14864 
0
استانا، baq.kz. استاناداعى جوعارى وقۋ ورىندارىنىڭ اراسىندا تۇڭعىش رەت س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ٴتورت بىردەي ٴبىلىم الۋشىسى ٴبىرىنشى رەت قوس ديپلوم يەگەرى اتانىپ وتىر.
2817
0 
استانا: 
استانا، baq.kz. استاناداعى جوعارى وقۋ ورىندارىنىڭ اراسىندا تۇڭعىش رەت س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ٴتورت بىردەي ٴبىلىم الۋشىسى ٴبىرىنشى رەت قوس ديپلوم يەگەرى اتانىپ وتىر.
يتاليانىڭ ميلان مەملەكەتتىك ۋنيۆەرسيتەتى مەن قازاتۋ-دىڭ ديپلومىن قاتار العان تۇلەكتەر بۇگىندە وزدەرىنە لايىقتى جۇمىسقا ورنالاسىپ ۇلگەرگەن.
2014 جىلدان بەرگى ىنتىماقتاستىق ناتيجەسىندە قول جەتىپ وتىرعان اتالمىش جەتىستىكتى ارى قاراي دا دامىتۋدى ماقسات ەتكەن قوس ٴبىلىم ورداسى 2019 جىلعا ارنالعان باعدارلامانى دا ازىرلەپ قويعان. كەلەسى كەزەكتە ٴبىلىم الۋشىلار سانىن ارتتىرۋ كوزدەلۋدە.
«اقپاراتتىق جۇيەلەر» ماماندىعىن ەكى ەلدەگى ٴبىلىم وردالارىندا بىردەي مەڭگەرگەن تۇلەكتەرگە سۇرانىس اسا جوعارى بولىپ وتىر. سەبەبى ەلىمىزدى ٴدال وسىنداي بىلىكتىلىگى جوعارى شەت تىلدەرىن ەركىن مەڭگەرگەن باعدارلاماشىلار جەتكىلىكسىز. س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ رەكتورى ا.ق. كۇرىشبايەۆ «اقپاراتتىق جۇيەلەر» مامانى بولىپ شىققان 4 ماگيسترانتقا ديپلومدارىن تابىستادى.
ولار - جاپپارقۇلوۆ قازىبەك، بايدۋللا قازىبەك، اركەن گۇلناز جانە امانگەلدينوۆا ينديرا.
ميلان ۋنيۆەرسيتەتىنىڭ (يتاليا) ديپلومىن يەلەنگەن جاستاردىڭ قۋانىشىندا شەك جوق.
"ٴبىز ەندى ناعىز مامان بولدىق. قولىمىزدا قوس ەلدىڭ ديپلومى بار. جۇمىسىمىز دا دايىن. الداعى 2019 جىل جاستار جىلى بولىپ وتىر. سوندىقتان ٴبىز ٴتارىزدى وزگە دە جاستارعا جاعداي كوپ جاسالادى دەپ سەنەمىن. ەندى تەك ەلىمىز ٴۇشىن ايانباي قىزمەت ەتەمىز. بىزگە بار مۇمكىندىكتى ۇسىنعان ٴبىلىم وردالارىمىزدىڭ باسشىلىعىنا جانە جەتەكشىلەرىمىزگە راحمەت ايتامىز" - دەيدى جاس تۇلەك اركەن گۇلناز.
اقپاراتتىق جۇيەلەر كافەدراسىنىڭ مەڭگەرۋشىسى ايسۇلۋ ابجاپپارقىزىنىڭ ايتۋىنشا، ماگيسترانتتاردىڭ ٴبىلىم دەڭگەيى وتە جوعارى.
"ولاردىڭ اقپاراتتىق جۇيەلەر جانە باعدارلامالىق قۇرىلىمدار سالاسىنداعى مەڭگەرگەن تاجىريبەلەرىن كورگەن جۇمىس بەرۋشىلەر بىزگە بىردەن حابارلاستى. جوعارى جالاقى ۇسىندى. بۇل ٴبىز ٴۇشىن اسا ماڭىزدى جاعداي بولىپ وتىر. ٴبىلىم وردالارى قول جەتكىزىپ وتىرعان جەتىستىك ٴوز جالعاسىن مىندەتتى تۇردە تابادى. سەبەبى ۇمىتكەرلەر سانى دا ارتىپ وتىر. قر ٴبىلىم جانە عىلىم مينيستىرلىگى تاراپىنان جانە جالپى وتاندىق ٴبىلىم بەرۋ سالاسىندا وسىنداي مۇمكىندىكتىر مولىنان جاسالاتىن بولسا جاستار ٴۇشىن زور مۇمكىندىك ەكەنى ٴسوزسىز" - دەيدى ول.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
