كەلەسى جىلدىڭ قاڭتار ايىنان باستاپ ۇبت بىرنەشە رەت وتكىزىلەدى – ەرلان ساعاديەۆ - ٴبىلىم & عىلىم|16 قازان 2018، 11:59
كۋرسى ۆاليۋت وبنوۆليايۋتسيا
استانا:

كەلەسى جىلدىڭ قاڭتار ايىنان باستاپ ۇبت بىرنەشە رەت وتكىزىلەدى – ەرلان ساعاديەۆ

استانا، baq.kz ٴتىلشىسى. ماگيستراتۋرادا ەندى گرانتتار ستۋدەنتتەرگە بەرىلەدى جانە ولاردىڭ جوو-ىن تاڭداۋ مۇمكىندىگى بولادى. بۇل تۋرالى قر ٴبىلىم جانە عىلىم ٴمينيسترى ەرلان ساعاديەۆ ۇكىمەت وتىرىسىندا ايتتى.

مينيستر جيىن بارىسىندا پرەزيدەنتتىڭ گرانتتار سانىن كوبەيتۋگە جانە تەحنيكالىق، اۋىل شارۋاشىلىعى گرانتتارىنىڭ دەڭگەيىن كوتەرۋگە قاتىستى تاپسىرماسى ورىندالعانىن جانە جوعارعى ٴبىلىم الۋعا قول جەتكىزۋ ٴۇشىن ٴبىرقاتار شارالار قابىلدانىپ جاتقاندىعىن جەتكىزدى.

«بىرىنشىدەن، كەلەسى جىلدان باستاپ ۇبت قاڭتار ايىندا باستالىپ بىرنەشە رەت وتكىزىلەدى. ەكىنشىدەن، مەكتەپ تۇلەكتەرىنە شارتتى تۇردە قاڭتاردان باستاپ اقىلى نەگىزدەگى وقۋعا تۇسۋگە مۇمكىندىك بەرىلەدى. ٴۇشىنشى، جوو-دا شەتەل ازاماتتارىنىڭ وقۋ جىلى كەزىندە وقۋعا قابىلداۋ مۇمكىندىگى قاراستىرىلعان. ٴتورتىنشى، شەتەل ازاماتتارى ٴۇشىن شاكىرتاقىنى ەنگىزۋ، ونىڭ ىشىندە قازاق دياسپوراسىنا. قازاقستاندىق جوو-دا ٴبىلىم الۋعا مۇمكىندىك بەرۋ. بەسىنشى، ماگيستراتۋراعا قابىلداۋدىڭ جاڭا مودەلىن ەنگىزۋ. ونىڭ نەگىزى باكالاۆرياتقا قابىلداۋ مودەلىنە ۇقساس. ماگيستراتۋرادا ەندى گرانتتار ستۋدەنتتەرگە بەرىلەدى جانە ولاردىڭ جوو-ىن تاڭداۋ مۇمكىندىگى بولادى»، -دەدى ول.

ە. ساعاديەۆ وسى جۇمىستاردىڭ ناتيجەسىندە شقو-دا شەتەلگە وقۋعا كەتەتىن بالالاردىڭ سانى 3 ەسە ازايعانىن ايتتى، ياعني بىلتىر 1800 بالا شەتەلگە ٴبىلىم الۋعا كەتسە، بيىل ول كورسەتكىش 630 دەيىن تومەندەگەن.

سونىمەن قاتار ول، ەلباسىنىڭ ستۋدەنتتەردى جاتاقحانا ورىندارىمەن قامتاماسىز ەتۋ جونىندەگى تاپسىرماسى دا ورىندالىپ جاتقاندىعىن ايتىپ ٴوتتى. «ول ٴۇشىن بارلىق قاجەتتى نورماتيۆتىك-اكتىلەر قابىلداندى، قارجىلاندىرۋ ماسەلەسى شەشىلدى. كەشە ەڭ العاشقى 7 جوو-مەن جانە 2 جەكە مەنشىك كومپانيامەن 4 مىڭعا جۋىق ورىنعا ارنالعان شارتتارعا قول قويىلدى. جاتاقحانا سالۋ جۇمىستارى باستالىپ كەتتى. رەسپۋبليكا بيۋدجەتىنىڭ جوباسىندا الداعى 3 جىلدىق كەزەڭىنە مەملەكەتتىك تاپسىرىستى ورنالاستىرۋ ٴۇشىن جالپى 15 ملرد تەڭگە ٴبولۋ كوزدەلىپ وتىر. جالپى 10 جىلدىڭ ىشىندە 75 مىڭ ورىنعا ارنالعان جاتاقحاناعا 1 53 ملن تەڭگە ٴبولۋ كوزدەلگەن»، -دەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي