BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ دامۋى مەن بولاشاعى تاريحقا نەگىزدەلگەن ورتاق قۇندىلىقتارعا بايلانىستى – پروفەسسور

الماتى، baq.kz ٴتىلشىسى. ۇلتتىق سانا مەن مەملەكەتتىك سانا قابىسقان بۇگىنگىدەي كەزەڭدە ۇلتتىڭ ٴوزىن-وزى تانۋى ٴسوزسىز. بۇل تۋرالى ٴال-فارابي اتىنداعى قازۇۋ پروفەسسورى، گۇلبانۋ جۇگەنبايەۆا «تاريحي جادىنى قالىپتاستىرۋ جانە قازاقستانداعى ساياسي بىرەگەيلىك» اتتى جيىن بارىسىندا ايتتى.

«وسى ورايدا جاقىندا جاريالانعان ەلباسىنىڭ « ۇلى دالانىڭ جەتى قىرى» اتتى ەڭبەگىنىڭ تاريحي-فيلوسوفيالىق تەرەڭدىگىن ەرەكشە ٴبولىپ ايتقان ٴجون. ەڭبەكتە وسىناۋ الىپ كەڭىستىكتى يگەرگەن سايىن-ساحارانىڭ بايىرعى تۇرعىندارىنىڭ تاريحي جادىناماسىن وركەنيەتتى تۇرعىدا پايىمدايدى. ادامزات وركەنيەتىنىڭ دامۋ زاڭدىلىعىن زەردەلەۋدە ۇلى دالا حالقىن شەت قاقپايلاۋ بولعانى بەلگىلى. تىپتەن، رەسەيلىك يمپەريا مەن كەڭەستىك وتارلىق جۇيەسىنىڭ ۇلتتىق عىلىمعا جاساعان ساياسي يدەولوگيالىق قىسىمنىڭ ەكپىنى ٴوز زارداپتارىن قالدىرىپ كەتتى»،-دەيدى ول.

ونىڭ ايتۋىنشا، ۇلتتىق دۇنيەتانىممەن استارلاساتىن تاريحي سانانىڭ ەۆوليۋسيالىق دامۋدىڭ سيپاتىن انىقتاۋ، تالداپ تارازىلاۋ وتاندىق تاريح عىلىمىنىڭ تەوريالىق-مەتوديولوگيالىق تۇرعىداعى كۇردەلى ماسەلەسى بولىپ وتىر.

«ەلدىڭ ەركىندىگى مەن وركەندەۋى وي-سانالىق جۇيەنىڭ دامۋىمەن تىعىز بايلانىستى. ادامزاتتىڭ سان مىڭداعان جىلدىق ٴومىر ٴسۇرۋ تاجىريبەسىن ەسكەرىپ، ٴتۇرلى ساياسي كاتاكليزمدەردى اۋىزدىقتاۋعا بولادى. كوپۇلتتى ەلىمىزدىڭ دامۋى مەن بولاشاعى سىرتتان كەلگەن جوبالاردان ەمەس، تاريحقا نەگىزدەلگەن ورتاق قازاقستان قۇندىلىقتارىنا بايلانىستى. مۇنداعى باستى ماسەلە قازاقستانداعى ۇلتتاردى ماڭايىنا ۇيىستىرىپ وتىرعان جەتەكشى ۇلت قازاقتاردى تانۋ»، -دەيدى پروفەسسور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي