قىزىلورداداعى قىرىققا جۋىق ۇستاز شىققان اۋلەت - ٴبىلىم & عىلىم|02 قاراشا 2018، 12:56
كۋرسى ۆاليۋت وبنوۆليايۋتسيا
استانا:

قىزىلورداداعى قىرىققا جۋىق ۇستاز شىققان اۋلەت

فوتو: Автор

قىزىلوردا، baq.kz ٴتىلشىسى. قىزىلوردا وبلىسىندا ەڭبەك ٴوتىلى بەس عاسىرعا جەتىپ جىعىلاتىن ۇستازدار اۋلەتى تۇرالى. ۇلاعاتتى ۇستازداردان قۇرالعان ونەگەلى وتباسىنىڭ قىرىققا جۋىق مۇشەسى وسى سالانىڭ مامانى. جۋىردا استانا قالاسىندا وتكەن «ەڭبەك جولى» رەسپۋبليكالىق بايقاۋىندا سىر ٴوڭىرىنىڭ نامىسىن قورعاپ، لاۋرەات اتاندى.

يبراي اقساقالدان تاراعان ۇرپاقتار ەل ابىرويىنا بولەنىپ، ۇستازدىق جولدى جالعاپ كەلەدى. اسىرەسە، سوڭعى جىلدارى اۋلەتكە كەلگەن كەلىندەردىڭ دە ماماندىعى ۇستازدىق.

قارماقشى اۋدانىندا تۇراتىن №99 مەكتەپتىڭ باستاۋىش سىنىپ ٴمۇعالىمى رايلا ەدىگەەۆانىڭ ايتۋىنشا، ۇستازدار اۋلەتىنىڭ كەلىنى بولعانىن ماقتان تۇتادى. بۇگىندە ول وبلىستاعى تاجىريبەلى ٴارى وزات مۇعالىمدەردىڭ ٴبىرى. مەكتەپ ديرەكتورىنىڭ تاربيە ٴىسى جونىندەگى ورىنباسارى، باستاۋىش وقۋ ٴىسىنىڭ ورىنباسارى قىزمەتتەرىن اتقاردى.

«يبرايەۆتار اۋلەتىنە كەلىن بولىپ تۇسكەنىمدە اۋلەتتە جەتى ۇستاز ۇستاز بار ەكەن. مەن سەگىزىنشى بولدىم. ۇستازدىق جول – دانالىق جولى. 35 جىلدان بەرى حالىقتىڭ بالاسىنا وسى دانالىق جولدى ىزدەپ تابۋىنا جول اشىپ كەلەمىن. ەڭبەك جولىمدى ارال اۋدانىنان باستاعانمىن. «ەل تىرەگى قازاقى قالپىڭ باردا، قازاقتىڭ ٴاربىر ٴۇيى التىن وردا» دەمەكشى، مەن سول ورداداعى ابىرويلى قىزمەتتى – ۇستازدار اۋلەتىن جالعاستىرۋشى بولدىم. ٴوزىم كەلىن بولىپ تۇسكەن يبرايەۆتار اۋلەتىندە بۇگىنگى تاڭدا وتىزدان اسا ۇستاز بار. اۋلەتتەگى ۇستازدىق جولدى باستاعان ۇلكەن اتامىز يبرايەۆ اسان اتا بولاتىن. ول كىسى سوعىس جانە ەڭبەك ارداگەرى. سانالى عۇمىرىن ارال اۋدانىنا قاراستى شيجاعا، سازدى ەلدى مەكەندەرىندە سوناۋ 60 جىلدارداعى اۋىل بالالارىنىڭ كوزىن اشقان العاشقى ۇستازداردىڭ ٴبىرى بولدى. اسان اتامىز ۇستازدىقپەن قاتار اۋىلداعى مەكتەپتە ديرەكتور قىزمەتىن دە قوسا اتقاردى. كەيىن سول ٴىزدى يبرايەۆ ٴومىرزاق اتامىز جالعاستىرىپ، ەڭبەك دەمالىسىنا دەيىن ارالداعى №57 ورتا مەكتەپتە مەكتەپ ديرەكتورىنىڭ وقۋ ٴىسى جونىندەگى ورىنباسارى قىزمەتىن ابىرويلى اتقارعان ادام. بەس اتادان تاراعان شاڭىراقتىڭ بارلىعىندا جەتى-سەگىزدەن ۇستاز شىققان»، – دەيدى رايلا ەدىگەەۆا.

يبرايەۆتار اۋلەتىنىڭ مۇشەلەرى رەسپۋبليكامىزدىڭ، سونىڭ ىشىندە سىر ٴوڭىرىنىڭ تۇكپىر-تۇكپىرىندە وسى سالانى يگەرىپ جاتىر. اتاپ ايتساق، اسان اتانىڭ قىزى باعداگۇل بەن جولداسى ساحاراپ جامبىل وبلىسىندا مەكتەپ باسشىلىعى قىزمەتىن اتقارىپتى. ٴومىرزاق اتانىڭ بالاسى مۇباراك تا اۋىل بالالارىنا ۇستازدىق ۇلى قىزمەتتى ارناعان اسىل ازامات. ارالداعى ە.كوشەربايەۆ اتىنداعى №57 مەكتەپتە قازىرگى تاڭدا ٴتورت ٴمۇعالىم جۇمىس ىستەيدى. سول اۋلەتتىڭ كەلىنى باعدات باقبەرگەنوۆا باستاۋىش سىنىپتارعا ساباق بەرىپ، ەڭبەك دەمالىسىنا شىقتى. ۇستازدار اۋلەتىنىڭ ٴبىر بولىگى – ارال اۋدانىنا قاراستى توقاباي ەلدى مەكەنىندەگى №248 مەكتەپ مۇعالىمدەرى. اۋلەتتىڭ بەتكە ۇستار ازاماتى ساعات يبرايەۆ 25 جىلىن دەنە تاربيەسىنەن ساباق بەرۋگە ارناعان ەكەن. جاۋاپكەرشىلىك جۇگىن ارقالاعان ازاماتتىڭ ٴىزىن وتباسىنداعى اسىلان جالعاستىرىپ جاتىر. سونىمەن قاتار، اتادان ميراس بولعان ابىرويلى جولدى اۋلەت قىزدارى گۇلزيرا، جادىرا، نۇرزات اقتوبە قالاسىندا، ايگۇل، اسەل قىزىلوردادا، ايزات ارالدا ەڭبەك ەتەدى. كيەلى قارماقشى اۋدانىندا №279 مەكتەپتە وكتيابر يبرايەۆ دەنە تاربيەسىنەن، ونىڭ جارى گۇلبانۋ اسىلبەكوۆا ٴوزىن-وزى تانۋ پانىنەن ساباق بەرەدى. بيىلعى وقۋ جىلىنىڭ وزىندە قانات، عانيبەك ەسىمدى جاستار دا ۇستازدىق جولعا ٴتۇستى. اۋلەت كەلىندەرى: باعدات، رايلا، گۇلايراش، ايگۇل، قىمبات، بايان، سامال، شىنار، جانەركە، جۇلدىزايلار دا شاكىرتتەرگە ٴبىلىم مەن تاربيە بەرۋدە.

«جىلدان-جىلعا ۇستازدار اۋلەتىن تولىقتىرۋشىلار قاتارى كوبەيىپ كەلەدى. بيىلعى جىلدىڭ وزىندە ٴومىرزاق اتانىڭ نەمەرەسى جانىبەك پەن گۇلزات ساعاتقىزى پەداگوگيكالىق ماماندىقتا وقىپ جاتىر. ٴبىر كەزدەرى بۇلار دا ٴبىزدىڭ ماقتانىشىمىز بولادى. بەس عاسىرعا جۋىق، ناقتىراق ايتساق، 495 جىلدىق ەڭبەك ٴوتىلى بار يبرايەۆتار اۋلەتى حالقىمىزدىڭ ماقتانىشى بولۋعا لايىق. ال تەك ٴبىر عانا شيجاعا مەكتەبىندە جۇمىس ىستەگەن اۋلەتتىڭ مۇشەلەرىنىڭ ەڭبەك ٴوتىلى 158 جىلعا تولادى. اتا-بابامىزدىڭ رۋحىن جاڭعىرتىپ، كەيىنگى ۇرپاققا جەتكىزۋ – مەنىڭ مىندەتىم»، – دەيدى رايلا ەدىگەەۆا.

ال شيجاعا ەلدى مەكەنىندەگى ەلەۋ كوشەربايەۆ اتىنداعى №57 مەكتەپتە ماتەماتيكادان ساباق بەرەتىن مەرەكە يبرايەۆا ٴبىلىم سالاسىندا جۇمىس ىستەگەنىنە التى جىلداي بولىپتى.

«مەن 1988 جىلى اسان اتانىڭ وتباسىندا دۇنيەگە كەلگەنمىن. ٴۇشىنشى نەمەرەسىمىن. جاستايىمنان اتامنىڭ وسيەتىن ەستىپ وستىك. سونىڭ اسەرى بولار، مۇعالىمدىككە بۇيرەگىم بۇرىلدى. ٴقازىر وقۋشىلاردى ۇلتتىق ٴبىرىڭعاي تەستىلەۋگە دايىنداپ ٴجۇرمىن. ۇستازدىق جولدا ٴجۇرىپ، سىي-قۇرمەتتى دە كورىپ، ماراپاتتى دا الىپ جاتىرمىن»، – دەگەن مەرەكە شاكىرتتەردى ٴبىلىم نارىمەن سۋسىنداتقان ۇستازدار اۋلەتىنىڭ مەرەيى ٴاردايىم تاسي بەرەتىنىن جەتكىزدى.

سونداي-اق، يبرايەۆتار ەلباسىنىڭ بيىلعى جولداۋىندا ايتىلعان مۇعالىمدەردىڭ مارتەبەسىن ارتتىرۋ تۋرالى تاپسىرمالارىن قۋانىشپەن قابىلداعاندارىن ايتتى.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي