استانا: 
2855 
0
قازاقستاننىڭ گەرمانياداعى ەلشىلىگىنىڭ ۇيىمداستىرۋىمەن گەرمانيادا وقىپ جاتقان قازاقستاندىق ستۋدەنتتەرىنىڭ vi فورۋمى ٴوتتى. فورۋم قاتىسۋشىلارى وزدەرىنىڭ گەرمانياعا وقۋعا ٴتۇسۋ جانە وسىندا وقۋ تاجىريبەسىمەن ٴبولىسىپ، گفر ٴبىلىم بەرۋ جۇيەسىنىڭ ەرەكشەلىكتەرى تۋرالى ايتتى، دەپ حابارلايدى baq.kz اقپارات اگەنتتىگى.
ولاردىڭ ايتۋىنشا، قازاقستاننىڭ جاس ۇرپاقتىڭ شەتەلدەگى كاسىبي دامۋىن قولداۋ ٴۇشىن بارلىق جاعداي جاساپ جاتقاندىعىن ايتتى. بۇعان ەلشىلىك پەن گەرمانياداعى قازاقستاندىق ستۋدەنتتەر قاۋىمداستىعى بىرلەسە ۇيىمداستىراتىن ٴتۇرلى شارالار، سونداي-اق ٴبىلىم بەرۋ مەن بىلىكتىلىكتى ارتتىرۋ سالاسىنداعى مەملەكەتتىك باعدارلامالار اياسىنداعى ۇكىمەتتىڭ جان-جاقتى قولداۋىن ايتۋعا بولادى.
ٴوز العى سوزىندە سىرتقى ىستەر ٴمينيسترىنىڭ ورىنباسارى رومان ۆاسيلەنكو ستۋدەنتتەردى ٴبىلىم الۋداعى جەتىستىكتەرىمەن قۇتتىقتادى جانە مەملەكەت باسشىسىنىڭ ەلىمىزدىڭ جاس ۇرپاعى مەن ساپالى بىلىمگە ەرەكشە نازار اۋداراتىنىن ەسكەرە كەلە، بۇنى ەلىمىز دامۋىنىڭ نەگىزگى فاكتورى جانە بولشاق ۇلتتىڭ باسەكەگە قابىلەتتىلىگىنىڭ كەپىلى دەپ سانايتىندىعىن ايتتى.
«پرەزيدەنت نۇرسۇلتان نازاربايەۆ تاۋەلسىز قازاقستاننىڭ العاشقى قالىپتاسۋ كەزەڭىندە جاس قازاقستاندىقتاردىڭ شەتەلدە ساپالى ٴبىلىم الۋىن قولداۋ ٴۇشىن ىرگەلى نەگىز قۇرۋ مىندەتىن قويدى»،– دەدى ول.
ر. ۆاسيلەنكونىڭ اقپاراتىنا سايكەس، «بولاشاق» باعدارلاماسى بويىنشا 25 جىلدىڭ ىشىندە 12 898 ستيپەنديا تاعايىندالدى، بۇگىنگى كۇنگە دەيىن گۋمانيتارلىق، ينجەنەرلىك-تەحنيكالىق، مەديسينالىق جانە شىعارماشىلىق ماماندىقتار بويىنشا 10 مىڭنان استام مامان دايىندالدى. قازىرگى ۋاقىتتا 1 255 ستيپەنديات ٴبىلىم الۋدا، ونىڭ 4،7%-ى قۇرلىقتىق ەۋروپاعا تيەسىلى.
«سونىمەن قاتار، ٴوز كۇشىمەن وقۋعا ٴتۇسىپ، شەتەلدە وقىپ جاتقان قازاقستاندىقتاردىڭ دا سانى ۇلكەن، بۇل جەتىستىكتىڭ كورسەتكىشى جانە ۇلتىمىزدىڭ گۇلدەنۋىنىڭ كەپىلى»، – دەدى ٴسوزىن قورىتىندىلاي كەلە ديپلومات.
ٴىس-شارا بارىسىندا قاتىسۋشىلار پرەزيدەنت ن. نازاربايەۆتىڭ وتكەن جىلى كوكتەمدە ۇسىنعان «رۋحاني جاڭعىرۋ» باعدارلاماسىنىڭ باستى اسپەكتىلەرىن، سونداي-اق ونىڭ ىسكە اسىرۋ شەڭبەرىندەگى قازاقستاندىق جاستاردىڭ مۇمكىندىكتەرىن تالقىلادى. ستۋدەنتتەر سوڭعى 26 جىل ىشىندەگى مەملەكەتپەن قوعام دامۋىنىڭ كورىنىسىن، گەرمانيادا وقۋ بارىسىندا العان ٴبىلىمدى بولاشاقتا ەل يگىلىگى ٴۇشىن جۇمساۋ تۋرالى ويلارىمەن ٴبولىستى.
قازاقستاننىڭ گەرمانياداعى ەلشىسى بولات ٴنۇسىپوۆ فورۋم قاتىسۋشىلارىن الداعى استانا كۇنى مەرەكەسىمەن قۇتتىقتاپ، استانانىڭ جاس ٴارى گۇلدەنگەن قازاقستاننىڭ نىشانى، ال ەلىمىزدىڭ جاس ۇرپاعى الەمدەگى قارقىندى دامۋ مەن جاھاندىق ينتەگراسيا ٴۇردىسى جاعدايىندا قازاقستان مەن ونىڭ ەلورداسىنىڭ الەمدىك ارەناداعى ماڭىزدى ٴرولىن ٴتۇسىنۋى ٴتيىس ەكەندىگىن ايتتى.
«قازاقستاننىڭ گەوساياسي جاعدايى ەلدىڭ زاماناۋي جاھاندىق جانە ايماقتىق سىن-تەگەۋرىندەرگە ۋاقىتىلى ٴارى دۇرىس ارەكەت ەتۋى ٴتيىس ەكەندىگى بارشامىزعا ٴمالىم. مەملەكەت باسشىلىعىنىڭ سىرتقى ساياساتتاعى ساپالى باعىتىنىڭ ناتيجەسىندە قازاقستان الەمدەگى بارلىق مەملەكەتتەرمەن، اسىرەسە باستى ارىپتەستەرىمىز، سونىڭ ىشىندە گەرمانيامەن دوستىق ٴارى ستراتەگيالىق قاتىناس ورناتۋدا»، – دەدى بولات ٴنۇسىپوۆ.
ەلشىلىكتىڭ قولداۋىمەن قۇرىلعان گەرمانياداعى قازاقستاندىق ستۋدەنتتەردىڭ «kazalliance» قاۋىمداستىعىنىڭ كوشباسشىسى راسۋل راحيم ۇيىم قىزمەتى مەن بولمىش ەلدەگى قازاقستاندىق جاستار ۇيىمداستىراتىن ٴىس-شارالار تۋرالى ايتتى. ونىڭ ايتۋىنشا، اليانس جۇمىسى بەلسەندى كورسەتىلەدى جانە گەرمانياعا وقۋعا ٴتۇسۋدى جوسپارلاپ جۇرگەن جانە وسىندا وقىپ جاتقان قازاقستاندىق جاستار ٴۇشىن گەرمانياداعى ٴومىر مەن ٴبىلىم الۋ تۋرالى اقپارات پەن تاجىريبە الماسۋ ٴۇشىن سەنىمدى پۋل بولىپ تابىلادى.
سونداي-اق، فورۋمعا گفر ٴبىلىم بەرۋ مەكەمەلەرى جانە حالىقارالىق باعدارلامالار ورتالىقتارىنىڭ وكىلدەرى قاتىستى. ولاردىڭ ايتۋىنشا، قازاقستاندىق ستۋدەنتتەر گفر-دە وقىپ جاتقانداردىڭ ىشىندەگى «ٴبىلىمدى ٴارى ماقساتشىل كلاستەر» بولىپ سانالادى.
«قازاقستان مەن گەرمانيا اراسىندا عىلىم جانە ٴبىلىم سالاسىندا، سونداي-اق جاس مامانداردىڭ بىلىكتىلىگىن ارتتىرۋ جونىندە ىنتىماقتاستىق ورناتىلعان. بۇل تۇرعىدا گەرمانيانىڭ «daad» اكادەميالىق الماسۋ قىزمەتى مەن «بولاشاق» حالىقارالىق باعدارلامالار ورتالىعىنىڭ تىعىز بايلانىسىن ايتا كەتكەن ٴجون»، – دەدى نەمىس ارىپتەستەر.
ەستەرىڭىزگە سالا كەتەيىك، 1994 مەن 2017 جىلدار ارالىعىندا «بولاشاق» باعدارلاماسى بويىنشا گەرمانيادا 300-گە جۋىق ستيپەنديات ٴبىلىم الدى. قازىرگى ۋاقىتتا گەرمانيادا 300-گە جۋىق ستۋدەنت، سونىڭ ىشىندە «بولاشاق» باعدارلاماسى بويىنشا ٴبىلىم الۋدا. قازاقستان ٴۇشىن نەگىزگى مۇددەلى باعىتتار – مەديسينا جانە فارماسەۆتيكا،تەحنيكالىق عىلىمدار جانە ارحيتەكتۋرا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
14933
0