BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوكشەتاۋدا 900 ورىندىق  جاڭا قازاق مەكتەبى پايدالانۋعا بەرىلدى

ٴبىلىم كۇنى كوكشەتاۋداعى «سارىارقا» مولتەك اۋدانىندا 900 ورىندىق جاڭا قازاق ٴىت مەكتەپ-ليسەيى ەسىگىن اشتى. بۇل سوڭعى 27 جىل ىشىندە وبلىس ورتالىعىندا بوي كوتەرگەن مەملەكەتتىك تىلدەگى تۇڭعىش ٴبىلىم ورداسى، دەپ حابارلايدى baq.kz ايماقتاعى ٴتىلشىسى.

بۇگىندە وبلىس بويىنشا 120 مىڭنان استام وقۋشى بار. ال، جاڭا وقۋ جىلىندا تاعى 14 مىڭعا جۋىق ٴبۇلدىرشىن مەكتەپ تابالدىرىعىن اتتاپ وتىر.

وبىس اكىمى مالىك مىرزالين ٴوز سوزىندە وڭىردە اقپاراتتىق-تەحنولوگيالىق ورتانى قالىپتاستىرۋ بويىنشا جۇمىس بارىنشا قارقىندى جۇرگىزىلىپ جاتقانىن اتاپ ٴوتتى.

«بيىل وقۋلىقتار ساتىپ الۋ ماقساتىندا جەرگىلىكتى بيۋدجەتتەن 1 ميلليارد 300 ميلليون تەڭگە قارجى ٴبولىنىپ، يگەرىلدى. قالا جانە اۋىل اراسىنداعى ٴبىلىم بەرۋدىڭ ساپاسىنداعى الشاقتىقتى قىسقارتۋ ٴۇشىن بەلسەندى تۇردە ٴىت تەحنولوگيالارى ەنگىزىلۋدە. وتكەن وقۋ جىلىندا بارلىق مەكتەپتەر «bilimland» يننوۆاسيالىق ٴبىلىم بەرۋ پلاتفورماسىنا قوسىلدى. وسى ورايدا، پەداگوگتاردىڭ بىلىكتىلىگىن ارتتىرۋعا اسا ٴمان بەرۋ كەرەك. كۆەست-تەستىلەۋگە قاتىساتىن مۇعالىمدەردىڭ قاتارىن كوبەيتۋ قاجەت»،-دەدى وبلىس باسشىسى مالىك مىرزالين.

بيىلعى جىلدىڭ 1 قىركۇيەگىنەن باستاپ ٴبىلىم بەرۋ جۇيەسىندە بالالارعا ارنالعان 28 ٴىت سىنىپتارى جۇمىس ىستەيتىن بولادى.

«بۇل جەردە بالالار باعدارلاۋ، قاراپايىم الگوريتمدەر، web-سايتتار، ەۋروپا ٴبىلىم بەرۋ ستاندارتتارى بويىنشا انيماسيالىق قۇرۋ داعدىلارىنا ۇيرەنەتىن بولادى. وقىتۋ 8 جاستان 12 جاسقا دەيىنگى 1500 وقۋشىنى قامتيدى، ونىڭ ىشىندە 700-دەن استام اۋىل بالاسى بار. اعىمداعى جىلى ٴبىلىم بەرۋ ۇيىمدارىندا روبوتوتەحنيكا ەلەمەنتتەرىمەن 124 كابينەت جابدىقتالىپ، جۇمىس ىستەيتىن بولادى. سونىمەن قاتار، وبلىس مەكتەپتەرىنە بالالاردىڭ تەحنيكالىق ساۋاتتىلىعىن دامىتۋعا ىقپال ەتەتىن ماتەماتيكا، ينفورماتيكا، تەحنولوگيا، ينجەنەريا نەگىزدەرىن، ينتەگرالدى «روبوتوتەحنيكا» كۋرسىن ەنگىزۋ بويىنشا جۇمىستار جۇرگىزىلۋدە»، - دەيدى اقمولا وبلىستىق ٴبىلىم باسقارماسىنىڭ جەتەكشىسى تالعات ٴجۇنىسوۆ.

وبلىستىڭ ٴار وڭىرىندەگى 23 مەكتەپ پيلوتتىق جوبا اياسىندا ٴۇش تىلدە ٴبىلىم بەرۋگە كوشە باستادى. وڭىردەگى 23 مەكتەپتە جاراتىلىستانۋ باعىتىنداعى پاندەر اعىلشىن تىلىندە وقىتىلۋدا. اتاپ ايتقاندا، بيولوگيا، ينفورماتيكا، حيميا پاندەرى بار. بيىل 3، 6، 8 سىنىپ وقۋشىلارى جاڭارتىلعان مازمۇن بويىنشا ٴبىلىم الادى.

«40 پەداگوگ ارنايى كۋرستاردان ٴوتىپ، ولاردىڭ جەتەۋى وڭتۇستىك كورەيا ەلىنىڭ سەۋل مەن قىتايدىڭ گونكونگ قالالارىندا بىلىمدەرىن جەتىلدىرىپ، تاجىريبە جيناقتاپ كەلدى. اعىلشىن تىلىندە فيزيكا ٴپانى 22، حيميا ٴپانى 25، ال، ينفورماتيكا ٴپانى 31 سىنىپتا وتكىزىلسە، بيولوگيانى شەت تىلىندە وقىتقان 36 سىنىپ بار. پيلوتتىق جوبا اياسىندا بارلىعى 2218 وقۋشى قامتىلىپ، ولارعا 192 پەداگوگ ساباق بەردى»،-دەيدى تالعات ٴجۇنىسوۆ.

ٴۇش اۋىسىمدا وقىتىلاتىن مەكتەپتەر مەن اپاتتى جاعدايداعى ٴبىلىم مەكەمەلەرىنىڭ وزەكتى ماسەلەلەرى دە باستى نازاردا. وتكەن جىلى اپاتتى جاعدايداعى مەكتەپ بولىپ سانالعان بۇلاندى اۋدانىنىڭ التىندى ورتا مەكتەبى بيىل قالپىنا كەلتىرىلىپ، جاڭا وقۋ جىلىندا پايدالانۋعا بەرىلدى.

وبلىستا 12 مەكتەپ ٴۇش اۋىسىمدا وقيدى. ٴتۇيىندى ماسەلەنىڭ شەشىمىن تابۋ ماقساتىندا جاڭا وقۋ جىلىندا وڭىردە 4 جاڭا مەكتەپ پەن 420 ورىنعا لايىقتالىپ سالىنعان قوسىمشا وقۋ كورپۋسى پايدالانۋعا بەرىلدى.

فوتو: الەۋمەتتىك جەلىدەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي