كىشكەنتاي اۋىلدىڭ ۇلكەن قۋانىشى - ٴبىلىم & عىلىم|07 قازان 2018، 12:25
كۋرسى ۆاليۋت وبنوۆليايۋتسيا
استانا:

كىشكەنتاي اۋىلدىڭ ۇلكەن قۋانىشى

فوتو: Автор

پاۆلودار وبلىسىندا جۇمىسسىزدىق اتىمەن جوق ەلدى مەكەندەر جەتەرلىك. سولاردىڭ ٴبىرى – ەكىباستۇز ايماعىنىڭ اقكول اۋىلدىق وكرۋگىنە قاراستى زەلەنايا روششا ەلدى مەكەنى. اۋىل حالقى ەلباسى جولاۋىندا ايتقان ماقسات-مىندەتتەر مۇدىرمەي ورىندالسا، گۇلدەنگەن اۋىلداردىڭ قاتارى ارتاتىنىنا سەنىمدى، دەپ حابارلايدى bnews.kz اگەنتتىگىنىڭ وڭىردەگى ٴتىلشىسى.

اۋىلدا 400-گە جۋىق ازامات تۇرادى. شاعىن ەلدى مەكەن حالقىنىڭ سانى جىل ساناپ اوتىر كەلەدى. دامىعان الەۋمەتتىك نىساندار جەلىلەرىنىڭ ارقاسىندا اۋىلعا جاس ماماندار اعىلۋدا. ەلدى مەكەن تۇرعىندارىنىڭ 80%-ى اۋىل شارۋاشىلىعىندا ەڭبەك ەتەدى. قالعانى الەۋمەتتىك سالانىڭ ەڭبەككەرلەرى. سوندىقتان، جۇمىسسىزدىق اتىمەن جوق دەۋگە نەگىز بار.

بۇگىن زەلەنايا روششا اۋىلىنداعى شىدەرتى ورتا مەكتەبىن ٴتامامداعان تۇلەكتەر باس قوسىپ، ٴبىلىم بەرۋ نىسانىنا قاراستى بىرەگەي اكىمشىلىك عيماراتتىڭ اشىلۋىنا قاتىستى. لسىلايشا، تار مەكتەپ كەڭەي ٴتۇستى. سونىمەن قاتار، اۋىل ازاماتتارىنا سپورت زالىن تارتۋ ەتتى. جەرگىلىكتى كاسىپكەر ٴوز قالتاسىنان 35 ملن. تەڭگە بولگەن.

ورتا مەكتەپ ديرەكتورى باۋىرجان سارسەكەەۆتىڭ ايتۋىنشا، مەكتەپتىڭ ىسكى عيماراتى بالالارعا تار بولاتىن. ال سپورتزال بۇرىن-سوڭدى بولماپتى.

«زەلەنايا روششا اۋىلىندا 18 شارۋا قوجالىعى بار. ەلدى مەكەنگە كوشىپ كەلەتىندەر سانى ارتىپ كەلەدى. سوڭعى ەكى جىلدىڭ ىشىندە توعىز ٴۇي سالىندى. تاعى ٴۇش باسپانا بوي كوتەرۋدە. 1964 جىلى سالىنعان ەسكى مەكتەپتىڭ جاڭا عيماراتى 360 شارشى مەتردى قۇرايدى، ياعني بۇرىنعىدان ەكى ەسە ۇلكەن. اكىمشىلىك عيماراتتىڭ ىشىندە باس-اياعى جەتى كابينەت شوعىرلانعان: زاماناۋي «teather office»، it-سىنىپ، شاحمات كابينەتى، «رۋحاني جاڭعىرۋ» كابينەتى، مەديسينالىق پۋنكت، اسحانا جانە 20 سابيگە ارنالعان شاعىن ورتالىق»، - دەيدى باۋىرجان سارسەكەەۆ.

اۋىلدا تۇراقتاپ قالعىسى كەلەتىندەردىڭ قاتارى ارتۋدا. دەموگافيالىق جاعداي جاسقارعان كۇننىڭ وزىندە مەكتەپ نەمەسە بالاباقشادا ورىن تاپشىلىعى بولمايدى. ورتا ٴبىلىم بەرۋ نىسانى 100 بالاعا شاقتالسا، تەڭ جارتىسى بوس.

اكىمشىلىك عيماراتتى سالۋعا 55،4 ملن. تەڭگە جۇمسالعان. ال سپورت زالىن مەكتەپتىڭ بۇرىنعى تۇلەگى، شارۋا قوجالىعىنىڭ يەسى ماناس العامباروۆ سالىپ بەرىپ، قاجەت قۇرالدارمەن جابدىقتاعان.

مەسەناتتىڭ ايتۋىنشا، شارۋا قوجالىعىن 2000 جىلى قۇرعان.

«شارۋاشىلىعىمدى نەبارى 12 باس مالدان باستادىم. بۇگىندە اۋىل حالقىندا 3،5 مىڭ ٴتورت ٴىرى قارا مال مەن ەكى مىڭعا جۋىق جىلقى بار. بۇل مەكتەپتى 1979 جىلى اياقتادىم. سپورت زال بولمايتىن. بۇگىنگى بالالار سپورتمەن اينالىسۋ مۇمكىندىگىنە يە. ەلباسى حالىقتىڭ الەۋمەتتىك كوڭىل-كۇيىن جاقسارتۋ ٴۇشىن ٴبىز دە اتسالىسۋىمىز كەرەك. بۇل باعىتتا وبلىستا «مەكتەپكە تاعزىم» باعدارلاماسى جۇزەگە اسىرىلۋدا»، - دەيدى ماناس العامباروۆ.

ەسكە سالا كەتسەك، بىلتىرعى جىلى «مەكتەپكە تاعزىم» اكسياسىنا 500-دەن استام تۇلەك قاتىسىپ، تۋعان مەكتەپتەرىن جابدىقتاۋعا كومەكتەسكەن.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي