BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوكشەتاۋلىق ستۋدەنتتەر پرەزيدەنت شاكىرتاقىسىنىڭ يەگەرى اتاندى

فوتو: Автор

كوكشەتاۋ، baq.kz ٴتىلشىسى. كوكشەتاۋ جوعارى مەديسينالىق كوللەدجىنىڭ 3 كۋرس ستۋدەنتتەرى نارعىز شاكەەۆا مەن دينا ورازوۆا قازاقستان رەسپۋبليكاسىنىڭ تۇڭعىش پرەزيدەنتى اتىنداعى شاكىرتاقى يەگەرى اتاندى.

ستۋدەنتتەردى ىنتالاندىرۋ ٴۇشىن تاعايىندالعان پرەزيدەنت شاكىرتاقىسىنىڭ يەگەرى اتانۋ ٴۇشىن وقۋدا جاقسى كورسەتكىشتەرگە قول جەتكىزىپ قانا قويماي، وقۋ ورنىنىڭ عىلىمي-زەرتتەۋ، شىعارماشىلىق، قوعامدىق جۇمىستارىنا قاتىسىپ، بەلسەندىلىك تانىتۋ قاجەت. وسى ورايدا ۇمىتكەرلەر جەتىستىكتەرىن سەرتيفيكات، گراموتا، بايانداما، ماقالالار ارقىلى دالەلدەۋى ٴتيىس.

مەدكوللەدج ديرەكتورى تامارا دياكونوۆانىڭ ايتۋىنشا، وقۋ ورنىندا تۇڭعىش پرەزيدەنت اتىنداعى شاكىرتاقى ٴال-اۋقاتى تومەن وتباسىلاردان شىققان ستۋدەنتتەردى، ورالماندار، وقۋ وزاتتارىن قولداۋ ٴۇشىن ٴبىر سەمەسترگە بولىنەدى. ستيپەندياعا ۇمىتكەرلەر ستۋدەنتتەر جينالىسىندا انىقتالادى. كەيىن ٴوتىنىش كوللەدجدىڭ اكىمشىلىك كەڭەسىنە جىبەرىلەدى.

«ستيپەنديا كوللەدجدىڭ قوعامدىق ومىرىنە بەلسەنە ارالاسىپ، سالاۋاتتى ٴومىر سالتىن ناسيحاتتاعان، ٴتارتىبى جاقسى، وقۋ ورنىنىڭ تالاپتارىن ساقتاعاندارعا بەرىلەدى. 2010 جىلى پەداگوگيكالىق كەڭەستە اتاۋلى شاكىرتاقىنى ەكى ستۋدەنتكە تاعايىنداۋ تۋرالى ەرەجە بەكىتىلدى. شاكىرتاقى وقۋ ورنىنىڭ جەكە قاراجاتىنان تولەنەدى. وقۋ ورنىندا دەنساۋلىق ساقتاۋ قىزمەتكەرلەرى كاسىپوداعىنىڭ اتاۋلى رەسپۋبليكالىق ستيپەندياسى بار. بيىل «مەدبيكەلىك ٴىس» ماماندىعىنا وقىپ جاتقان ايسۇلۋ سەيتەكوۆا ەسىمدى ستۋدەنتىمىز اتالعان شاكىرتاقىنىڭ يەگەرى اتاندى. نيكولاي گريسايەۆ، رومان ساۆينوۆ، ايدا بايزۋلدا، ايدانا ابۋشاحمانوۆا، نازگۇل تولىباي سياقتى ستۋدەنتتەر كاكىم جۇمانوۆ اتىنداعى دەنساۋلىق ساقتاۋ قىزمەتكەرلەرى كاسىپوداعىنىڭ شاكىرتاقىسىنا يە بولعان. «قايىرىمدىلىق» ۆولونتەرلىك قوزعالىسىنا قاتىسقانى ٴۇشىن م.سميرنوۆا اتىنداعى شاكىرتاقى مادينا بۋكۆاسوۆا مەن ريزاگۇل جويامەرگەنوۆاعا بەرىلدى»، - دەيدى تامارا دياكونوۆا.

پرەزيدەنت شاكىرتاقىسىنىڭ يەگەرى نارعىز شاكەەۆا – بولاشاق اكۋشەر. مەكتەپكە بيولوگيا ٴپانىن ٴسۇيىپ وقىعان ول دارىگەر بولۋدى بالا جاسىنان ارمانداعان.

«اكۋشەر ماماندىعىن جايدان-جاي تاڭداعان جوقپىن. بالالاردى جاقسى كورەمىن. نارەستەنىڭ ومىرگە كەلۋىنە كومەكتەسۋ – جاۋاپتى، يگى ٴىس. ماقساتىم – ٴوز ماماندىعىمنىڭ قىر-سىرىن مەڭگەرۋ. پرەزيدەن شاكىرتاقىسىنىڭ يەگەرى اتانعانىمدى ماقتان تۇتامىن. مەن ٴۇشىن بۇل زور قۋانىش. الدا دا جاقسى وقىپ، بەلسەندى بولۋعا جىگەر بەرەدى. ارينە، وسىنداي جەتىستىككە جەتۋىمە ۇلەس قوسقان ۇستازدارىما العىسىم شەكسىز»، - دەيدى نارعىز شاكەەۆا.

ال وسى وقۋ ورنىنىڭ 3 كۋرس ستۋدەنتى دينا ورازوۆانىڭ زەردەلى، زەرەك جاستارعا قولداۋ تانىتقان كوللەدج ۇجىمىنا العىسى شەكسىز.

«بىزگە تاجىريبەلى دە بىلىكتى ماماندار ساباق بەرەدى. مۇندا ساباق وقۋمەن قاتار، تالانتىڭدى ۇشتاۋعا دا مۇمكىندىك مول. ۇلتتىق رەيتينگ بويىنشا ٴبىزدىڭ كوللەدج ۇزدىك وقۋ ورىندارىنىڭ ۇشتىگىندە. جالپى، جاستاردى قولداۋ بەلسەندى بولۋعا، جەكە تۇلعا رەتىندە قالىپتاسۋعا جول اشادى»، - دەيدى دينا ورازوۆا.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي