مەن تۇرۋ شىعىندارى وتەلەدى. وبلىس اكىمىنىڭ گرانتىن تاعايىنداۋ اۋداندار مەن قىزىلوردا قالاسى اكىمدىكتەرى جانىنان قۇرىلعان ستۋدەنتتەردى ىرىكتەۋ جونىندەگى ارنايى كوميسسيانىڭ شەشىمىمەن تاعايىندالادى»، – دەيدى التىنگۇل يتەنقىزى.

2013-2018 جىلدار ارالىعىندا وسى كوميسسيالاردىڭ شەشىمدەرىمەن وڭىرگە قاجەتتى ماماندىقتار بويىنشا حالىقتىڭ ٴالجۋاز، از قامتىلعان وتباسىلارىنان بارلىعى 878 ستۋدەنتكە وبلىس اكىمىنىڭ گرانتى بەرىلگەن. ناقتىراق ايتساق، 2013 جىلى – 123 (باكالاۆر)، 2014 جىلى - 242 (234 باكالاۆر، 8 ماگيستر)، 2016 جىلى – 147 (136 باكالاۆر، 11 رەزيدەنت)، 2017 جىلى -166 (155 باكالاۆر، 11 رەزيدەنت) ٴبىلىم گرانتى تاعايىندالعان.

التىنگۇل ەسقارايەۆانىڭ ايتۋىنشا، بيىلعى جىلى ٴبىلىم گرانتتارىنىڭ سانى 200-گە جەتتى. ولاردىڭ ٴ3-ۋى تۇلدىر جەتىم بولسا، ٴ47-سى اسىراۋشىسىنان ايىرىلعان، 76 ستۋدەنت كوپبالالى وتباسىنان شىققان. 14 تالاپتى جاستىڭ اتا-اناسىنىڭ بىرەۋى مۇگەدەك، ەكەۋىنىڭ اتا-اناسى زەينەتكەر، ٴ58-ى تۇرمىسى تومەن وتباسىنان شىققان بالالار.

قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ دەرەگىنە سۇيەنسەك، تەحنيكالىق عىلىمدار مەن تەحنولوگيا سالاسى بويىنشا - 20 گرانت، اسكەري ٴىس جانە قاۋىپسىزدىك سالاسى بويىنشا – 11 گرانت، ٴبىلىم سالاسى بويىنشا – 117 گرانت، قىزمەت كورسەتۋ سالاسى بويىنشا – 3 گرانت، ونەر سالاسى بويىنشا – 4 گرانت، سپورت سالاسى بويىنشا – 12 گرانت، الەۋمەتتىك عىلىمدار، ەكونوميكا جانە بيزنەس سالاسى بويىنشا – 2 گرانت، گۋمانيتارلىق عىلىمدار بويىنشا – 1 گرانت، مەديسينا سالاسى بويىنشا جالپى مەديسيناعا – 30 گرانت بولىنگەن.

«وسى گرانتتارعا يە بولعان ستۋدەنتتەر ٴۇش جوعارى وقۋ ورنىنا ٴتۇستى. قورقىت اتا اتىنداعى قىزىلوردا مەملەكەتتىك ۋنيۆەرسيتەتىنە – 95، «بولاشاق» ۋنيۆەرسيتەتىنە – 75، م.وسپانوۆ اتىنداعى باتىس قازاقستان مەملەكەتتىك مەديسينا ۋنيۆەرسيتەتىنە – 30 ستۋدەنت وبلىس اكىمىنىڭ گرانتىمەن ٴبىلىم الۋدا»، – دەيدى التىنگۇل يتەنقىزى.

قازىرگى تاڭدا، ياعني 2016-2018 جىلدارى 342 ستۋدەنت جوعارى وقۋ ورىندارىن ٴبىتىرىپ، ماماندىقتارىن العان.

وبلىس اكىمىنىڭ گرانتىن يەلەنگەن ستۋدەنتتەردىڭ ٴبىرى - مەرەي ماتۋللا ۇلى. قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە فيزيكا ماماندىعى بويىنشا وقىپ جاتىر.

"مەن كوپبالالى وتباسىنان شىققانمىن. التى اعايىندىمىز. مەن ٴۇيدىڭ كەنجەسىمىن. انام دۇنيە سالعان. وبلىس اكىمىنىڭ گرانتى - مەندەي جاستارعا ٴۇمىت سىيلادى. بيىل ەكىنشى كۋرستامىن"، - دەيدى مەرەي.

ايتا كەتەيىك، 2014 جىلدان باستاپ ماسكەۋ مەن سانكت-پەتەربۋرگتىڭ وزىق وقۋ ورىندارىندا 452 قىزىلوردالىق ستۋدەنت رەسەي فەدەراسياسى ۇكىمەتىنىڭ گرانتى ەسەبىنەن ٴبىلىم الۋدا. وسى جىلى العاشقى 74 تۇلەك وقۋىن ٴتامامدادى، ولاردىڭ ٴ43-ى ماگيستراتۋرادا وقۋلارىن جالعاستىرادى، قالعاندارى وبلىستىڭ ٴىرى كاسىپورىندارىنا - «سكز-ۋ» جشس، «قىزىلوردا جارىعى» جشس، «انسار سەرۆيس» جشس، «تەپلوتەحنيك» جشس، مامانداندىرىلعان مەملەكەتتىك مەكەمەلەرگە - يندۋستريالدى-يننوۆاسيالىق دامۋ، ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارمالارى مەن جاستار رەسۋرستىق ورتالىعىنا جانە ت.ب. جۇمىسقا ورنالاستىرىلدى. ال كەلەسى جىلى تاعى 150 تۇلەك وقۋىن بىتىرەدى دەپ كۇتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي