2716 
0
الماتى، baq.kz. قازاق مەملەكەتتىك قىزدار پەداگوگيكالىق ۋنيۆەرسيتەتى مەن پولشانىڭ سيلەز ۋنيۆەرسيتەتى ٴبىلىم بەرۋ، عىلىمي بايلانىستار بويىنشا ٴوزارا ىنتىماقتاستىق جونىندەگى مەموراندۋمعا قول قويدى.
14738
0 
استانا: 
الماتى، baq.kz. قازاق مەملەكەتتىك قىزدار پەداگوگيكالىق ۋنيۆەرسيتەتى مەن پولشانىڭ سيلەز ۋنيۆەرسيتەتى ٴبىلىم بەرۋ، عىلىمي بايلانىستار بويىنشا ٴوزارا ىنتىماقتاستىق جونىندەگى مەموراندۋمعا قول قويدى.
اتاپ ايتقاندا، قىزدار ۋنيۆەرسيتەتىنىڭ رەكتورى گاۋحار الدامبەرگەنوۆا پولشاعا جاساعان ارنايى ٴىس-ساپارى اياسىندا كاتوۆيسەدەگى ىرگەلى جوعارى وقۋ ورنىنىڭ رەكتورى اندجەي كوۆالچيكپەن كەزدەسىپ، ارىپتەستىك بايلانىس ورناتۋعا ۋاعدالاستى.
قۇجات اكادەميالىق ۇتقىرلىق باعدارلاماسى اياسىندا ستۋدەنتتەر، پروفەسسور-وقىتۋشىلار مەن عىلىمي قىزمەتكەرلەر الماسۋدى، بىرلەسىپ عىلىمي-زەرتتەۋ جوبالارىن ازىرلەپ، جۇزەگە اسىرۋدى، اعىلشىن ٴتىلى كۋرستارىن ۇيىمداستىرۋدى، قوس ديپلومدى ٴبىلىم بەرۋ باعدارلاماسى اياسىندا وقىتۋدى قاراستىرادى. سونىمەن قاتار، مەموراندۋمدا اكادەميالىق اقپاراتتارمەن، وقۋ-ادىستەمەلىك قۇرالدارمەن جانە ماتەريالدارمەن ٴبولىسۋ، ٴوزارا كەلىسىم-شارتتار نەگىزىندە باسقا دا اكادەميالىق ىنتىماقتاستىقتار ورناتۋ كوزدەلگەن.
كەزدەسۋدە قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ رەكتورى گاۋحار الدامبەرگەنوۆا پەداگوگيكالىق ٴبىلىم ورداسى تۋراسىندا ٴسوز قوزعاپ، تاراپتار عىلىمي-مادەني قارىم-قاتىناستاردى نىعايتۋعا باعىتالعان ٴوزارا ٴتيىمدى ەكىجاقتى دامىتۋ ماسەلەلەرىن تالقىلادى.
"الدىنا قازىرگى ۋاقىت تالابىنا تولىق جاۋاپ بەرە الاتىن پەداگوگ كادرلاردى دايارلاۋدى ماقسات ەتىپ قويعان قازاق مەملەكەتتىك قىزدار پەداگوگيكالىق ۋنيۆەرسيتەتى ٴوزىنىڭ قىزمەتىن مەملەكەت باسشىسى نۇرسۇلتان نازاربايەۆتىڭ «2016-2019 جىلدارعا ارنالعان قازاقستان رەسپۋبليكاسىنداعى ٴبىلىم مەن عىلىمدى دامىتۋ جونىندەگى» مەملەكەتتىك باعدارلاماسى شەڭبەرىندە جۇرگىزەدى. ۋنيۆەرسيتەتتىڭ 6 فاكۋلتەتىندەگى 28 كافەدرا 42 باكالاۆر ماماندىعى، 23 ماگيستراتۋرا ماماندىعى جانە 4 phd دوكتورانتۋرا ماماندىعى بويىنشا مۇعالىمدەر دايىندايدى. سونىمەن قاتار، سىرتتاي وقۋ ٴبولىمىنىڭ ستۋدەنتتەرى 20 ماماندىق بويىنشا قاشىقتىقتان وقىتۋ تەحنولوگياسىن پايدالانىپ، ٴبىلىم الادى. بۇگىندە وقۋ ورنىندا جالپى سانى 7 مىڭعا جۋىق ستۋدەنت، ماگيسترانتتار مەن دوكتورانتتار وقيدى. ولارعا 55 عىلىم دوكتورى، 230-دان استام عىلىم كانديداتى مەن 90-عا جۋىق phd دوكتورى مەن عىلىم ماگيسترى ٴدارىس بەرەدى. ۋنيۆەرسيتەتتىڭ 30 ۇستازى «قازاقستان رەسپۋبليكاسىنىڭ جوعارى وقۋ ورنىنىڭ ۇزدىك وقىتۋشىسى» مەملەكەتتىك گرانتىنىڭ يەگەرى اتاندى. ەكىنشى دۇنيەجۇزىلىك سوعىستىڭ قيىن-قىستاۋ كەزىندە – 1944 جىلى اشىلعان بۇل بىرەگەي ٴبىلىم ۇياسىن وسى جىلدار ارالىعىندا مىڭداعان تۇلەك ٴبىتىرىپ شىقتى. قازىرگى كۇندە مۇندا ستۋدەنتتەردىڭ ساپالى ٴبىلىم الىپ، عىلىم، ونەر، سپورتپەن اينالىسۋى ٴۇشىن، ولاردىڭ بويىندا حالقىمىزدىڭ ۇلتتىق قۇندىلىقتارىن دارىتۋ ورايىندا ٴبىرقاتار جۇمىستار جاسالىپ، ۋنيۆەرسيتەت وتاندىق جوعارى وقۋ ورىندارى اراسىندا ۇلكەن بەدەلگە يە بولىپ وتىرعانى كوڭىلگە قۋانىش ۇيالاتادى"، – دەدى گ. الدامبەرگەنوۆا.
وقۋ ورنى رەكتورىنىڭ ايتۋىنشا، قازىرگى تاڭدا قىزدار ۋنيۆەرسيتەتى الەم ەلدەرىنىڭ 30-دان استام جوعارى وقۋ ورنىمەن ىنتىماقتاستىق ورناتقان. ولاردىڭ قاتارىندا اقش، انگليا، ٴۇندىستان، فرانسيا، قىتاي، گەرمانيا، تۇركيا، مالايزيا سىندى مەملەكەتتەردىڭ بەدەلدى ۋنيۆەرسيتەتتەرى بار.
ٴوز كەزەگىندە اندجەي كوۆالچيك ەكى ەلدىڭ جوعارى وقۋ ورىندارى اراسىنداعى بايلانىستىڭ ارتا تۇسەتىندىگىنە سەنىم ٴبىلدىرىپ، ىنتىماقتاستىقتى دامىتۋعا نيەتتى ەكەندىگىن جەتكىزدى.
"كاتوۆيساحتاعى سيلەز ۋنيۆەرسيتەتى پولشانىڭ ىرگەلى جوعارى وقۋ ورىندارىنىڭ ٴبىرى. اشىلعانىنا 50 جىلدان استام ۋاقىت بولعان ۋنيۆەرسيتەت وسى جىلدار ارالىعىندا ەلىمىزدىڭ ٴبىلىم بەرۋ جۇيەسى ٴۇشىن جوعارى بىلىكتى پەداگوگ كادرلار، ەكونوميستەر، ارحيتەكتورلار، اۋىل شارۋاشىلىعى سالاسىنىڭ ماماندارىن، ينجەنەرلەر مەن عىلىمي قىزمەتكەرلەر دايارلاپ كەلەدى. قازىرگى كۇندە وقۋ ورنىنداعى 12 فاكۋلتەت، 3 ارالىق فاكۋلتەت، 200-دەن استام ماماندىق جانە 80-گە جۋىق ٴبىلىم بەرۋ باعدارلاماسى بويىنشا وقىتادى. قازىرگى كۇندە ۋنيۆەرسيتەتتە 30 مىڭعا جۋىق ستۋدەنت، ماگيسترانتتار مەن اسپيرانتتار ٴبىلىم الۋدا. ولارعا 2 مىڭعا جۋىق پروفەسسور-وقىتۋشى ٴدارىس بەرەدى. وقۋ ورنىنىڭ فاكۋلتەتتەرى پولشانىڭ كاتوۆيساح، سوسنوۆسە، حوجوۆە جانە تەشينە قالالارىندا ورنالاسقان. وقۋ كورپۋستارى، جاتاقحانا مەن مادەنيەت ورتالىعى، سپورت الاڭدارى، باسسەين، سپورتتىق-ساۋىقتىرۋ كەشەنى، اقپاراتتىق-تەحنولوگيالار ورتالىعى، وقۋ زەرتحانالارى، مامانداندىرىلعان ٴپان كابينەتتەرى، زاماناۋي قۇرال-جابدىقتارمەن قامتاماسىز ەتىلگەن كومپيۋتەر كلاستارى، كىتاپحانا ستۋدەنتتەردىڭ ساپالى ٴبىلىم الۋىنا قىزمەت كورسەتەدى"، – دەپ اتاپ ٴوتتى ا. كوۆالچيك.
بۇگىندە پولشانىڭ بۇل وقۋ ورنى الەمنىڭ 36 ەلىندەگى جوعارى مەكتەپتەرمەن ىنتىماقتاستىق ورناتىپ، ولارمەن 600-دەن استام مەموراندۋم جاساسقان. ۋنيۆەرسيتەت ستۋدەنتتەرى ەۋروپا ەلدەرىنىڭ ٴبىلىم وردالارىندا erasmus+ باعدارلاماسى اياسىندا 3-12 اي مەرزىمىندە ٴبىلىم الۋعا مۇمكىندىگى بار.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
